وتيجى الذكرى تملانى
تفاصيل مش مفارقانى
بصور كل اللى حبتهم
حبايب راحو وسابونى
وغيرهم تاهو ونسيونى
وتانين شافو دى راحتهم
وغالين عمرى مانستهم
مايغلو عاللى خالقهم
روحى كانت فى حياتهم
فتنزل دمعة مكتومة
تحفر عالخدود علامات
ترسم تفاصيل نهايتهم
واخفى الحزن واكمل
طريق ماشى فية لوحدى
واكمل سكة مش سالكة
مع ناس قاسية مابترحم
مجبور اعيش هنا بينهم
بمشاعر كلها باهتة
مجرد فصل ف حياتهم
بقصة تروى حكايتهم
عنونها زيف مشاعرهم
وتتر الحياة معدّى
دة مفارق ودة مكمل
ودة عايش بقلب حزين
ودى نفس مجبورة
تكمل وهى مقهورة
بعد ماراحو الغالين
أنت تقرأ
تفاصيل فالقلب محفورة
Non-Fictionكان قلبي سارقه شعور جديد والعين ما بتبصش بعيد والي أستنيته مالقتهوش من يومها عمري مالوش نهار بدفع سنين تمن اختيار ماحسبتهوش غلطان انا .. غلطان عشان رسمت بكره بعين زمان وقت اما شفت الصح ما لقتلوش مكان يا حلمي الغايب الي ماجاش خدعني الحاضر الي تعاش وم...
