كنت فاكره

كنت فاكره وهو فاكر كنا بنسجل دفاتر . .
عمري ما أنسى و لا هو ناسي كنا بنلملم مآسي . .
كان غيابه بيناديني و كإن سكوته بيوسيني . .
ضيع لي عمري و سنيني و هو ناسيني و مش شاريني . .
حلمي ضاع لما لقيته صور لي أحزاني جنبه في بيته . .
علقني بحبال ضعاف حبه كان زي حب رمل نفخته خاف . .
كل مره أقول هفوته يرجع لي بدموع سكوته و كإني برميه لموته . .
بعدي بكاه بس عشان هنساه و أول ما أصفى يرجع ينسي و يبعد و يقسى . .
و أرجع أغفر له إساته ليا و أنه ياما جيه عليا أقول تاعبني مع أنه سابني . .
زي اللي مغلوبه علي أمري و اللي غالبني حبي ليه . .
قال إيه لسه قلبي بيحن ليه قلبي اللي ياما جيه عليه . .
دلوقتي راجع يقولي إيه أنه بيهواه و مش قادر ينساه قلبي اللي رماه !! . .
ده كان بينسى وجودي جنبه و إني كنت عايشه له و بحبه . .
كنت راضيه إني في ضله مع أنه ضل طريقه ليا من عمر فات . .
كان نفسي يبقى خلي و اللي فاضل لي بس خذالني . .
و فضلت وحدي بالساعات و طلعت بتحامي في شويه ذكريات . .
#آمال_سالم
#كلمات #هي #انا