🔞 الشيطان 🔞

حسام(عينيه خارجين بعصبية): شكوون هو.(زاد زير عليها)دوي شكوووون هااااد القواااد .

عينيها مدمعين حاسة بفكها غيتهرس فيديه .

مروى:حسااام رخف عليا كتقصحني حسااام(كتبكي).
حسام:(كيصوط مغدد عينيه مفيكسين  عليها)شكووون هو؟جاوبيني متصعريش ديلمي ..شاد راسي عليك بزز..ينعل طبووونمكم اولااد لقحاااب بغيتو تخرجو الشيطااان لي فيا.

ضرب قبضة يدو فالحيط حدى وجها: نطقيييي..

مروى(مألمة): كذبت هءهء مكاين تاواحد هءهء عفاااك طلق .

رخى منها راجع باللور وخرج منيرفي مكيقشع والو...

كلسات فالارض كتبكي وتحسس فكها كيضرها.
مروى:الله يعطيك مصيبة الحيوااان..

فمكان اخر ..

فبوتيك لبيع ملابس رجالية..

وقفات سيارة قدام البوتيك وخرج منها شاب ثلاثيني. بشرة خمرية وعينين كوحل لحية مطراسية..انيق ووسيم فنفس الوقت.باين عليه من عائلة غنية..

ايمان( مشغولة مع كليان راجل ):مرحبا بيك مرة اخرى اسيدي..(مبتاسمة).

كليان: اكيد غنرجع ..

وقف عليها هارون متبع فداك الراجل تا خرج ورجع دار لعندها.

هارون(من داخل ديالو معصب شاد راسو بزز):احم ايمان لباس.

ايمان(عاد نتابهات ليه)اا فوقاش جيتي؟

هارون:كنتي مشغولة كضحكي مع داك لقلا(سرط ريقو )احم كليان.

ايمان(ابتاسمات):اه مزيان مرحبا شي كوسطار جديد؟ولا صباط؟

هارون(مفقوس): لي عجبك نتي (كيدوي فنفسو).

شحال انبقى متردد .ديرها اهارون مايهمش النتيجة المهم هو المحاولة.

هارون(حنحن) :احم ايمان.

ايمان(كتختار ليه سروال ):نعاام.

هارون(دور راسو جيهت لكاميرات): أري داك سروال (خداه )وجيبي معاك لون اخور وخى.اندخل نبدل وتبعيني..

ايمان:صافي انختار ليك مونطارد .

دخل بلاصة تبدال مافيهش لكاميرا ..وقف متوتر.
كوميسير ومقامو كبير بين الاغنياء..من نهار دخل لبوتيك مع امين وقلبو طاير ..حبو طاح على حجرة هههه. ايمان بنت الشعب معندهاش ومخصهاش ...

غادي جاي تاسمعها كتعيط ليه.

ايمان:سي هارون.

هارون(مزير على يدو):دخلي اايمان .

ايمان:الا اويلي.

هارون:راني لابس غير دخلي.

طلات عليه عاد دخلات .