شغف الاباطرة

معلومه مهمه وخطيره

أنا لأول مرة هتكلم بالعامية هنا ، بس عشان الموضوع عاوزُه يوصل للجميع .

مُعظم اللي هنا عارفين إني مُهندس برمجيات ، فاللي هقوله دا مش من وحي خيالي ، لأني قرأت عن الموضوع اللي هتكلم فيه ، لكن بالله عليك اقرأ للأخر عشان الموضوع مُهم .

طبعًا مُعظمنا سَمع عن بسنت خالد واللي حصل لها ، بس أنا عرفت الموضوع بشكل سطحي ، وفي نفس الوقت قُلت في نفسي : يعني فيه حد لسه بيصدق مواضيع الفوتوشوب دي؟! إزاي أهلها يصدقوا دا عليها؟! والموضوع مَرَّ عليّ ولم أُركز فيه بشكل كاف .

من وقت قُصير قرأت عن حاجة كدا ، والحاجة دي قَلبت تفكيري 180 درجة ، واللي خلّاني أعرف ليه صُور لبسنت أنتشرت كدا والناس صدقوها وإبتلعوا الطُعم ، ودا موضوع الرسالة دي .

فيه خدمة إسمها Deep Fake .. الخدمة دي hidden يعني مُختفية ، بتقدم إيه؟! Deep fake porn as a service (أه زي ما أنت قرأت ، يعني بتقدم أفلام إباحية مُفبركة) .
إزاي بقىٰ؟!
الخدمة دي بفلوس ، ويعمل لك ڤيديو حوالي 300 ثانية = 5 دقائق ، بحوالي 0.0007 bitcoin ، والـ bitcoin دي عُملة على الإنترنت ، وتساوي حوالي 30 دولار .
كُل اللي عليك إنك تدفع الـ 30 دولار ، وتبعت صُورة للشخص اللي عاوز تعمل له ڤيديو إباحي لدرجة إنه هو شخصيًا يصدّق إنه هو اللي في الڤيديو .

طيب إزاي دا بيحصل؟!
أولًا لها شروط ، يعني لا يكون الشخص لابس نظارة ، ومش لابس حاجة علي رأسه ، ويكون باصص للكاميرا بشكل مُباشر وعينيه تكون مُوجَّهة للكاميرا بشكل مُستقيم ، يعني لا ينظر ليمين ولا شمال ، وحاجات تانية عشان الكُل يصدق ، زي الصورة تكون full 720hd وهكذا ، ومش شرط علي فكرة 5 دقائق للڤيديو ، بل في عروض تانية علي حسب الوقت اللي إنت عاوزُه عادي جدًا ، ومش كدا بس .. لا .. فيه خاصية كمان إنك تجيب فيلم إباحي كامل وتركب صورة الشخص عليه بشكل محدش يصدّق إن الڤيديو دا تركيب .

فيه حد قرأت له بوست وقال إنه مصدّقش دا وإفتكرها إشتغاله زي ما بيحصل في الـ dark net وغيره ، فحاول يُبص على الـ feedbacks (آراء الناس عنها) اللي مكتوبة ، ولقاها كُلها حلوة والناس بتشكر فيها ، فإفتكرها إنها مُزيفة برضو عشان صاحب الخدمة دي يروّج لحاجته ، فالمُهم الرجل دا دخل كلّم حد من الناس اللي شكّرت في الخدمة وسأله عن الخدمة ، الرجل بقىٰ أرسل له صُورة شخص ، وأرسل له مقطع الڤيديو الإباحي الأصلي ، وأرسل له الڤيديو بعد التركيب .

أنت مُتخيل إنه بصورة واحدة بشروط زي اللي قُلتها فوق مُمكن الخدمة تعمل توليد لباقي الصور؟! يعني بأوضاع مُختلفة ، زي مثلًا لما تبص يمين وشمال وتحرك عينيك وهكذا ، لأن الخدمة دي قائمة على الـ AI .. يعني الـ Artificial Intellegence .. وهو الذكاء الإصطناعي .

المُهم الرجل إتصدم لما شاف المناظر دي ومش مصدّق اللي شافه وقفل علي طول .

هو إعتقد إن أي مُنظمة دولية هتقفل الخدمة دي لأنها هتضر الكبير والصغير ، فأكتشف للأسف إن فيه hidden لخدمات تانية بتعمل علي تطوير مُحرك الذكاء الإصطناعي اللي بتعمل عليه الخدمة دي ، بمعني إنها لو في مرة إختفت ، هتظهر غيرها 1000 واحدة بشكل تلقائي ، وخصوصًا إن الخدمة دي مش علي النت العادي اللي الناس بتستخدمه .

أنا ليه قُلت دا كُله؟!
لما كُنا زمان بنحذر البنات من إنهم يحطوا صُورهن في النت ، كانت البنت بتضايق وتفتكر إننا بنكبت حُريتها و و و ... إلخ .

وأنا حاليًا في مجال البرمجيات ، وأقول : المجال دا لو حد إستخدمه بصورة سيئة ، فـ والله هو قادر يخلي كُل واحد يقعد في بيته وميشوفش نُور الشمس من خجله من الناس .

الموضوع دا مبقاش للبنات بس ، لا دا بقىٰ للرجال كمان والموضوع لو محدش هيقدر يوقفه ، فـ واللهِ العالَم الفترة الجاية مش هيكون بخير .

تخيل حضرتك لما تكون بنت قاعدة في بيتها مُعزَّزة مُكرَّمة ، وتلاقي شباب منطقتها بيتداولوا ڤيديو إباحي لها ، وإبقىٰ قابلني لو حد أثبت إن الڤيديو تركيب ، وحتىٰ لو حد أثبت دا محدش هيصدق إن التكنولوجيا إتطورت لدرجة السفالة والإنحطاط دا .

الذكاء الإصطناعي مش صناعة إنسان آلي وبس ، الموضوع أكبر من كدا بـ كتير .

أه بالمُناسبة ؛ البنت المُنتقبة اللي فاكرة وشها مش متشاف فـ هي كدا في أمان ، أُقسم بالذي رفعَ السماء صُور المُنتقبات حاليًا بقت في حسابات إباحية وبيتغزلوا فيهن ومش عاوز توضيح أكتر من كدا ، وحتىٰ مش بعيد يعني إن الخدمة دي تأخد صورة بنت مُنتقبة وتركّبها علي ڤيديو إباحي برضو إيه المانع؟!

الخدمة دي تستهدف البنات أكتر من الرجال ، الخدمة دي معمولة عليهن أصلًا .

فـ حضرتك كونك تجادلي في إنك حاطة صُورة لك ، متعرفيش إن الصورة دي تكون كنز لحد عاوز أذية لك .
مثلًا : شاب مع حضرتك في الجامعة أو الدرس عاوز تكونوا أصحاب (ودا حرام قطعًا) ، فـ حضرتك ترفضي دا ، فيستغل دا ضدّك لحد ما تروحي له ذليلة ويعمل اللي عاوزه عشان لا تتفضحي ، والقصص كتير ، والحكايات في كُل قصة أكتر .

بالنسبة لأي بنت حاطة صورتها على النت ؛ فـ حضرتك في خطر شديد .ولو حضرتك بتقولي : أنا مش متصورة بالشروط اللي إنت كتبتها فوق ، فـ أنا في أمان .
هقول لحضرتك : الخوارزميات اللي ماشيه عليها الخدمة دي بتتطوّر بشكل هستيري ، يعني النهاردة عاوزين الشخص ينظر في الصورة بصورة مُستقيمة ، غدًا هيعملوا من الجنب ، والذكاء الإصطناعي هيعمل عملية توليد لباقي الجُزء من الوجه .

طيب هيعرف إزاي يولّد باقي الجُزء من الوجه؟!
حكاية بسيطة بس بدون ما أتكلم فيها (وهتكلم فيها في رسالة تانية إن شاء الله فيما بعد).
بإختصار: شركة زي Google و Facebook و Twitter وغيرهم باعوا إلي الـ CIA (مكتب الاستخبارات الأمريكية) جميع الناس اللي مسجلة حسابات عندهم ، وفيه مُهندس شبكات فضح الموضوع دا وكان ضجة كبيرة في العالم في 2013 ، وهحكي دا بعدين إن شاء الله ، لكن الفكرة كُلها تدور في إنهم قادرين يفتحوا تليفونك ، ويعرفوا بتتكلم مع مين ، ويسمعوا مُكالماتك ، ويفتحوا الكاميرا بتاعتك ، ويفتحوا مُسجل الصوت بتاعك ، ويدخلوا الإستيديو الخاص بك ويأخدوا صُورك .
مُجرد بس ما تتصل بالنت فحضرتك تحت سيطرة أمريكا .

عرفت حضرتك بقىٰ ليه الشركات العالمية دي بتجاهد في إن حياة الناس كُلها تكون في مواقعهم؟! بتجاهد وتصرف مليارات الدولارات عشان دا بس .

فـ حضرتك لا تستبعدي إن صُورك برضو تتباع لأصحاب الخدمة دي ويستغلوها ضدك ، وبعدها مفيش رحمة بين الناس .

رجاءًا أنشروا الكلام دا بين الناس كُلها ، ومش شرط في الفيس بس، خُد البوست نسخ وأنشره عشان نلحق كوارث مُمكن تحصل لبنات المُسلمين🥲💔

#منقوله
# لازم نوعي اخواتنا كلهم
رجاء خاص شير للكلام دا علشان البنات تعرف