#رقصه_علي_اوتار_قلبي ❤️
بقلمي الاء محمد
لا احد يلاحظ حزنك ، ولا وجعك ، ولكن الجميع يلاحظ اخطائك ."
في مكان مظلم قاعد هو بدم بارد علي الكرسي في اوضه عتمه وماسك السيجاره اللي مش بتفارقه خالص قام مرا واحده وراح اخد نفس جاامد منها وطالع غيوم سوده بسواد اللي محاوطه راح لبس عشان يحضر الحفله اللي هيشوف فيها عدوه اللدود اللي مستني الفرصه عشان يقدر ياخد روحه
قام لبس البدله السوده بتاعته و وراح ماسك السلاح بتاعه وحاطه ورا ظهرو ورش البرفيوم المميز بتاعه واللي بيكون سابقه ويعرف عن وجوده في المكان راح رامي السيجاره اللي انتهت تحت رجله وداس عليها وطالع وحده جديده وراح نازل عشان يركب العربيه بتاعته وهو بيشوف الساعه اللي علي طول بيبص فيها وراح ساق بأقصى سرعة مفيش ثواني وكان واصل المكان راح نزل بهيبته ونظرة عيونه المخيفه اللي الكل بيخافو يرفعو عيونه عليه وبيعملوله الف حساب عشان هما عارفين أن هو هادئ جدا وشرس جدا
دخل المكان ومفيش ثواني كان جي عليه واحد بيرحب بيه وعلي وشه ابتسامه خبيثه
قاسم .. اهلا بيك يا ياسين
ياسين .. اذيك يا قاسم
قاسم بابتسامة .. بخير لما شوفتك اتفضل
دخل ياسين مع قاسم واول ما دخل كل اللي في المكان دب الرعب في قلوبهم من نظرة عيونه كان واقف ماسك في أيده الكاس بيشرب منه والسجاره مش مفارقه شفايفه وكان واقف عيونه زي الصقر وعلي وشه ابتسامه سخريه من الموجودين اللي هو عارف انهم كلهم مزيفين وبيمثله القوه وهما عيونهم مش قادره تترفع فيه
ياسين بقا يتمشي شويا في القاعه اللي اتخنق منها وقرر أن هو يطلع برا شويا وهو طالع كان في بنتين وقفين علي جنب واول ما واحده منهم شافت ياسين بقت تضحك لي وهو بص عليها باحتقار وراح ماشي وساب البنت عيونها طالعه عليه راحت غمزة صاحبتها اللي كان باين عليها معالم الضيق عشان اول مره تدخل اماكن زي كدا
البنت .. شوفتي القمر اللي طلع ده اكيد في جوا كتير منه
هي .. بقولك ايه يا تالا انا جايه هنا عشان العرض واخلص وامشي
تالا .. مالك يا روتيلا بس ماتفكي كدا هو انتي هترقصي كدا
روتيلا .. انتي عارفه أن لولا أن محتاجه الفلوس مكنتش جيت انا اصلا كفايه عليه ادرب البنات
تالا .. انتي عارفه حفله زي دي هتطلعي بكام منها وبعدين بنات ايه اللي بتتكلمي عليهم دول اربع بنات بس اللي بتدربيهم باليه فكي كدا بقا
دخلت روتيلا وهي مش مطمنه من الجو ده عشان دي اول مره تيجي ترقص باليه في اماكن زي كدا وسط ناس كتير وصلت الاوضه اللي هتجهز فيها هي وتالا صحبتها اللي صممت أن هي تيجي معاها حفله زي دي عشان هي متعوده علي الأماكن دي
عند قاسم راح مشاور لواحد من رجلته اللي كان في ثواني واقف جنبه راح قاسم قرب منه اوي وبقا يتكلم بصوت هادئ
قاسم .. هو فين
الراجل .. مين يا قاسم باشا
قاسم بعصبية .. ياسين انا مش قولت ميفرقش عنيكم وتخاله بالكم منه
الراجل بخوف .. ثواني ويكون تحت عيني وتحركاته توصلك
قاسم .. غبي ياسين محدش يقدر يتوقع هو ممكن يعمل ايه فاتح عينك كويس يا صالح
صالح .. حاضر وراح اختفي من قدام قاسم اللي معالم التوتر كان باينه عليه وهو كان بيدريها
ياسين كان واقف مغمض عينه وبيشرب السيجاره بتاعته راح اخد نفس جااامد وراح مطلعه مع الدخان بتاع السيجاره وراح داخل جوا تاني
روتيلا كانت غيرت ولبست الفستان بتاع العرض وكانت لمه شعرها لفوق وحطه ميكب خفيف محدد ملامحها الجميله و كانت واقفه بتحاول تقفل السستا بتاعه الفستان وهي مضايقه وبقت تنده علي تالا اللي راحت الحمام وسابت روتيلا لوحديها في الوقت ده ياسين كان معدي جنب الاوضه وسمع صوت واحده بتتكلم وهي مضايقه
روتيلا .. تالا يا تالا تعالي ساعديني
دخل ياسين وبقا يبص عليها وهو مش شايف شكلها راحت روتيلا حست بخطوات حد فكرتها تالا
روتيلا .. كل ده عشان تيجي يلا اقفلي السستا اتاخرنا علي العرض
ياسين بقا يقرب منها وراح ماسك السستا براحه وبقا يقفلها وهو عيونه عليها وصوابعه كانت بتلمس ضهرها راحت روتيلا بعدة اول ما السستا اتقفلت وراحت لفه مرا واحد لقيته واحد واقف
روتيلا .. انت مين وازاي دخلت هنا
ياسين .. ده بدل شكرا
روتيلا لما خدت بالها أن هو اللي كان قريب منها كدا أيده كانت علي ضهرها قلبها بقا يدق جااامد
روتيلا .. دخلت هنا ازاي
ياسين بسخريه .. الباب مفتوح وياريت لما تحبي تلفتي انتباه حد بعد كدا متمثليش وراح سابها واقفه مكانها وطالع برا وهو بيشرب السيجاره مفيش ثواني وجت تالا من الحمام من بعد مالبست
تالا .. كويس انك لبستي يلا عشان نلحق العرض
روتيلا مشيت ورا تالا وهي مضايقه من كلامه ليها
دخل ياسين القاعه تاني تحت أنظار قاسم اللي بص علي صالح وصالح طمنه أن هو تحت عينه
مفيش ثواني والإضاءة بتاعة القاعه بقت هاديه والموسيقي اشتغلت ودخالة روتيلا وتالا تحت أنظار الجميع ومفيش ثواني وراحو بقيو يرقصه بكل حرافيه والكل كان مبهور بجمالهم ورقصهم ياسين كان ماسك المشروب ولسه هيشرب راح لقاها تاني قدامه وبترقص بقا يراقبها من بعيد عكس قاسم اللي كان واقف وعيونه عليها وبعد العرض راح قرب منهم وراح ماسك ايد روتيلا وباسها واتكلم بإعجاب .. برافو رقصك جميله اوي
روتيلا كانت واقفه مش مرتاحه وده كان باين علي وشها عشان هي اول مره تنحط في الموقف ده
بقت تحاول تسحب اديها منه وهو لما لاحظ كدا راح ساب ادها وعيونه مركزه معاها راحت تالا بقت تتكلم مع قاسم بدل روتيلا الي كانت مكسوفه
تالا .. شكرا ليك اووي
قاسم موجه حديثه ل تالا وعيونه علي روتيلا
قاسم .. بحد رقصكم جميل اووي والعرض يجنن
تالا بسعاده .. مش قولتلك العرض هيكون حلو بيكي يا روتيلا
قاسم راح مادة أيده لي روتيلا عشان يتعرف عليها
قاسم بشموخ .. انا قاسم المغربي
روتيلا بخوف .. روتيلا
قاسم بإعجاب .. اسم علي مسما روتيلا وانتي فعلا فراشه
روتيلا .. ميرسي لحضرتك
ياسين كان واقف متابع قاسم من بعيد وعيونه عليها وبقا يشرب سيجاره بتاعته
ياسين .. كلهم نفس النوع في الاول يبان بريئ لحد ما يوصلو للي هما عوزينه وراح شارب الكاس اللي معا مره واحد وطالع برا عشان يمشي
اما روتيلا كانت مش مرتاحه في الجو ده وخصوصاً مع نظرات قاسم ليها راح بصت علي تالا اللي اندمجت بسرعه مع الجو
روتيلا بهمس .. يالا يا تالا احنا اتاخرنا
تالا .. يا بنتي فكي شويا منتيش شايفه الجو والناس عامله ازاي عيشي يوم
روتيلا بتصميم .. لا انا هروح ولو انتي عوزه تقعدي خاليكي
تالا .. خلاص يلا زي مجينا مع بعض نمشي مع بعض راحو استاذنو من قاسم اللي كان متابع الكلام من الاول راح شاور لصالح برأسه
قاسم .. عربيه مخصوص توصلهم لحد ما هما عاوزين مفهوم هز صالح رأسه بمعني حاضر
روتيلا باعتراض .. مفيش داعي احنا هنطلب اوبر
قاسم بتصميم .. مش هتلاقي دلوقتي وراح مشاور لصالح اللي سبقها عشان يجهز عربيه بسوق يوصلهم تالا كانت فرحانه يا اهتمام قاسم عكس روتيلا اللي كانت مش مرتاحه
وصلت روتيلا البيت واول ما دخلت لقيت أمها اللي كانت مستنياها وقلقانه عليها عشان اول مره تتأخر
روتيلا .. ماما ايه اللي مصحيكي لدلوقتي
سرين .. كل ده تأخير يا روتيلا انا رجعت من بدري ملقتكيش في البيت قلقت عليكي
روتيلا .. انا كنت في حفله تبع الشغل يا ماما انتي ايه رجعك بدري كدا
سرين .. الباشا اللي انا شغاله عنده في حفله بره ادي الكل اجازه
روتيلا .. تمام يا ماما هدخل انام انا عشان اصحي بدري عشان الحق اروح الشغل
دخلت روتيلا وهي مش شايفه قدامها من التعب غيرت هدومها وراحت نامت علي طول
بقلمي الاء محمد
~~~~~~~~~~~~~~~~~~~~~~~~~~~
أما عند ياسين كان واقف في الجنينه وهو بيشرب سيجاره وبايص للسماء والدخان طالع من شفايفه
ومغمض عيونه وبقا يفتكر
★★ فلاش باك ★★
ياسين وهو قاعد علي السفره وعلي وشه ابتسامه جميله وبيضحك علي اخو ايهم اللي كان بيعتبره ابنه و كل حاجه لي وأمهم قاعده معاهم بيفطرو زي اي اسره عاديه
ايهم بضحكه .. انا النهارده اجازه اهو ومستني توفي بوعدك ليا ولا نسيت
ياسين .. لا مش ناسي هنروح النهارده المزرعه ونركب خيل بس هكسبك زي كل مره
ايهم .. لا معتقدش انا المره دي هكسبك مش كدا يا ماما ولا ايه رئيك
فاطمه بابتسامة .. كدا يا حبيبي وبقت تغمز ل ياسين اللي كان بيضحك
خلص الفطار وياسين ركب العربيه بتاعته هو وأيهم وأمه وراحو علي المزرعه بتاعته راح نزل ايهم اللي راح علي طول علي الخيل عشان يستعد وساب أمه و ياسين اللي بقيو يضحكو عليه ومفيش شويا وكانو ركبين الخيل وأيهم بيضحك وخلاص قرب يكسب ياسين اللي بقا يخف سرعة الحصان اللي هو ركبه عشان ايهم يكسب وضحكه
ياسين كانت عاليه و هو شايف ايهم فرحان زي الطفل قدامه وفجاء كان في واحد واقف بعيد و ماسك قناصه ونشل علي ياسين اللي بحركه بسيطه كانت الرصاصه مستقره في قلب ايهم اللي وقع من علي الحصان وجريت عليه أمه وصوته عياطها بقا مالي المكان من بعد الضحكه
ايهم وهو مش قادر يتكلم .. شوفت يا ياسين كسبتك ازاي
ياسين بانهيار .. اسكت يا ايهم متتكلمش وبقا يزعق علي اي حد يبلغ الاسعاف
ايهم بضحكه والدم بيطلع من بوقه .. هتوحشني اووي يا ياسين
فاطمه .. ايهم حبيبي متقولش كدا ابوس ايدك
ايهم .. متزعليش يا ماما انا كسبت ياسين زي ما قولتلك وفجاء راح قطع النفس خالص
ياسين بدموع .. انت كسبت وانا خسرت يا ايهم
فاطمه بانهيار .. ايهااااااااام
ياسين ودم ايهم علي أيده و دموعه نزلت منه بقا يتكلم بحرقه .. وديني مهرحمك لو ليك دخل
★★ نهاية فلاش باك ★★
ياسين وهو لسه باصص علي السماء والدخان طالع من شفايفه راح رامي السيجاره وداس عليها وبقا يشرب المشروب مرا واحده وراما الكوبايه في الأرض اتكسرت ميت حته
بقلمي الاء محمد
~~~~~~~~~~~~~~~~~~~~~~~~~
صباح يوم جديد صحيت روتيلا علي صوت المنبه بتاعها قامت دخلت الحمام ولبست هدومها وطالعة برا لقيت الفطار جاهز وامها نزلت راحت الشغل
فطرت بسرعه وراحت نزله وهي مستعجله عشان تلحق تدرب البنات واول ما نزلت لقيت اللي جي عليها وهو بيضحك ويقرب منها
قاسم .. صباح الخير
روتيلا .. انت حضرتك بتعمل ايه هنا
قاسم .. تسمحيلي اوصلك
روتيلا .. انا اسفه مقدرش وراحت ماشيه من قدامه راح قاسم قطع عليها الطريق وراح واقف قدامها وهو هادي وبيضحك
قاسم .. بس انا مش جي كل ده عشان في الاخر تقولي لا اركبي عوزك في موضوع
روتيلا .. موضوع ايه انا معرفكش غير امبارح
قاسم .. يبقا خاليني اعرفك علي نفسي ايه رئيك
روتيلا كانت واقفه مع قاسم ومش عارفه تروح فين وهو مصمم أن هي تتعرف عليه راحت هزت راسها بمعني ماشي
روتيلا .. اوكي بس انا
قاسم .. عارف هوصلك عشان التدريب ومش هاخرك عليه روتيلا بقت تبص عليه
روتيلا .. انت عرفت منين أن انا ورايه تدريب
قاسم بثقه .. لو نسيتي افكرك انا قاسم المغربي
روتيلا .. عن اذنك يا قاسم بيه عشان هتاخر
قاسم .. مش هاخرك وكمان اتدريب اتاجل
روتيلا .. ايه اتاجل ليه
قاسم .. عشان انا حابب اتكلم معاكي اتفضلي اركبي
قاسم فتح باب العربيه بتاعته وروتيلا من بعد إصراره اطرت أن هي تركب عشان تشوف هو عايز ايه منها راحت ركبت وقاسم ركب العربيه و بقا يسوق وعربيه الحرس اللي مش بتفارقه كانت ماشيه وراه وهو كان كل شويا يبص علي روتيلا اللي كانت قاعده متوتره
بقلمي الاء محمد
~~~~~~~~~~~~~~~~~~~~~~~~~~~
عند ياسين كان قاعد وهو بيشرب سيجاره وبيبص علي ادم صاحبه و عيونه بقت كلها سواد
ياسين بعصبيه .. يعني ايه يا آدم لحد الوقت معرفتش مين اللي قتل ايهم
ادم .. اهدا يا ياسين كلها يومين وهعرف
ياسين .. اهدا انا مش هادا غير أما اخد روح اللي قتل ايهم وكان سبب في موت امي
ادم بحزن علي ياسين .. أنا بنفسي هجبلك اللي عمل كدا يا ياسين
ياسين وهو بيشرب السيجاره بشراسه والدخان بقا مالي المكان قام راح علي البار وراح شرب الوسيكي المفضل لي تحت عيون ادم اللي كان صعبان عليه صاحبه اللي اتغير وبقا واحد تاني من ساعة ما خسر ايهم اللي كان بيعتبره ابنه مش اخو وبس راح عليه وبقا واقف جنبه راح حط أيده علي كتفه
ادم .. حرام عليك نفسك يا ياسين كفايه شرب
ياسين .. نار جوا قلبي يا آدم مش هتطفا غير لما اخد حق ايهم وامي
ادم .. إن شاء الله هجبلك اللي عمل كدا قريب اوي
ادم راح ماسك كاس وبقا يشرب المشروب هو كمان وهو مش عارف يقول اللي يعرفه ل ياسين
راح ياسين بقا يبص علي ادم اللي كان واقف مش علي بعضه ياسين شك فيه راح اتكلم
ياسين .. في ايه يا آدم هات اللي عندك
ادم بقلق .. قاسم المغربي اخد صفقت السلاح اللي كانت جايه من روسيا
ياسين بقا يتكا علي أيده جااامد .. حقه يعمل كدا مهو أن غاب القط يلعب الفار
ادم .. مهي دي فرصته يا ياسين انت ياما اخت منه صفقات كتير
ياسين .. عندك حق بس لو طلع وراء موت ايهم مش هرحمه وموته هيكون علي ايدي
ياسين خلص كلامه راح رامي السيجاره وداس عليها جاامد وسط نظرات القلق من ادم
بقلمي الاء محمد
~~~~~~~~~~~~~~~~~~~~~~~~~~~
وصل قاسم المطعم هو و روتيلا اللي كانت مستغربه قاسم ودخلت المطعم اللي كان فاضي ومفهوش حد خالص غير اللي شغالين فين وكانو وقفين كلهم بصين في الأرض بخوف واحترام ليه راح قاعد علي الترابيزه بتاعته اللي هي قدام النيل راح ساحب الكرسي ل روتيلا اللي كانت متماسكه عكس الخوف اللي هي كانت في وراح قاعد قدامها وعيونه عليها وعلي عيونها اللي وقع اسير ليهم من اول مره شافها فيها وهي بترقص في الحفله راح قاسم ساند ضهروبقا يتكلم
قاسم .. انتي عارفه انا مين
روتيلا .. لا معرفش
قاسم .. انا قاسم المغربي رجل اعمال
روتيلا .. ممكن اعرف ايه السبب اللي يخليك تجيبني هنا
قاسم .. ممكن تقولي حابب اتعرف عليكي
روتيلا .. انا اسفه بس ايه يخلي واحد زيك يتعرف عليا واشمعنا انا
قاسم .. عنيكي من اول ما شوفتهم وهما شدوني
روتيلا بخجل .. انا مش زي اللي ممكن تعرفهم
قاسم .. مهو ده اللي شدني ليكي اكتر انك مش شبه اللي اعرفهم خالص
روتيلا بقا قلبها يدق من كلام قاسم ليها ونظرت عيونه اللي كانت مركزه فيها اوووي راحت بقت تبص في الساعه عشان تقوم
روتيلا .. انا لازم امشي عشان اتاخرة
قاسم راح مشاور لصالح اللي مش بيفرقه وعامل زي ضله راح جي بسرعه وقف قدامه
قاسم .. عربيه توصل الهانم مكان مهي عاوزه
روتيلا باعتراض .. انا هركب اوبر شكرا
قاسم .. اتفضلي مع صالح وهو هيوصلك
روتيلا خافت من تحول قاسم راحت ماشيه مع صالح وهي ساكته وعيون قاسم كانت عليها لحد ما اختفت من قدامه راح قام وبص علي منظر النيل اللي يرد الروح واخد نفس جامد وعلي وشه ابتسامه عاشق ليها وصورتها مش مفارقه باله
بقلمي الاء محمد
~~~~~~~~~~~~~~~~~~~~~~~~~~~
عدات الايام وقاسم كان علي طول بيفكر في روتيلا وكل يوم يشوفها لحد ما بقيو قريبا من بعض و روتيلا كمان بقت تتعلق بيه وبقت تستنا اي وقت عشان يظهر في ليها كانت يتدرب في يوم البنات وبعدين اخدت بريك وطلعت برا تاخد نفسها لقيت تالا جايه عليها وهي بتضحك وماسكه في اديها اتنين اورنج جوس وأدت واحد ل روتيلا
روتيلا .. بجد جي في وقته
تالا .. بالف هنا يا حبيبتي
روتيلا بقت تشرب العصير بتاعها وعيونها بدور عليه في كل مكان مستنيا أن هو يظهر زي العاده
تالا .. روتيلا روحتي فين
روتيلا .. معاكي يا تالا كنتي بتقولي ايه
تالا .. لا ده انتي مش معايا خالص
روتيلا ..ازاي يا بنتي انا معاكي اهو
روتيلا و تالا كانو واقفين بيتكلمو راح جي من ورا روتيلا قاسم وراح قرب منها اووي وبقا يتكلم
قاسم .. وحشتيني يا فرشتي
روتيلا بفرحه .. قاسم
قاسم .. قلب قاسم من جوا
روتيلا بقت مكسوفه ووشها بقا احمر راحت تالا سابتهم مع بعض ومشيت بعيد وهي ماشيه خبطة في صالح
تالا .. مش تفتح
صالح .. نعم انتي بتكلميني انا كدا
تالا بانفعال .. ايوا هو في غيرك خبطني
صالح بقا يتكا علي أيده وعروقه كلها برزه من الغضب وبقا يتكلم .. انتي اللي عميه
تالا بانفعال .. انت واحد وقح وراحت سبته ومشيت وهي مضايقه
بقلمي الاء محمد
قاسم اخد روتيلا لنفس المكان اللي خدها لي اول مره وبقا طول ماهو قاعد عينه عليها وهي بتتكلم معا وبقا يراقب كل حركتها اللي هو ادمنها وفجاء جي عليه صالح وهو مضايق راح وطي علي ودنه وبقا يتكلم بصوت واطي واول ما وقف تاني قاسم نظرات عيونه اتغيرة راح شاور ل صالح ان هو يمشي راحت روتيلا بقت قلقانه من التغير المفاجئ اللي قاسم بقا في
روتيلا .. مالك يا قاسم حصل حاجه
قام قاسم راحت روتيلا هي كمان وقفت راح اتكلم بهدوء عكس النار اللي بقت جواء اللي ممكن تحرق اي حد قدامه بس هو أتمالك نفسه عشان روتيلا متخفش منه راح رفع أيده علي وشها و ابتسم ابتسامه بسيطه
قاسم .. معلش يا حبيبتي انا لازم امشي دلوقتي
روتيلا بقلق .. طب انت كويس في حاجه حصلت
قاسم .. مشكله في الشغل وهحلها اطمني
وراح مشاور السواق عشان يوصل روتيلا وراح ماشي هو وصالح وهو مضايق وعروق وشه بقت مشدودة وعيونه كلها غل مفيش ثواني كان وصل الفيلا بتاعته ودخل وبقا يتكلم بصوت عالي
قاسم بعصبية .. ازااااي ده يحصل يا صالح
صالح .. أنا بنفسي متمم علي المخزن ومواقف عليه الرجاله بتاعتنا
قاسم .. امااال مين اللي عمل كدا
صالح .. انا شكيت في واحد وخاليت الرجاله يروقوه
قاسم بفاحيح افاعي .. عوزه هنا حالا
مفيش ثواني وكان داخل راجل مضروب ومفهوش حته سليمه واتنين ساحبينه علي الارض والدم مالي وشه وهدومه راح قاسم ماسكه من رقبته
قاسم .. انطق مييين ورا حريق المخزن
الراجل وهو مش قادر يتكلم كلمتين علي بعض
الراجل .. ي ي ياسين الانصاري هو اللي هددني قالي هيموتني
قاسم راح رامي الراجل علي الأرض وراح مطلع المسدس بتاعه اللي مش بيفارقه خالص وراح ضربه في رأسه انفجرت والدم بقا مالي المكان قاسم بقا واقف بيبص مرا واحده شاف الست المسئوله عن البيت في غيابه شافته وهو بيقتل الراجل راح قاسم بسرعه البرق كان واقف قدامها
الست .. مش هتكلم مش هقول حاجه
بس قاسم بحركه سريعه طق رقبتها ماتت في ساعتها
صالح .. لي كدا يا قاسم
قاسم .. مش قاسم المغربي اللي يسيب ورا دليل راح بص علي الراجل اللي في الارض
قاسم بصوت بارد .. الكلب ده ارمو في الزباله
ودي غورها في داهية
صالح .. هتعمل ايه في ياسين
قاسم .. هقتلو زي مقتلت اخوه
يارب البارت يعجبكم دمت بخير وسعاده ♥️♥️
لايك بقا وكومنت كتييييير شالله تنسترو عشان متحمسه لروايه وان شاء الله تعجبكم 🔥🔥
