لله نمضي ويبقى الأثر 🥺💜💜

كيفية ترك المحرمات 💔

مفيش حاجه بتيجي مره واحده لازم التدرج🤷🏻‍♀🤷🏻
سؤال بس معلش 🙄هو ايه اللي فيه التدرج بالظبط؟؟🤔
كل حاااااجه.. 💁🏻‍♀
نععععععم هو ايه اللي كل حاجه بس!!🤦🏻‍♂🙆🏻‍♀

طيب بالهداوه🤌 واعذرني لو الكلام طول🤏 وتعال🤝 أفهم معايا حدود التدرج بتاعنا دا المفروض آخره لحد فين معانا..!🤷🏻‍♀
ودا من آداب التعامل مع الله_ سبحانه وتعالى _ سواء فعل واجب أو ترك محرم، إذا مكنش أصلا دا واجب العباد اتجاه المولى"وما خلقت الجن والإنس إلا ليعبدون"  .. تعال تعال يا صديقي العزيز👏👏

عندك ياباشا فى العبادات ينفع ندخل فيها نظام التدرج بالنسبه "للنوافل" زي السنن والصيام وزكاة تطوع قراءة قرآن قضاء حوائج الناس..وغيره دا ينفع ندخل فيها التدرج(فمثلاً كضرب مثاااال انا هبدأ بربع قرآن يوميا لفترة معينه لا تقل عن ست شهور مثلا ولا يوم يفوت من غير قراءة الربع ولا آيه تنقص ولا مشاغل تشغلني ولا تعب ينيمني تمام 🤝... ثِبت عليه ولله الحمد فترة كبيره من غير ما يقل ولا ينساب يوم، هبدأ اتدرج وازود ع الربع ربع بقوا ربعين وبعد فتره تانيه كبيره ازود ع الربعين ربع تالت بقول ثلاث اربع وهكذا... وقيس عليه باقي النوافل يا صديق)
لكن احنا حددنا ف العبادات النوافل أما "الفروض" مفيهااااش تدرج نهائي عندك الخمس صلوات فرض عليك يتصلوا كل يوم، الخمس صلوات المفروض فى اليوم والليله (إنك تصلي انهارده فرضين وكسلت ف الباقي وبتقول المهم اني صليت ويوم ف يوم هجيب الخمس فروض... لا حضرتك كدا بتغفل نفسك دا مش تدرج خالص ولا نعرف عنه حاجه ولا سمعنا عنه🙅‍♀🙅)

يارب تكون النقطه ديت واضحه وتمام التمام👌🤝👏

ننقل بقى على النقطه التانيه اللي الناس كلها_إلا ما رحم ربي_ فاهمها بالمتشقلب🙃🙃🙃

👈عندك المحرمات والنواهي_شرب الخمره التبرج سماع أغاني الكذب الغش.. وغيره_ ديت بقى يا صديق بتتمنع مره واحده يعني تتساب مره واحده يعني اتركها مره واحده مفيهاش تدرج خااااالص نهائي بتاتاً🙅🏻‍♀... _ويستثنى منها حالات نادره خاصه جدا_.. فالغالب إنها بتترك جملة واحده انتهى👏

🤌👀معلش اديني عقلك (ينفع أقول لك انهارده  قلل شرب الخمره بوق واحد🙂 وبكرا بوقين🙃🙂 لحد ما تمنع الإزازه كلها.. لا طبعا لا يعقل ترك المحرم يكون جمله واحده)
واللي هيقول طب مهو الخمره نزلت ف القرآن بالتدرج... هرد عليك يا صديق وأقول لك دا كان فى أيام الجاهليه يعني ناس كانوا عايشين مع الخمره ليل نهار زي المايه ناس لسه بتدخل الإسلام فأكيد مش عشان نخلصهم من العادات والتقاليد والأفعال والاقوال وكل حاجه جاهليه و ننقلهم للإسلام نمنع عنهم فجأة كل حاجه خمره حرام زنا حرام قمار حرام ظهار حرام... أكيد النفس هتأبى كل المنع دا مره واحده.. فكان التدرج معاهم هما نفسهم رحمه من الله عليهم.. لكن الحمدلله إحنا مش فى الجاهليه ولا معانا أبا جهل.. احنا ناس عاقله بتفهم الحمدلله مفيناش أبا جهل ولا ام جهل ولا بنت خالة أبا جهل حتى😂😂😂.
ولا مثلا ينفع اجي اقول لشخص بيكذب دايما_عفانا الله_ انهارده ليك كذبتين بس.. وبعد شهر كذبه واحد بعدين نبطل... لأ الصح نجاهد ونستعين بالله ونبطل خالص صح ولا ايه يا صديق.🤌

طيب ناخد بالنا من التكه ديت قبل ما نختم المنشور اللي طول معانا اوى دا🙆🙃
بالنسبه للي بيتدرج فى ترك المحرمات نمنعه مثلا أو ننكر عليه؟
لااا طبعا منبقاش احنا والدنيا عليه🤦🏻‍♂💔  نسيبه زما هو بيحاول ..مادام بيتقدم لأدام وبيجاهد نفسه فعلا.. وننصحه ونساعده وناخد بيده هو اكيد بيجاهد والله اعلم به وبنيته وصدق سعيه ومن يصدق الله يصدقه واحنا بنحاول معاه من الباب التعاون على البر والتقوى.. والله المستعان

بس خلاص يا صديق توته توته خلصت الحدوته.. سلام🚶🏻‍♀

#خدمه وسارعوا الدعوية