فصلية_جننتني
الجزء اثاني
يوسف.. بيني وبين نفسي هاك استلم انوب بدون حجاب راحت هيبتي لا اله الا الله اني الشيخ يوسف تالي عمري زوجتي زقجة وفوكاها ما محجبة
تقئ.. اني لازمة ببوي وابجي
يوسف..دخلهم عمي للمضيف
تقئ.. شوية وكالو اجة الشيخ الي راح يمهرنة
يوسف.. سئلها الشيخ شسمج عرفت اسمها تقئ بس حيل انقهرت عليها من كالت عمرها {16} خطية شنو ذنبها
تقئ.. ما اكدرت اباوع بس اعرفت اسمه يوسف وفوكاها ماخذتلي شايب عمـره {31} هي عايزتني بعد
يوسف.. بعد ما مهرنة الشيخ سلمت على ابوها وعمامها
ابو تقئ.. بوية صح ابني غلط بحقكم بس ترى اني عندي بس هل بت شيخ يوسف بنتي امانة بيدك
يوسف.. احطها بعيوني هذا كلامك ما اقبلة صدك جذب لا توصيني عليها صارت وحده من عدنة
تقئ.. اني بقيت كاعد بالمضيف بس ابجي ابوي سلم عليهم و طلع دخل يوسف علية بعد ما راح ابوي
يوسف..تقئ من اجت الحد ما راح ابوها هي مدنكة و تبجي ولا رفعت شوفها كتلها تعاي وراي
تقئ.. اوك
يوسف.. شنو اوك كولي صار
تقئ.. ان شاء الله
يوسف..دخلي سلمي على امي
ام يوسف.. جنت كاعده اني وذهب ودخل علية يوسف و وياه ابنية زغيرة بس مدنكة وتبجي انعصر كلبي عليها سلمت علية
يوسف.. شعرها گصيف و رافعتة ولونة ذهبي اخبل
ام يوسف.. يمة يوسف هاي منو
يوسف.. هاي الفصلية
تقئ.. ادخلت المرء بعدهي ازغيرة مبينة ما مبين علية جبيرة و عدها واحد جبير بكبر يوسف صاحتلي حضنتني
ام يوسف.. يمة ليش تبجين اعتبري روحج بيتج انتي صرتي وحدة من عدنة والي صار قضاء وقدر رفعي شوفج خل اشوفج
تقئ.. اسلوبها طيب نيال اولادها عليها
ام يوسف.. اللهم صلي على محمد وآل محمد شنو هل جمال شنو هل الاعيون
تقئ..اخجت من كلتلي هيج
ام يوسف.. هاي بنتي ذهب
ذهب..شنو اسمج انتي
تقئ.. تقئ
ام يوسف.. فدوهہ❥ لعمرج شنو هل جمال الشايلته شكد عمرج تقئ
تقئ.. 16
ام يوسف.. اتفاجئت خطية 16 ويوسف بهواي اكبر منها شلون اهلج فرطو بيج وانطوج
تقئ.. لان اني الوحيدة عد اهلي ما عدي خوات
ام يوسف.. ولا اهمج ذهب وفضة حسبيهن خواتج
ام يزن.. يوسف رايد الفصلية
ام يوسف.. اسم الفصلية ما اريده ينكال بهل بيت 😠 اسمها تقئ وصارت مرة الشيخ يوسف اعتقد مو حلوة تكولن على زوجت الشيخ فصلية
ام يزن..ان شاء الله عمتي الشيخة
ام يوسف.. روحي العد يوسف
تقئ.. ان شاء الله..اخذتني ام يزن ليوسف
يوسف.. تعاي
تقئ.. جان كاعد بالصالة بطابق الثاني
يوسف..اريد اكلج شي
تقئ..كول
يوسف..اول شي ممنوع بعد اطلعين بدون حجاب وهل لبس اتغيرينة😠
تقئ.. اني بس ساكتة
يوسف.. وشي ثاني انتي المسؤلة عن غرفتي وغراضي واني ما احب احد يلعب بغراضي ابد
تقئ.. ان شاء الله
يوسف.. ومن تحجين وياي باوعي بوجهي
تقئ.. ان شاء الله
يوسف.. لا اله الا الله حطي عينج بعيني 😠
تقئ.. على شنو احط عيني بعينك هيج اني مرتاحة
يوسف.. لج تقئ
تقئ.. نعم
يوسف.. رفعت وجها اويلي عليها معاني و اعيونها بحر ازرك اني كمت من مكاني يالله
تقئ.. اني ظليت مخلوسة هذا شبي
يوسف.. بعدين انتبهت النفسي اني شجاي اسوي باعي اعتبريني مثل صديقج ولا تخافين مني واي شي تحتاجين اني موجود و ام يزن الخدامة الي تخدم عدنة مراح تقصر وياج والاهم اديري بالج على غرفتي 😠
تقئ.. ان شاء الله
يوسف.. هس روحي
ذهب..تعاي اراويج بقيت البيت
تقئ.. شفنا بقيت البيت و دلتني غرفتي وغرفت يوسف
يوسف.. تقئ
تقئ.. نعم
يوسف.. ملابسي اكويهن الي اريد اطلع للمضيف
تقئ..ان شاء الله
يوسف.. اني مو كتلج لبسي حجاب ليش ما لبستي
تقئ.. بكيفي ما البس
يوسف.. تقئ 😠
تقئ.. نعم
يوسف ..لبسي حجاب تحجبي 😠
تقئ.. ما ما ما البس
يوسف.. يالله اللهم اطيني طولت البال😠 تقئ
تقئ.. اني خفت منة اعيونة صارن حمر رفع حاجب ونص حاجب
يوسف.. اني اذا اكول كلمة ما اعيدها مرة ثانية 😠
تقئ.. بالعباس بالحسين البس والقران حلبس بس ما عندي
يوسف.. اخذي من ذهب وهاي ملابسج هم غيريهن ما اريد اشوفج هيج منا لليل
تقئ..ان شاء الله
يوسف..😠
تقئ.. گلبي اجة يوكف يمة اخوف من يتعصب كملت ملابسة وانطيتهن اله العصر اجو قرايبة و امة عرفتني عليهم بس وحدة منهم تخزرني تريد تاكلني
ام يوسف.. يمة تقئ غيري ملابسج لا اعاركج يوسف
تقئ.. ان شاء الله
ذهب..تعاي انطيج ملابس
تقئ.. ذهب
ذهب..كولي
تقئ.. وحدة من بنات عمج ليش هيج تباوع علية نظراتها تخوف
ذهب..قصدج اطياف
تقئ.. يي
ذهب.. هههههه هاي وجيفت اخوي يوسف
تقئ.. يعني شلون
ذهب..يعني خطيبتة تقريبا
تقئ.. لا هاي هي كملت وياي وفوكاها خاطب شلون حظ عدي يربي
ذهب.. لج يالله خلصيني شجاي اسوي طلعي اريد اشوف الملابس عليج
تقئ.. يالله خلصت بس لحظة
ذهب..انتظر
تقئ.. هاا شرايج
ذهب..يمة فدوهہ❥ طلعتي حليوة
تقئ.. شكراً
ذهب..بس ليش لبستي الاسود
تقئ.. اني صرت وحدة منك وحالي من حالكم احزن وياكم
ذهب.. يالله تعاي نزلي خل اروح جوة خاف يجي يوسف
تقئ..يالله مابية اعيط علية اخوج
يتبعـ 🥀
