ملكتي قلبي❤️"
ملك=والله عال بقي كده تروحي تشتري كتب من
غيري ايه الخيانه دي
نور=حاسه اني عملت جريمه في ايه
ملك=فعلا الصحاب في اجازه
نور=ملك انتي طالبه معاكي نكد صح
ملك=هو باين عليا ولا ايه
نور=اوي يا سعديه
ملك=يادي الفضايح
نور=مانتي بيجيلك عرسان وافقي على حد فيهم ونكدي براحتك
ملك=لا بعد الشر عليا ياختي عرسان ايه اسيب الروايات والكتابات بتاعتي واتجوز لاعععععع
نور=بس خلاص في ايه
ملك=حاسه اني اڤورت
نور=اوي المهم بكرا الميتنج الساعه كام
ملك=الساعه اتنين يا شيخه الواحد لسه مش مستوعب أنه هيعرض الروايات والكتب بتعته لناس عشان دار النشر
نور=أن شاء الله يوافقوا
ملك=أن شاء الله المهم أنا هطلع اكوي الخمار عشان جيباه من عند الراجل متكسر وانتي عرفاني بحب هدومي تبقي مظبوطه
نور=ماشي يا حبيبتي نتقابل بكرا وانا برضوا هروح اجهز الحاجه بتاعتي سلام
ملك=سلام يا روحي
تاني يوم
ملك=والله مصاحبه جموسه ايه كل ده يا زفته انتي
نور=اني اسف
ملك=انتي عارفه اني مش بحب التأخير
نور=هعزمك على بيتزا
ملك=انا مهزقه اصلا انا موافقه
نور=قولت كده برضوا
ملك=قصدك اني مهزقه انا اشتم نفسي ومحدش يشتمني لاعععع
نور=بس بس احنا حوالينا ناس يا ماما يلا عشان الميتنج
ملك=يلا لينا شات يلمنا
نور=مش المفروض لينا بيت
ملك=ماهو البيت ده بنقلبها ضحك ومش بعرف اخد حقي في واحده جوايا مهزقه مش بتعرف تتعصب قدام حد بتروح تضحك
نور=دي احسن حاجه فيكي
ملك=انا كلي مميزات...
ملك مخدتش بالها أنها خبطت سيف والقهوه اتكبت عليهم هما الاتنين
سيف بعصبيه=مش تفتحي
ملك بعصبيه= انا برضوا اللي افتح
سيف بعصبيه=مين اللي بتتكلم ومش بصه قدامها
ملك بعصبيه=ومين ماسك التلفون
سيف بعصبيه=يا شيخه حسبي الله ونعم الوكيل
ملك بعصبيه=انت بتتحسبن فيا مش كفايه بوظت الفستان والخمار الجديد
سيف=انتي كمان بوظتي البدله يعني احنا الاتنين متساويين
ملك=اعمل انا ايه دلوقتي
سيف=معرفش بقي عن اذنك كل واحد يشوف البلاوه اللي هو فيها
نور=تعالي يا ملك ندخل الحمام نشوف هنعمل
ملك=الميتنج فاضل عليه نص ساعة
نور=هنتصرف اهدي بس
ملك=حسبي الله ونعم الوكيل فيك
نور=يابنتي بطلي بقي هو كمان البدله اتبهدلت
ملك=ما تتبهدل انا مالي
نور=بس الواد قمر
ملك=اه.. استغفر الله العظيم يابنتي اسكتي بقي هنولع من الذنوب
نور=خلاص خلاص
ملك دخلت الحمام وحولت تداري القهوه وسيطرت على الموضوع على قد ما قدرت
ملك=تمت المهمه بنجاح
كريم بضحك=ايه ده ايه اللي حصل
سيف=مش ناقصه خفه دمك والله اسكت احسن
كريم= اللي عمل كده فيك طب ده منظر واحد صاحب الميتنج
سيف=كريم خلاص وحياتك أن بعت حسام يجيب قميص عندي من البيت بسرعه ياريت يلحق بس
كريم=برضو عايز اعرف مين اللي عمل كده
سيف=واحده عماله تتكلم ومش بصه قدامها كبت القهوه عليا
كريم=وانت كنت مش باصص قدامك يعني
سيف=كنت باصص في التلفون
كريم=يعني الغلط مش عليها لوحديها
سيف=انا مش فاهم انت بتدافع عنها ليه
كريم=انا بقول الصراحه انا اعرفها منين عشان أدافع عنها
حسام=خد يا سيف الحق البس بسرعه فاضل عشر دقائق على الميتنج
سيف=هات ده ايه اليوم ده ياربي
سيف لبس بسرعه ودخل القاعه اللي فيها الميتنج
نور=متقوليش المسؤول عن الميتنج اللي انتي كبيتي عليه القهوه
ملك=اكيد لا هو انا معرفش هو مين عشان كنت بتعامل مع الناس اللي بتبقي مسؤوله عن الكتاب بس اكيد مش هو
سيف دخل وقعد على الكرسي المسؤول
نور=اوبس
ملك=ربنا يستر انا بطني وجعتني من الخوف
نور=بس هو أهم حاجه عنده الكتابات بتعتك
ملك=استني نشوف ايه اللي هيحصل
سيف=اهلا بيكم في******هنا بنهتم بالكتاب الجدد بس اهم حاجه يكون عندهم موهبه ويكون ليهم اعمال معروفه مش شرط على الواقع حتى لو على ابلكيشن أو ليهم مؤسسة أو كيان وبنشوف أعمالهم وبعدها بنقرر نتعاقد معاهم ولا لا
الكل بداء يتكلم عن أعماله وعن إنجازاته وملك اتكلمت عن الحاجات اللي عمالها بس كانت خايفه شويه
سيف=تمام احنا كده قررنا ناخد استاذ محمود والأستاذة ريحانه وندي والباقي أن شاء الله نشوفكم الفرصه اللي جايه
ملك كانت مصدومه
نور=قومي يا ملك حصل خير
ملك=ده متخلف صح قوليلي أنه متخلف
نور=يا ملك مينفعش كده بلاش عصبيه
ملك=وربنا ما هسيبه
نور=ملك احنا مش بلطجيه في ايه اهدي
ملك بعياط=نور انتي عارفه انا تعبت قد ايه عشان اوصل لكده وانتي كنتي معايا ازاي ميوافقش على حد فينا احنا اكتر ناس ليها مؤوسسات ولينا حاجات كتير ده مهزق
سيف بعصبية=مين ده اللي مهزق
ملك=انت
سيف بعصبية=انتي اتنجنتتي انتي عارفه بتكلمي مين
ملك =اه عارفه ومش مهم اصلا
سيف بعصبية=اتفضلي اطلعي برا
ملك=على أساس اني هموت واقعد يعني
نور=خلاص يا جماعه اهدو
ملك=يلا يا نور عشان الواحد زهق من المكان ده
ملك خدت الشنطه ومشيت
نور=انا متاسفه جدا لحضرتك بس هي ملك لما بتتعصب مش بتشوف قدامها
سيف=انتي ملكيش دعوه بالموضوع بتتأسفي ليه
نور=عن اذنك
سيف=بلغي الست هانم اللي مشيت دي ان في ميتنج الأسبوع اللي جاي ولازم تيجي
نور=تمام
ملك=لسه فاكره تيجي
نور=مش كنت بعتذر للراجل يابنتي على اللي انتي عملتيه
ملك=تعتذري ليه اصلا
نور=ملك اهدي وبلاش العصبيه اللي بتوديكي في داهيه دي احنا كمان هنشوفه كمان اسبوع
ملك=نعم اشوف مين ده انا ممكن أولع فيه
نور=اسكتي بقي
ملك=ده مختل عقلياً يابنتي قال يرفضني انا ده ميعرفش انا مين
نور=ايه التواضع ده يابنتي
ملك=يلا بنكسب فيكم ثواب
نور=ربنا يصبرني عليكي
بعد مرور يومين
ملك=مش عارفه ايه الروقان ده بحر والروايه المفضله يعني حاجه عظمه من الاخر
سيف=احم
ملك=اقعدي يا زفته انتي ورايا على طول كده
سيف بضحك=زفته مين
ملك وهي تلتفت الي من يتحدث=انا اسفه بحسب حضرتك صحبتي
سيف بضحك=لا عادي حصل خير
ملك بعصبية=انت ايه اللي جابك هنا مش كفايه اللي عملته فيا انت متعرفش انا مين
سيف=اولا ده مكاني المفضل اللي بقعد فيه انا كنت بشوفك على طول بس مكنتش اعرفك عشان اتكلم معاكي ثانيأ انتي اللي غلطانه عشان كبيتي عليا القهوه ثالثا انتي برضو غلطانه عشان شتمتيني
ملك بعصبيه=انا اللي طلعت غلطانه يعني في كل ده وانت الملاك البريء
سيف=ايوه
ملك=طب عن اذنك بقي عشان حرفيا انا على اخري
سيف=استني بس
ملك=عديني بس عشان الواحد ميعملش جريمه
سيف=ايه العنف ده
ملك وهي ماشيه=سمعتك على فكره وحسبي الله ونعم الوكيل برضوا
نور=يخربيتك انتي برضوا اتعصبتي عليه
ملك=اه يلا هو يستاهل انا اللي مزعلني اني نسيت الروايه
نور=انتي اكيد بتهزري
ملك=انتي تعرفي عني اني بهزر في الروايات
نور=لا خلاص حصل خير
ملك=صح احنا عندنا الميتنج يوم السبت صح
نور=اه
ملك=الواحد هيحاول يمتلك أعصابه
نور=ربنا يستر والله انا قلقانه على رد فعلك اكتر من الروايه
ملك=عيب عليكي خلي في ثقه شويه
يوم السبت
نور=ملك هدي اعصابك احنا داخلين وان شاء الله خير انا سمعت اللي هيحضر الميتنج ده دول اكتر ناس كانوا محتارين فيهم يعني احنا التصفيه من افضل الناس اهدي وان شاء الله يعدي اليوم على خير
ملك=حاضر
فعلا سيف اختار ملك ونور وكام شخص تاني أنهم يكونوا في التيم ويتم النشر اعملهم
نور بفرحه=شوفتي قولت أن شاء الله خير وادينا اتوفق علينا
ملك=يابنتي احنا مش اي حد
نور=ايه الثقه دي كلها
ملك=عيب عليكي يا سعديه ده انا ملك
كريم=السلام عليكم
نور=وعليكم السلام ورحمه الله وبركاته
كريم=حضرتك ده الكرت اللي فيه الارقام اللي هنتكلم عليها في كل التفاصيل ولو حصل اي حاجه جديده
ملك=طب وانا مليش كرت ولا ايه
كريم=حضرتك احنا مقسمين المجموعه لفرقين واحد تبع الأستاذ سيف واحد تبعي والأستاذة نور في التيم بتاعي
ملك=تمام
نور=ايه الحظ ده هتبقي في اليتم بتاعه
ملك=هي جت على حظ قرمط يعني
نور=بس شوفي يعني اللي اسمه كريم ده وسيف قمرات
ملك=احنا هندخل جنهم بصاروخ بسببك جرا ايه يا وليه انتي فين غض البصر
نور=استغفر الله العظيم خلاص يا ملك حاسه انك هتضربيني
ملك=حاسه مش متاكده
عدا يومين ومفيش اي حاجه حلصت جديده
ملك=ادينا جبنا روايه جديده وادي الشاي بلبن بتاعنا وادي قاعدين قدام البحر يكش الواحد يروق كده وينبسط
سيف بضحك=هو انتي بتكلمي نفسك على طول
ملك=لا ده انتي مراقبني بقي
سيف=محصلش لو تفتكري ده مكاني المفضل
ملك=مسمحلكش ده مكاني المفضل
سيف بضحك=عادي يبقي لينا احنا الاتنين والله
ملك=مش بحب اقسم حاجه بحبها
سيف=دي ايه الانانيه دي
ملك=قصدك اني انانيه
سيف بضحك=ولا انانيه ولا مهلبيه انا اسف
ملك لم تستطع كتم ضحكتها
سيف=مانتي ضحكتك حلوه
ملك=ضحكتي حلوه بس ايدي لما تيجي تتدي اقلام بتبقي احلى بكتير
سيف=يا ساتر يارب
ملك=ممكن تقعد بعيد عني بقي
سيف=اسف لو ضايقتك
ملك=لا مش مشكله انا قلبي ابيض
سيف=ماهو واضح
ملك=بتقول حاجه
سيف=ولا اقدر اتكلم اصلا
نور=هتخطب يا ملك هتخطب اععععععع
ملك=اهدي يا وليه انتي مش اول مره عريس يجيلك يعني ايه المختلف
نور=ما العريس هو كريم
ملك=كريم مين
نور=اللي مسؤول عن التيم بتاعي
ملك=بت انتي كنتي بتكلميه
نور=لا عيب عليكي هو اصلا من اول يوم وهو مخلي الكتاب يدخلوه المؤسسات بتعتهم وانا دخلته ولما يكون عندنا ميتنج أو التيم كله خارج مع بعض بيكون في نظرات ليا ودخلي برايڤت وطلب رقم بابا ومتكلمناش في اي حاجه تاني والله
ملك=مبارك يا روحي ربنا يتمملك على خير يارب
نور=يارب يا روحي
ملك=هي الخطوبه أمتي
نور=يوم الخميس
ملك=انتي بتهزري صح
نور=لا والله قرائه الفاتحه والخطوبه مع بعض
ملك=ده انا لازم انزل بكرا اجيب الفستان وانتي لازم تجهزي لسه فاضل حاجات كتير
نور=انا عارفه أن شاء الله نلحق
يوم الخميس
ملك=شوف كتكوتي حلو ازاي
نور=حبيبي ده انتي اللي قمر
ملك بضحك=مش بحب اتكلم عن نفسي
نور=انتي هتقوليلي
كريمه=يلا يا نور العريس وصل تحت مستنيكي
ملك=روحي انتي وانا هاجي وراكي على القاعه
نور=ماشي
ملك لبست فستان بنفسجي ونفس الون الخمار ونور لبست فستان لونه اصفر وسيف لبس بدله لونها رصاصي وكريم لبس بدله سوده
سيف=عامله ايه يا انسه عصبيه
ملك=الحمدلله بخير بس ايه انسه عصبيه دي انا كده هتعصب والله
سيف بضحك=شوفتي انسب اسم ليكي انسه عصبيه
ملك=بتكررها تاني يعني
سيف بضحك=دي الحقيقه
ملك=ياربي بقي عن اذنك
نور بضحك =مالك مش طايقه نفسك كده ليه
ملك=متشغليش بالك بصي انا خارجه أقف في الهواء شويه عشان اتخنقت من الدوشه اللي هنا نص ساعه وهرجع عايزه حاجه مني
نور=لا ياحبيبتي
ملك خرجت وقعدت على كرسي في مكان هادئ وفضلت تبص النجوم وتبتسم
سيف=هي النجوم بتضحك ولا ايه
ملك=يابني ارحمني بقي اروح فين تاني عشان اقعد لوحدي
سيف=والله انتي اللي بتيجي ورايا
ملك=انا اللي باجي وراك انت
سيف بضحك=في ايه يا انسه عصبيه اهدي كده
ملك=لا ده انت مستفز فعلا
سيف بضحك=انا عن نفسي اتعصبت من نفسي
ملك=يبقي انا كتر خيري
سيف=فكرتيني الروايه بتعتك معايا
ملك=صح انا لسه عارفه انها روايتك اصلا لما عرفت اسمك بالكامل
سيف بضحك=مش بحب اتكلم عن نفسي كتير الناس كلها بتحب رواياتي
ملك=لا ماهو واضح
سيف=استني هروح اجبها من العربيه
ملك=انت جيباها معاك هنا
سيف=مانا عارف انك اكيد هتيجي الخطوبه
ملك=تمام
سيف=اتفضلي
ملك=شكرا
سيف=ممكن تشوفي الورق الاخيره
ملك=ايه ده توقيعك متشكره ليك
سيف بضحك=بصي كويس يا ملك من تحت
ملك قرأت تتجوزيني
ملك بصدمه=ايه
سيف=تتجوزيني
ملك=ما..ما..ما
سيف بضحك=انتي قلبتي معزه ليه
ملك =انا معزه طب اتفضل روايتك وامشي من هنا
سيف بضحك=عنيفه اوي انتي
ملك=هو ده اللي عندي إذا كان عجبك
سيف بضحك=ماهو ده اللي خلاني اقع على وشي واحبك من ساعه ما وقعتي عليا القهوه
ملك بضحك=وه يا عبد العال كل ده شايله في قلبك
سيف بضحك=شوفتي الواحد مستحمل منك عصبيه لو كانت من حد تاني كان ادفن مكانه
ملك=ثواني بس يعني انت وافقت عليا عشان حبتني
سيف=لا لا انا كنت موافق عليكي من الاول خالص اسالي كريم وبقيت التيم انا كنت عايز اقرص ودنك عشان عصبيتك ولسانك الطويل ده
ملك=قصدك ايه بقولك انا اصلا قنبله نكد لو اتفتحت مش هتتقفل
سيف بضحك=نكد ايه بس لا حقك عليا
ملك=ايوه كده
سيف=ها قولتي ايه
ملك=والله يابني صعبت عليا ف عشان كده انا موافقه
سيف بضحك=صعبت عليكي
ملك=اه ده انت قطعت قلبي
سيف بضحك=يبقي نشوف الموضوع ده بعدين المهم انا اصلا كلمت باباكي قبل ما اطلع من القاعه وبما انك موافقه كتب الكتاب الأسبوع اللي جاي
ملك=ثواني استوعب بس ايه المده الصغيره دي
سيف بضحك=عشان اعرفك ازاي تتعصبي عليا
ملك=قصدك اني عصبيه
سيف=بحبك
ملك=ربنا يسترك
- ويَكفينِي منْ هذا العُمر أنك مريتي فِي عُمري♥️"
#ملك _فاروق#
