ابطال القصة شاب عمرة 25سنه واسمه علي والبطلة 20سنه واسمها لينا عائلة علي تتكون من اخوان 2وخوات2 كرار وحسين زهراء وحوراء وام واب متوفي تبدء القصة في احد ايام الشتاء البارد
علي: ها كرار وين انته
كرار: هسه رجعت للبيت
علي :ماشي اني اهم راح اوصل للبيت
علي: واني بطريقي راجع للبيت شفت الدنيا بدة تمطر خفيف ورثت جكارة واني امشي بسيارتي وسديت الجام حته لا يدخلي مطر شفت بنيه بطريق كلت خل اوصلها خطية تتمرض بهل مطر والجو بارد
علي: اصعدي اوصلج
لينا: اني جنت خايفة كلش وماعندي ولا فلس بجيبي وماعرف وين اروح وبدة الدنيا تمطر فجاة شفت سيارة طبكت عليه نزل الجام شفت شاب حلو ومرتب صاعد بيها وكلي اصعدي اوصلج
علي: شبيج صافنه صعدي لتخافين راح تتمرضين بهل مطر
لينا :مجان عندي حل ثاني وفتحت الباب وصعدت ويا
علي: وين بيتكم حته اوصلج
لينا: هوة سئلني بديت اشهك وابجي
علي: شبيج يمعودة لتبجين اهدي
لينا: حسيته خوش ولد وراح يتفهمني
علي: من بدة تبجي كلت هاي وراها سالفة لو شاردة من اهلها لو مطلوبه بس خل افتهم قصتها بعدين اتصرف
لينا: شوية وكتله اني شاردة من اهلي لان رادو يكتلوني واجيت لبغداد
علي: وكع الفاس براس احجي ويه نفسي
كتلها انتي بامان هسه لتخافين واحجيلي كلشي بتفصيل
لينا :ابوس ايدك شغلني خدامه عندك بس اخذني وياك والله اهلي يكتلوني
علي: اهدي كلشي واله حل اكيد انتي جوعانه هسه
لينا :لا موجوعانه
علي :حسيت بيها جوعانه بس تستحي وكفت يم مطعم وجبتلها لفتين كباب لحد يكول فلافل 😂
لينا: نزل يم المطعم وجنت جوعانه كلش جابلي لفتين وحرك السيارة يمشي ع كيف ورث جكارة
علي: اكلي لا تستحين احسبيني مموجود
لينا :حسيت بي انسان واعي ويفتهم وكلش خلوق اكلت الفه وهوة مباوع عليه ابد طلع الفون ماله واتصل ع شخص كله كول ل امي عدنه خطار خل تجهز عشة
علي: بدت تاكل ع كيف اخطف نظرات بدون متحس عليه حسيتها بريئة ومظلومة اتصلت بكرار يحضر عشة
لينا :كملت اكل وتشكرت منه ونسيت مصيبتي
علي: الف عافية شنو اسمج انتي
لينا :اسمي لينا
علي: عاشت الاسامي
لينا: شكرا
علي: لينا انتي ماعندج كرايب ابغداد
لينا :لا
علي: شنو جانت غايتج من اجيتي لبغداد
لينا: ماعرف بس ابويه طعن بشرفي ومتحملت ابقى وياهم
علي: حسيتها تحجي الصدك بس ماثقيت بيها
لينا : وصلنه لبيت جبير يطلع 150مترة وبناء جديد
علي: وصلت لبيتي وماعرف شراح احجي ل اهلي
لينا :طفة السيارة وكال انزلي هذا بيتي
علي:نزلت من السيارة وشفتها متنكعه بالمطر ومبينه بردانه فتحت الباب وطبت
كرار :جنت كاعد العب ويه حيدر ابني وطب علي ويا بنيه مبلله تعجبت
علي: سلام عليكم
كرار: عليكم السلام
علي: حوراء تعاي اخذي لينا تبدل ملابسها
حوراء :هلو اني اخر عنكود والمدلله وسبورتيه كلش جنت بغرفتي وسمعت علي يصيحني طلعت شفت بنيه ناعمه وحلوة متبلله ويا كلي خليها تبدل كتله حاضر
ام علي: جنت اصلي العشة وسمعت صوت علي ويكول بنيه ومفتهمت خلصت صلاة شفت بنيه دخلت لغرفة حوراء
كرار: منو هاي البنيه
علي: والله يا خويه ماعرف شكولك
ام علي :علي حبيبي شنو سالفتها
علي :يمه والله ماعرف شي خلوني ارتاح واحجي
علي: زهورة وينج خويه سويلي جاي فدوة
زهورة :هلو اني زهراء زوجت كرار وعلي يحبني ويعتبرني نفس اخته زهراء بعدين تعرفون السبب
جنت بالمطبخ اسوي عشة علي صاحني كال سويلي جاي كتله صار خويه
كرار: هلو نسيت اعرفكم ع نفسي اني كرار اصغر من علي بسنه وهوة جبير البيت من بعد امي وكلمته الماشية تفاجأة من شفت البنيه بس اعرف علي ما يسوي شي غلط
علي :اسمعوني زين هاي البنيه مفتهمت شي منها بس حسيتها مظلومة اعرف شنو قصتها وبعدين اخذ قرار
ام علي: يمه خاف مزوجها
علي: هههههه لا يا ام علي مو اني اليزوج بدون علمج
كرار: لعد شنو قصتها
علي :لا تستعجل خويه
زهورة: تفضل احلة جاي ل احلة اخ بدنيا
علي :تسلمين خويه
من جهة ثانيه لينا وحوراء
لينا :اخذت ملابس من حوراء وبدلت حسيت بدفو شويه وتشكرت منها
حوراء: عادي حبيبتي جسر للطيبين ههههههه
لينا :حبيتها كلش مبينه فقيرة وحبابه بعدين سمعت علي يصيح حوراء يكوللها تعاي
حوراء: جيتك علوشي لينا حبيبتي اخذي راحتج واحسبيها غرفتج نامي بمكان زهرأء
لينا :شكرا حبيبتي
علي: شربت الجاي والكل منتضرني احجي واني اصلا ماعرف شحجي 😂 صحت ع حوراء تجي
كرار: ها خوية ترة قلقتني احجي عاد
علي: اصبر شبيك حسوني وين
حسوني :هلاو اني اجيت شنو هل لمه الحلوة هنا
اسف اعرفكم بنفسي اني حسين اصغر من كرار وعلي دايح 24ساعه دخلت للبيت وشفتهم ملتمين سلمت عليهم وكعدت بصف كرار
علي :ها ولك دايح وين جنت
حسين: والله كالعادة بالكهاوي وين يعني
علي: زهورة كعدي انتي وحوراء اريد اسولفلكم
حسين :خير انشالله راح تزوج عن قريب
علي: ولكم شبيكم خبصتوني بزواج انته وامي وكرار وكلها
ام علي :يمه غير اريد افرح بجهالك قبل لا اموت
علي: عمرج طويل يمه اسم الله عليج
كرار: احجي يمعود عوف هاي السالفه
علي: هاي البنيه ماعرفها شفتها بطريق وكلت اوصلها اكسب اجر بيها خطية تتمرض بهل مطر والبرد
حسين: يا بنيه
كرار :انته اسكت
علي: خلوها ترتاح اليوم وباجر احجي وياها افتهم منها كلشي ونصرف بعدين بس خلو عينكم عليها
لينا :تشجعت وكلت خل اطلع خاف ميقبلون بيه اكوللها ابات عدكم منا لباجر واروح بس يوكف المطر طلعت برة وشفتهم ملتمين
علي: شفتها طلعت من غرفة حوراء بيتي جبير عبارة عن هول وغرفة امي وبصفها غرفة حوراء وكدامهم المطبح وبصفه الحمام وبصفه تكرمون الصحيات وغرفة كرار وحسوني تصير بواجه الهول (الاستقبال) واكو 3غرف وحمامات كامله فوك الية نرجع.………
علي: اجت علينه وسلمت علينه ردينه السلام عليها اشرة بصف امي يعني كعدي هنا
لينا :كعدت بصف مرة جبيرة بالعمر يطلع عمرها خمسينات كالتلي تعاي بنيتي كعدي بصفي
علي: كلت لزهورة وحوراء يجيبون العشة
زهورة وحوراء: حاضر هسه نصب
لينا: عرفت علي هوة جبير البيت من كلامه والكل تسمع كلامه كتله اكو اساعد البنات بالعشة
علي: لا خليج انتي خطار علينه ميصير عيب
لينا :لا عادي ماكو مشكله خزرني بعينه الصراحه خفت من نظرته وسكتت
علي: شفتها خافت من خزرتها خرب ضحك بداخلي شكد جبانه وبريئة
ام علي: بنيتي انتي وين اهلج
علي: يييمه عوفي البنيه ترتاح
حيدر :عمو علي اتيني لوبع
علي: هههه شتريد ولك
حيدر: لوبع اشري تبس
علي :حيدوري ابن كرار اخويه عمرة3سنوات واحبه هواي بزر الكعدة 😂 هاك حبيبي هذا حمس تالاف احسن من اللوبع
كرار: لتنطي هسه يروح يجيب جباسه ومياكل يذبهن ويوصخ البيت
علي: خلي يمعود لعد المن نتعب ونركض
لينا :فديت هل كائن يجنن وعندة خدود حلوات من كال لوبع متتضحك بس بكلبي جابو العشه تعشينه
علي: حوراء اخذي لينا تنام اكيد هسه تعبانه
لينا: مكدرت احجي شي لان خفت من علي هواي رجعت لغرفة حوراء وكبل نمت من التعب
علي: زهورة جاي رحمة ع ذاك الاب الطيب
زهورة: صار خويه
علي: يمه روحي نامي وباجر نحجي
كرار: علي تريد شي مني اروح انام باجر واري شغل
علي: لا خويه روح نام اني هم راح اصعد انام بس ديربالك خاف تسمع شي لان ما اثق ب اي شخص بسهولة وانته تعرفني
كرار: صار خوية يلا تصبح ع خير
علي: صعدت لغرفتي وتمددت بفراشي
نرجع بذاكرتنا ليورة ليش علي ممزوج لحد هسه نرجع لقبل 5سنوات
علي: يمه اريد ازوج
ام علي: اي يمة ليش لا منو هيه البنيه والعصر نروحلهم
علي: يمه اريد اية بنت عمي احمد اخت زهورة
اية: هلو اني اية اكبر من علي ب 3سنوات مكمله كلية بس مامتعينه وباقية ع هذا الامل انو اتعين بيوم من الايام اجوي بيت علي العصر امه واختي زهورة وحوراء اخته وفاتحو امي بالموضوع وهيه يخطبوني ل علي طبعا اني رافضه الزواج لان ردت اعتمد ع نفسي واكون حرة وشغله ثانيا علي صاحب فضل علينه اقصد ع اهلي لان حالتنه جانت تعبانه وهوة حالته زينه لان جان عسكري وراتبه زين وعندة سوبر ماركرت جبير شغل اخويه كرار وحمودي ويا حته يعتمدون ع نفسهم اترك القلم ل كرار اخوية
كرار: هلو اني كرار ابن عم علي واكبر منه ب 5سنين ومزوج اخت علي زهرأء وعندي بنوته حلوة اسمها زينب طبعا علي الي سماها علي انسان ناجح بحياته وشاطر يعرف وين يخلي فلوسه واني ايدة اليمنه بكلشي ياخذ رئيي اعرفكم بزوجتي زهراء
زهراء: لا شكرا اني اعرف بنفسي هلو اني اخت علي ابي اكبر من حوراء واصغر من علي وكرار وحسين ازوجت بناء ع طلب علي لان جان يحبني ويحب كرار ابن عمي وكالي هوة راح يسعدج وميقصر وياج وزوج زهورة لكرار اخوية ابو حيدر بيوم جنت كاعده دك الجرص كمت افتح اشوفها امي واختي وزهورة وحيدوري الوكح طبعا كعدو وضيفتهم فتحو موضوع علي ل عمتي ام كرار زوجي ابو كرار هم متوفي علي يطلب ايد اية واني كلش فرحت لان علي راح يزوج واخيرا صح اية اكبر منه بس المهم يزوج كلنه فرحنه وعمتي كالت اخذ شور البنيه واخوتها ونردلكم الخبر تقاليد وكذا المهم راحو للبيت
علي: ها يمه بشري شصار وافقت
ام علي: يمه شبيك اهدء لازم تصبر كم يوم حته تفكر البنيه ميصير هيج بسرعه
علي: ماشي يمه انتضر ليش لا انتضرتها 4سنوات مانتضرها 4ايام
زهراء: شلون راح اكوله عفية كرار انته كوله والله ماكدر اكسر كلبه
كرار ابو زينب: ماشي اني اكوله
حوراء: هلا يابش حياكم
كرار وزهراء: هلا حوري
حوراء: شعجب جيتو لازم تيهتو
حيدوري :خالوتلال
كرار: هلا يروح خالك شلونك ولك
حيدوري: اني تين عود زين😂
كرار: اكلج حوري علي موجود
حوراء: لا مموجود طلع كال عندي شغله اكملها وارجع
كرار: ماشي
ام علي :هلا شلونك كرار زهرأءشلونج يمه
كرار: هلا عمتي شلونج
زهراء: هلا يمه انتي شلونج
ام علي :هلا بيكم شخباركم ها ولج زنوبة شلونج امممممح
زنوبة: بيبي اموووووح
ام علي :تفضلو كعدو ليش واكفين
علي :طلعت اشتري بدله علمود الخطوبة لان متاكد مراح ترفض لان مناقصني شي شاب حلو مرتب سيارة بيت فلوس ماعندي شي نقص اشتريت قاط موروني لان احب الاوان الغامقة ورجعت للبيت لكيت كرار ابن عمي جاينه وزهرأء اختي واكيد مانسى زنوبة المدنفشة سلمت عليهم عرفت جايبين اخبار اية موافقة
كرار: هلا ابن عمي شلونك
علي: ولك ابن عمكك شنو اخوك اني
كرار: ونعم الاخو والله
علي: ها ام زينب شخبارك عمي ع كيفج ترة احنه ربيناج شدعوة اتصلي علينه ع اقل
زهراء: والله يا خوية هاي زنوبة متعبتني كلش وماعندي مجال
علي :فدوة اروحلها حبيبة خالها اشتريت قاط يموت للكعدة
كرار: اني وجهي تصوفر ماعرف شلون اكوله وهوة طاير من الفرحه
زهراء: سودة عليه خوية انته فرحان هسه وبعد شويه ماعرف شيصير بيك
علي: طلعت القاط بس احسهن مختنكين كتلها ها بشروني
كرارابو حيدر: رجعت من الشغل للبيت شفت كرار ابن عمي موجود واختي ملتمين سلمت عليهم ردو السلام بس وجوهم مصوفرة حسيت صاير شي وعلي اخويه بيدة قاط موروني يخبل وخاصه هوة يحب هيج الوان يطلع حلو علي
كرارابو زينب: علي تعال اكعد شبيك قحط بنات مشايف
علي: والله يا خوية اول مرة ازوج ممجرب قبل وطاير من الفرح
كرارابو زينب: علي ماعرف شلون اكولك
علي : هنا وحهي نكلب حسيت صاير شي احجي خويه ع بختك
كرارابوزينب: انته تعرف اية رافضه فكرت الزواج من زمان والزواج قسمه ونصيب والبنات هواي اكثر من الولد لان ربك هوة حلل اربعه لان عرف البنات اكثر من الولد ماريدك تضوج ابد اية رفضت وصدكني لو اضغط عليها توافق بس اعرفك متريد هل شي ومتريد بنيه تنغصب
علي :حسيت شي وكع فوك راسي ودخت حب 4سنوات من طرف واحد بلحظة يروح ليش اني بشنو قصرت كلها ساعدتها والمحتاج ساعدته والي ماعنده شغل شغلته ماعندي اي ذنب حته هيج اتجازة
كرار ابو زينب: علي والله الف بنيه تتمناك هاي وحدة متفتهم وباجر تزوج واحد ويطيح حظها ساعتها هيه تندم
علي: مصار شي خوية بس ماريد الموضوع يطلع لحد (كرايبنه ) يلا اترخص اني تعبانه شويه
زهراء: بديت ابجي من شفت علي اخوية وابويه وسندي هيج انكسر معرفت شسوي بقيت ابجي
كرار ابوزينب :زهراء تجين لو تبقين هنا
زهراء: ابقى هنا وسمعت صوت فوك بغرفة علي شي يتكسر كرار اخويه وكرار زوجي صعدو للغرفه ركض
علي :صعدت لغرفتي حسيت بنكسار وضعف ونقص بيه لزمت الكنتور كسرته التلفزيون كسرته اي شي شفته كدامي كسرته واصرخ اني شنو ناقصني
كرار ابو زينب: كرهت روحي من ورة اختي ومالي عين اباوع بوجه علي لان هوة صاحب فضل علينه صعد لغرفته ورة شوية سمعت صوت شي انكسر ركضت اني وكرار لغرفته عايف الباب مفتوح بس مكسر كلشي حقة يكسر ويعصب لان هوة مناقصة شي واعتب ع اختي الي سوت هيج بي لزمنا وهديته من ارتاح عفنا والبنات لمو غرفته ونام هوة نزلنه من يمه ساعه ب 11بليل اشوف عمتي بصاله كاعدة وتبجي استحيت اباوع بوجها
ام علي :هاي يمه كرار علي نام
كرار ابو زينب: اي عمه نام واني اترخص اروح للبيت
ام علي :وين تروح بات هنا اليوم تاخر الوقت
كرارابو زينب: لا عمه اروح اني .يتبع………
