كنت صغيرة وامشي في مدرستي اااخ كالعادة اصوات تنمر الجميع علي فأنا ارتدي نظارات منهم من يقول لي ذات الأربع عيون وانا ايضا شكلي بشع اااخ حقا تعبت ولم اخلي من جو التنمر ولكني وقتها ظننت أنهم يتنمرون علي لأنني طفلة ولكن الموضوع استمر معي لسنوات عديدة حتي أصبحت عديمة الشخصية حتي اني اتذكر اني في يوم في المرحلة الابتدائية كانت فتاة تريد أخذ طعامي لكني رفضت وكانت نتيجة رفضي ماذا الإهانة ثم الإهانة حتي أنها ضربتني وقتها وكل هذا بسبب ضعفي وبسبب أن لا أحد علمني كيف اقف امام التنمر
اكيد كلنا حصلنا موقف في حياتنا يدل علي التنمر ولكن مينفعش نسكت لأننا لو سكتنا علي الغلط هيستمر وللأسف هيأثر علي حياتنا وهيقلل ثقتنا في نفسنا علاج اني امنع حد يتنمر عليا أهمه العلاج النفسي علشان الكلام ده ميأثرش فيا يعني لازم اكون واثقة أو واثق من نفسي وان ربنا خلقنا كلنا في أحسن صورة وان ممكن واحد أو واحدة يكونوا ملوك في الجمال بس قلبهم اسود ضحايا التنمر كتروا جدا وللاسف موقفش عند الأطفال وبس ده احنا شخصيا بقينا بنتريق علي بعض يوميا زي:ايه ده انتي تخنتي ايه ده انتي رفيعة اوي كده ليه ايه ده شعرك يقرف منكوش كده ليه
لازم نعرف أن الناس المتنمرة دول بيكونوا عندهم للاسف مرض وان هما بيستمتعوا لما يجرحوا الناس بكلامهم طب تاني خطوة لعلاج التنمر ان انا لو طفل أو طفلة اروح احكي لاهلي فورا عن الناس دول طب لو انا أم أو أب لازم نقرب من اطفالنا ونخليهم يحكولنا كل حاجة ونحسسهم أننا دايما في ضهرهم طب أنا كبيرة وصحابي بيتريقوا عليا سواء علي لبسي أو شكلي أو وزني أو ايا يكن وهما فاكرين أن كده هزار اسمحلهم عادي ولا ايه
لا طبعا لازم نعرف أن لبسك وشكلك وملامحك ووزنك ودينك دول مش للتريقة أو الهزار والي يعمل كده بيكون فاكر نفسه روش بس الحقيقة عكس كده تماما
طب لو انا عايزة اتصرف من غير ما اخسرهم أو مثلا اتصرف من غير ما اقول لاهلي
اولا تكلمهم بالذوق ونعرفهم أن ديه مش روشنة انكم تتريقوا عليا في حاجة زي ديه طب لو مقتنعوش وقتها نلجأ لطريقة تانية
وكل طريقة علي حسب الموقف لأن للاسف قلة الذوق وقلة الادب عند الناس انواع
قضية التنمر قضية كبيرة جدااا والكل بيتعرض لها بس لازم نقف ضد التنمر لانه بيضمر حياتك وحياتها وحياتي وحياتنا كلنا
اي نصيحة بخصوص الموضوع في الكومنتات ولو فيه احراج يبقي الخاص مفتوح ليكم❤️
