لَقُآء مًسِتٌحًيَلَ 🙂❤

Chapter "28"

آلَلَهّمً صّلَيَ وٌسِلَمً وٌبًآرکْ عٌلَﮯ سِيَدٍنِآ مًحًمًدٍ 💜
мσнαиy30💙
🖤✨🖤✨🖤✨🖤✨🖤✨🖤✨🖤✨

#Writer
*After two months *

منة: هو محمد فين
مايا: مش عارفه بس نزل من بدري بس اعتقد قال هيقعد عالكورنيش شويه
ميرنا: محمد دا ربنا يسترها معاه من يوم الزفت كتب الكتاب دا وهو حاله اتدمر اكتر
منة: واحنا قولنالك محمد هيتعب وانتي بس اللي مسمعتيش كلامنا
ميرنا: مش مسمعتش كلامكم انا لازم كنت اعمل كده مدام هو مقتنع باالحاجه دي مينفعش كلنا نكون عليه حتي لو انا مبحبش حبيبة
مايا: يعني هنسيبه كده ومحدش فينا قادر يعمل حاجه
منة: واحنا في ايه ف ادينا نعمله
مايا: مش عارفه اي حاجه بس نخلصه من اللي هو في دا
ميرنا: محمد محدش هيقدر يتكلم معاه فحاجه ف احنا نسيبه كده لحد متيجي منه هو غير كده هنتعبه اكتر
منة: ربنا يستر
مايا: يارب

#Mohamed

يااااارب

.......: يبني انت يبني
محمد: نعم
.........: نعم الله عليك يبني مالك شيفاك قاعد بتعيط من بدري
محمد: 🙂🙂🙂🙂
.........: اتكلم يا حبيبي انت مين اصلا ومالك انا زي والدتك برضو
محمد: انا اسمي محمد
.......: اسمك حلو يا محمد وانا اسمي سهير وباجي على الكورنيش هنا دايما بحب اقعد ف الهوا كده اصل انا ابني مسافر وقاعده لوحدي وحظك بقي نزلت انهارده عشان اشوف وشك القمر دا
محمد: اهلا بحضرتك
سهير: هاا مالك بقي شكلك مدايق ومدايق جامد
محمد: اممممم
سهير: انت متجوز يبني
محمد: كاتب كتابي
سهير: مالك طيب طلع اللي فقلبك متخافش عيونك فيها كلام كتير يبني
محمد: ههه عيوني فيها كلام كتير وقلبي في وجع اكتر😢😢😢😢
سهير: ليه يا محمد مين مزعلك
محمد: انا الدنيا كلها مزعلااني وجايه عليا مفيش حد مبيشوفنيش الا لما يفضل يجرح فيا بكلامه عارفه ياطنط انا مش فاكر امتي اخر مرة ضحكت وفرحت من قلبي بجد ومش طالب حاجه من الدنيا دي غير اني ارتاح وحياتي تستقر
سهير: انت مش مرتاح مع مراتك يبني مش كده
محمد: لاء انا بقالي شهرين كاتب كتابي ومن يومها وانا ندمان وبضرب نفسي 100جزمة اني اتجوزتها وفاكر كويس اني كنت ندمان كده برضو يوم مخطبتها
سهير: يعني يبني تندم على الخطوبه وبدل متفسخها تربط نفسك بيها اكتر
محمد بتنهيدة: يوم مخطبتها كنت مفكر اني كده بعاقب اهلي لما اخطب واحدة هما مش بيحبوها وشايفين انها مش مناسبه ليا وفنفس الوقت انا كنت بدور على اي حد اترمي عليه ويحسسني اني مش وحش وفيا حاجه تتحب لكن هي طلعت عكس كده مش عارف هو ليه بيحصل كده بس انا عمري مرتاحت معاها وهي عمرها مهتمت بيا اصلا ولا حسستني انها شريكه حياتي فعلاً ولا بتحبني اقولك حاجه
سهير: قول
محمد: انا بحب صحبه اختي بحبها اوي وهي بتحبني واحنا الاتنين عارفين دا بس هي اكيد دلوقتي مش طيقاني وبقت تكرهني عشان سبتها واتجوزت
سهير: اللى بيحب بجد يبني مبيعرفش يكره لو حصل ايه هتزعل وتااخد على خاطرها منك بس مدام قلبها دق بحبك عمره ميكرهك ابدا
محمد: بس انا جرحتها هي قالتلي هستناك وانا كنت واطي اوي معاها وكدبت لما قولتلها اني مش هتاخر بس والله كل دا حصل غصب عني
سهير: وليه مدام وعدت موفتش بوعدك
محمد: ابويا دايما بيتخانق معايا وبيجرح فيا هو كمان بحسه بيكرهني اصلا حصل مشكله بيني وبين اختي وهو طردني من البيت وقتها مكنتش قادر ارجع مش عاوز افضل ف البيت دا عاوز ابعد واقعد لوحدي ملقتش قدامي غير اني اكتب كتابي وكام شهر كده واتجوز وكده كده انا بسافر كتير بحكم شغلي
سهير: انت يا حبيبي كده بتعاقب نفسك مش ابوك بتعاقب نفسك انك تفضل عمرك كله مع واحده انت مش بتحبها
محمد: اختي بتقولي بتحس انها عامله حاجه ليا ربطاني بيها عشان انا دايما مخنوق وحالتي وحشه وكل م اخد قرار نحيتها اعمل عكسه قررت كتير اني اسيبها وقلعت دبلتي فترة طويلة وبعدت لكن لاقيت نفسي مرة واحده برجع نقطه الصفر تاني وبقرب تاني انا مش هكدب كنت قبل الخطوبه معجب بيها لكن لما قربت ك خطيب مش صاحب لاقيت الموضوع عكس كده
سهير: وارد ووارد
محمد: مش فاهم
سهير: يعني ممكن تكون ربطاك بحاجه فعلاً وممكن لاء وانت اللى متلغبط وخايف تتجرح اكتر
محمد: مش عارف انا والله مش عاوز ولا طالب حاجه غير اني ارتاح واعيش زي باقي الخلق
سهير: ابعد وخد وقتك يبني وفكر كويس حط كل الامور قدامك وحط مراتك وحبيبتك قدامك وقارن دي ب دي والكافه الكسبانه روحلها يبني ومتفكرش غير ف راحتك
محمد: مراتي تبقي قريبه صحبي خايف لو طلقتها يبعد عني
سهير: لو قعدنا نفكر فزعل دا ودا وسبنا نفسنا هندمر يبني وعمرنا مهنلاقي راحه بص قدامك وفكر لو حصلت اي مشكله بينك وبينها فيوم صحبك هيكون فصفها هي مش فصفك انت حتي لو هي غلطانه وعمره مهيجي عليها يبقي زي مهو مش هيجي على اللى منه انت كمان متجيش على نفسك ابدا مهما حصل خلي نفسك اهم حاجه فحياتك ومتحطش حد فخانتك قبل نفسك مهما كان مين محدش دايم يبني وانت اللى دايم وباقي لنفسك وف الاخر محدش هيسندك غير نفسك وبس
محمد: فعلاً
سهير: ابعد كام يوم وفكر واللي هيجي فدماغك اعمله بس اهم حاجه تفكر في مرة واتنين وتلاته ومليون قبل متنفذ علشان مترجعش تندم ياحبيبي وانا متاكده انه ربك هيحلها قريب جدا لانك شكلك محترم وطيب يبني وتستاهل كل خير
محمد: شكرا لحضرتك
سهير: انت بتشتغل ايه بقي
محمد: انا بلعب كوره ف النادي الاهلي
سهير: ربنا معاك ويوفقك ويريح قلبك يبني
محمد: امين يارب