رواية خطايا(العنف)

1

بسم الله❤
خطايا..💔.. (العنف)
الحلقه..1..
متابعه ممتعه❤..
بسمه:عليش انت مش مصدق شنو الي خلاك تكذبني قولي شنو
رواد: بسمه عارفه مأ تضمي فمك تعرفي كيف نتصرف معاك
بسمه: تبي تضرب عادي اصلا تعودت ااه شن تسحاب انت اااه شن تسحاب..
عفوا اكيد مش فاهمين شي صاح... ح نوضح..
انا.. بسمه مواليد2000 شعري طويل ل نهاية ظهري.. عيوني عسليات شفافي نفخ رباني من عند ربي💔بس ما كنت متوقعه ان في يوم من الايام نكره جمالي هكي او نكره شكلي ك انثى خصوصا بعد تزوجت رواد كرهت نفسي اكثر واكثر هوا كان السبب في اني نكره نفسي بعد كل حاجه دارها فيا.. !!
رواد.. شاب متعجرف مغرور كل حاجه يبيها ملكه ما تهم الحاجه صح اوخطا المهم يرضي غرورة... مواليد.. 1990.. امه مدلعته واجد الي يقول عليها تسير سواء خطا او صح او اذا كانت خطايا او حسنات ماتهم المهم ترضي غرور ابنها المدلل💔..
في حوش حلو وبسيط جدا كانت فيه ابتسامة طفلة بريئه ضحكتها كانت تسمع في انحاء البيت بس توااا ما تقدر تسمع غير صوت شهقات بكاها بسب زوجة ابيها المتعجرفه💔..
الاء: نوووور صبي يا حماره
نور: حرام عليك والله تعبت تعبت شوفي بنتك الثانيه والله حتى هيا راقده
الاء: على اي اساس اتقارني روحك ب بنتي ااااه
نور: حرام عليك والله حرام هذي خطيئه ربي يعاقبك عليها💔😭😭..
في مكان ثاني..🙃
خليفه: تعال ياكلب
ايهاب: عليش  علشان تضربني
خليفه: تعال يا ولد الكلب
ايهاب😂😂تشتم في روحك يا باتي رااه
خليفه: تقولي نشتغل ونطلع في فلوس  وين نسالك تقولي قمار
ايهاب: 😂😂😂قمار شنو قيمر يعني العاب ڤيديو.. يعني بليس تيشن...
خليفه: تفي على فيتك
عزو: كنك
ايهاب: قتلا قيمر قلبها قمااار
عزو: 😂😂😂😂 عارف باتك ما يعرفهنش فهمه بشويش
ايهاب: انا طالع..
عزو: عدي يا خوي ان شاء الله
ايهاب: ان شاء الله شنو
عزو: ان شاء الله تحج
ايهاب: 😂😂عارف مش هيا بس اجمعين
عزو: 😂😂😂..
ــــــــــــــــــــــــــــــــــــــــــــــــــــــــــ
بسمه: ماما
امنه: ها بنيتي
بسمه: بابا وين
امنه: طلع عنده مشوار قريب
بسمه: اممم ماما انا الناس الي جايين مش متريحه ابدا
امنه: استهدي ب الله غير اكيد انتي متوترة عدي صلي استخاره..
بسمه: ماما بس انا مش مر تاحه لناس
امنه: يا بنتي خلاص هدي تو انقول لبوك وهو يتصرف
بسمه: باست على راس امها ودخلت غرفتها مبسوطه..
امنه: ربي يهديك يا بنتي..
بسمه: حبيبي ماما قالت تو اتقول ل بابا
رواد: باهي اصلا انا نبي انجي نخطب او ما ترفضي
بسمه: بجد حبيبي
رواد: اكيد انا راجل..
بسمه: باهي حبيبي
رواد: حبيبتي انا محتاج علشان نكمل حوشنا .
...
قاطع حبل ذكريات بسمه.. مرا كبيرة في العمره باين على ملامحها الخبث والشر و.. عبير ام رواد..
عبير: ساعه ونا نحكي معاك وين عقلك تفكري تخوني وليدي
بسمه: اسفه يا عمتي بس شردت شوي عفوا يا عمتي حشايا من الغلط
عبير: هضا الي ناقص تردي عليا
بسمه: والله ما قتلك حاجه انا بس
رواد: انتي يا قليلة الادب اتردي على امي.. يا حيوانه
بسمه: انا ما وقبل ما تكمل كلمتها يجيها كف يطيحها على الارض مع نزيف في الفم والانف
عبير: تستاهل قليلة الادب..
في هذي اللحظات في عيون كانن يراقبن بصمت بس يمكن ه العيون عندهن خوف من المرا هذي..
نور.. انا عايشه مع مرات بابا  واختي..  باتي بعد موت ماما اتزوج وجاب منها بنت ومعاملتها  كانت سيئه وبابا ما يعلمش ان هيا سيئه معايا قدام بابا ملائكه ومن ورا بابا شيطان.. حتى ان في يوم شفتها...!
الاء: نوووور
نور: نعم
الاء: ديري الغداء باتك قريب يروح
نور: حاضر
الاء: لو قلتي لباتك عن اي حاجه مش ح نتردد لحظه اني نقتلك رااا
نور: حاضر خشيت للكوجينه ونا دمعتي في عيني.. وقلتها من وسط خاطري حسبي الله ونعم الوكيل فيك..
الاء: شن تقولي
نور: ولا حاجه..
ــــــــــــــــــــــــــــــــــــــــــــــ
رواد: بسمه
بسمه: 😴
رواد: 😨
عبير: حي عليا قتلتها يا رواد قتلتها😱😨😰😰
رواد: مش انا انا مدرت شي مش ناااا انتي
عبير: انت الي كنت تضرب فيهاااا
رواد: انتي مش نا وطلع يجري من الحوش حتى ان ما فكر العواقب الي ممكن يسببها طلوعه من الحوش
عبير: خالد خالد
خالد: نعم حي على امه شن درتو للبنت
عبير: اسكت وشوفها
خالد: حولي نشيلها للمستشفى..
خالد.. ولد عبير الكبير.. مواليد87 عاقل ما يحب الظلم حتى ولو كان الظالم خوه او امه..!!
ـــــــــــــــــــــــــــــــــــــــــــــــــــــــ
في مكان تاني..
سناء: غبيه انتي
روزه: ههههه انتي هبله والله هبله مصدقتيه
سناء:  هوا قالي نحبك ونخطبك
روزه:  ههههه حتى رصيده ما يبي يكملا عليك يا غبيه
سناء: اسكتي هوا يحبني..
روزه:  شن اسمه هوا به...
سناء.. انا مواليد2005 عيوني كبار جسمي متوسط شعري لتحت ضهري بواجد و روزه صحبتي من ونحنا صغار في الروضه..  بس صارت حاجه معانا..!!
ــــــــــــــــــــــــــــــــــــــــــ
الدكتور:  متعرضه للضرب
عبير:  اااا.. ااءءء لالا هيا مرات ولدي طاحت من الدروج
الدكتور:  انا دكتور..  ونعرف الطيحه من الضرب البنت متعرضه للعنف الاسري
عبير:  قتلك لالا انا حمتها
خالد:  جاي ب القهوه شن في يا دكتور طمني
الدكتور:  من انت
خالد:  انا سلفها..
الدكتور:  البنت متعرضه لضرب وبسب هكي أجهضت البيبي
خالد:  شاف الامه استحقار وعتب على امه والمعامله الي تعامل فيها لبسمه..
الدكتور:  اولا..  انا لازم نخبر الشرطه علشان هذي مش طيحه هضا عنف..  ثانيا..  لازم زوجها يكون هنااا
يتبع❤
ـــــــــــــــــــــــــــــــــــــــــــ
...  ان شاء الله تكون الحلقه نالت اعجابكم..
...  للكاتبه ميمي الفارسي..
...  رائكم بلتعلقات