#2022
~~ للذكرى 🖤
طن مشاعر 🥺😂🌚
~ 31/12/2021
أخر يوم بالسنة، حبيت أكتب هالبوست من القلب للقلب، ليبقى ذكرى ويامحلى هالذكرى الجمعتني بيكم بيوم 29/4/2021
فتحت هالصفحة (الأنستا @_thehope2005)
راح أكتب شلون بدأت بالكتابة بهالكم سنة...
٢٠١٩ بلشت بشكل بطيء
ماكنت مفكرة ولو للحظة أني راح أستمر كانت مجرد هواية (للتسلية لا أكثر)
و ب ٢٠٢٠ بلش النشاط نوعاً ما ونزلت قصصي ال٢ ستوري على صفحتي الشخصية (الفراشة الضائعة بالأوهام، صراع القلب&والذاكرة، القصة الثانية نزلت بشهر العاشر ب ٢٠٢٠)
شجعوني أهلي وصديقاتي جداً
وحبوا القصة فقررت أكتب القصة الثالثة...
لأن هالشي حفزني
و أكثر سنة أجتهدت بيها هواي من ناحية كتابة وتنزيل القصص هي ٢٠٢١ و كتابة أكثر من ١٠٠ نص وأقتباس
الحمدلله....
يعني لما كتبت القصة الأولى ماجنت أدري راح أستمر للثانية وهكذا الى أن صار عندي ٦ قصص
وأول مافتحت الصفحة
نزلت القصتين يلي چنت كاتبتهم وبعدها بلشت بتنزيل
قصة أريدُ أن أعيش و٣ قصص عراقية!! (٥ خيالية، و السادسة حقيقية) ، وعدة أقتباسات ونصوص (عراقي_فصحى_لبناني) وتعرفت على هواية كاتبات صاروا صديقاتي
ومُتابعات حبيتهم وحبوني...
~كلامكم هو المُحفز الدائم ألي، متتخيلون شعوري لما يجيني أشعار عالواتباد مثلاً وأني گاعدة أدرس وأنتوا مثلاً دتقرون قصة من قصصي.
أحس بشعور حلو على الأقل أذا متت روحي راح تروح لكن تبقى "حروفي وكلِماتي"
ودعواتكم الحلوة؟ شمسوية أني بحياتي حتى أشوف هيج حب وحنان!!
يعني لما توصل مرحلة بشخص يدعيلك عند رب العالمين ، هنيالك ♥️
أحب أنتقاداتكم لأنها بأسلوب جداً محترم ويساعدني على تجنب الأخطاء لكن بالقصة الثانية تعرضت لنقد جارح هالشي أذاني أتذكر كلش أنقهرت ودمعت عيوني لأن اللي گال هالأنتقاد فكر أني راح أدمر من بعد كلامه، بالعكس راح أستمر وأثبت العكس!
أما بالنسبة لتوقعاتكم، فهي أحلى شي لما أنزل القصة، أضحك وأبكي لما أقراها، بالأخص البارت الأخير فديتكم والله،
~وشكر خاص لِصفحات الواتباد ولِكل شخص نشر أو دعمني بــ لايك أو كومنت ❤️
طبعاً أعترف بأخطائي، عندي هواية أخطاء، أملائية، سرد، نقصان تفاصيل من القصة الأولى والى السادسة بس هالشي دليل على تطوري يعني قريت القصة الأولى وشفت بيها أخطاء وأكدر أغيرها لكن مع ذلك تركتها...
حتى أطور من نفسي لما أشوفها...
وأكثر شي أنصدمت بيه أنو أكو هواية ناس تابعتني ودعمتني هواااي بالبداية لكن بس بلشت صفحتي تظهر مع الأسف أختفوا، واللي يتابع ويلغي!
واللي يريد أرد الفولو، صفحتي عامة صعب أرد الفولو للكل، وفرضنا رديته شلون أتابعكم؟
ويلي يراقب بدون فولو هههههه
وأنصدمت من حقد البعض مدري شنو السبب! ، وسمعت عن الغل يلي بداخلهم تجاهي، تسوي روحها كاتبة وفضاوة وهالكلام البايخ...
بس مو مهم ناس تركت وناس بقيت وياي والله يخلينا لبعض ♥️😭.
~~كلام من القلب للقلب، وأن شاء الله نبقى سويه طول العمر
كل عام وأنتم بخير بمناسبة السنة الجديدة، أن شاء الله تكون سنة خير ونجاح وصحة وسلامة للجميع 🙏🏻
أحبكم ♥️.
~وسؤالي هو، ليش متابعيني وشلون عرفتوا صفحتي، حتى يبقى هالبوست للسنة الجاية ونشوف منو بقى وياي؟، وأي قصة من قصصي أثرت بيكم وحبيتوها؟
@_thehope2005
#رأس_السنة #2022 #رُبى_جمال #بقلمي #اكسبلور
أنت تقرأ
من هي رُبى جمال؟
Losoweهل لديك فضول نحو تلك الفتاة التي تكتب القصص..؟! أدخل وأقرا، فهنالك الكثير من الأجوبة على أسئلتك 🖤 #رُبى_جمال
