بيعدي عليك وقت بتكون مخنوق فيه كده من غير سبب،عايز تعيط وبردو من غير سبب،مخنوق وحاسس إن في جبل علي قلبك ونفسك مش مظبوط احساس وحش أوي،أو حبت أحاسيس إتجمعت عليك مرة واحدة نتيجة التراكمات اللي مريت بيها سوء في يومك،أو من أسبوع كله ضغط،أو من شهر كله روتين مفيش جديد وكل ده ليه؟! علشان بتفكر في بكره بتفكر هتعيشه ازاي هتقضي حياتك الجاية ازاي،بس في الحقيقه أنت بتعيش حياتك دلوقتي اللي تقريبا بتضيعها في التفكير في بكره اللي هو زي دلوقتي كلها حياتك مش هتتجزء كلها هتتعاش بشكل او بأخر مُختصر اللي عايزه أقوله وأوصله إن مهما كان يومك مش تمام أو انت نفسك بيجي عليك فتره كده بتبقي "out of mood"
حاول متخليش حاجه تضيع الحلو اللي في يومك حاول تتبسط ومتخليش موقف أو شخص يوصلك لإنك تحس بعدم انتظام تنفس من الخنقة اللي هتبقي فيها وإلا حياتك هضيع بالشكل ده وأنت واقف مكانك معملتش أي حاجه،ببساطة عيش وأعمل اللي يبسطك.
Menna Nasr.
