ليس في قلبي غيرك❤️
رحاب=ريحاااانه قومي يلا
ريحانه=والله هتقطعولي الخلف في ايه الواحد ميعرفش ينام في البيت ده ولا ايه
رحاب=قومي يلا عشان ابن عمك جاي النهارده من السفر
ريحانه=ابن عمي مين
رحاب=الدكتور زين ابن عمك محمد
ريحانه=دكتور اه على نفسه بقي سيبني عشان الواحد نايم وش الفجر اصلا
رحاب=ما الكتب والروايات اللي وأكله دماغك دي هي اللي بتسهرك
ريحانه=واحده مخلصه كليه ومش شغاله تعمل ايه يعني مش فاهمه مالكم بيا
رحاب=قومي بدل ما اجبلك الشبشب
ريحانه= لا بلاش الشبشب ابو ورده ده بيوجع
رحاب=هروح اجيبوا
ريحانه بضحك=لااااااا استني بس يا ست الكل نتفاهم مش كده يعني
رحاب=قومي نضفي اوضتك احنا بقينا العصر
ريحانه=اوف بقي حاضر ده انا كرهت زين قبل ماشوفه كل ده عشانه
رحاب=بس يا مفعوصه انتي ده يتيم وابوكي هو اللي قاله يقعد معانا هنا لحد ما الشقه اللي فوق تتعمل فيه شويه حاجات وبعد كده يقدر يعيش فيها
ريحانه=اه ماشي لو كده نستحمله
رحاب=يلا قومي لحد ما اخلص الأكل ساعه ولا اتنين وهيوصل
ريحانه=هو كان مسافر فين اصلا
رحاب=كان في كليه الطب في اللي في امريكا وخلص الكليه وقرر ينزل يشتغل في مصر لانه كان رايح عشان الدراسه بس
ريحانه=يعني يسيب امريكا وينزل مصر ده ايه الراجل ده
رحاب=ماتخليكي في حالك
ريحانه=طب يا سيدي شكرا يلا بقي اطلعي برا عشان اعمل الاوضه لاني بتلكك اصلا عشان ارجع انام
رحاب=ريحاااااانه قومي يلا
ريحانه=حاااضر
بعد ساعتين
رحاب=روحي افتحي بسرعه هتلاقيه ابن عمك
ريحانه=البس الاسدال طب مش كده يعني
رحاب=يخربيتك يا ريحانه هيقف على باب كل ده انا هروح افتحله
ريحانه=مش عارفه ايه الام دي ياربي
رحاب=اهلا وسهلا بيك يا حبيبي نورت
زين=بنورك يا امي عامله ايه
رحاب=بخير الحمدلله تعال ادخل
زين=اومال عمي فين
رحاب=في الشغل ساعه وتلاقيه جه
ريحانه=السلام عليكم
زين=وعليكم السلام
ريحانه=انا ريحانه
زين بضحك=ده انتي كبرتي اوي
ريحانه=لا مكبرتش انا يدوب 23 سنه فين كبرت
زين بضحك=حقك عليا انا اللي كبرت
ريحانه=اه قول على نفسك بقي المهم عامل ايه
زين=بخير الحمدلله
رحاب=يلا يا زين يا حبيبي تعالا عشان تاكل
زين=تعبتي نفسك ليه بس
رحاب=تعب ايه متقولش كده انت عارف غلاوتك عندي
ريحانه=طب امشي انا يعني
زين بضحك=لا خليكي انتي بنتها برضو
رحاب=خليها تمشي دي بوق على الفاضي
ريحانه=طب كده انا مش هاكل
رحاب=عيني في عينك كده
ريحانه=عيني في عينك ايه بس انا هموت من الجوع
رحاب بضحك=شوفت
بعد مرور ساعتين
محمد=انت عامل ايه دلوقتي
زين=بخير الحمدلله يا عمي
محمد=طب ناوي تعمل ايه في الشغل اللي هنا
زين=انا خلصت الورق وكل حاجه وليا صحبي هنا شغال دكتور في مستشفي هنزل بكرا عشان الورق بتاعي وهشتغل فيها أن شاء الله
محمد=ربنا معاك
وقت الفجر
ريحانه صلت الفجر وعملت شاي بنعناع وجابت الروايه بتعتها وقاعده في البلكونه
زين=احم
ريحانه بخضه=يالهوي
زين بضحك=شوفتي عفريت ولا ايه
ريحانه=قلبي كان هيوقف مش اكتر
زين=لا بعد الشر عليكي
ريحانه=متشكره
زين=بتعملي ايه في الوقت ده الناس كلها نايمه
ريحانه=مانا بصلي الفجر واقراء قران بعديها اعملي كوبايه شاي واقعد في الجو القمر ده واقراء روايه
زين=ده ايه الروقان ده
ريحانه=ده اكتر حاجه بروق بيها اعصابي
زين وهو ساند ضهره على الحيطه ومربع أيده= تعرفي مصر وحشتني اوي
ريحانه=نورتها يا عسل
زين بضحك= ده بنورك
ريحانه=عارفه انا منوره الدنيا كلها
زين=طب وانتي مش بتخافي شاب يطلع البلكونه يعاكسك في الوقت ده
ريحانه=عيب عليك ده انا مسيطره
زين=لا ماهو واضح
ريحانه=على فكره انت بتضيع الوقت المفضل عندي
زين=معلش انا داخل اصلا
ريحانه مسكت أيده بسرعه=اهدى يابني استنى بس تحب تقعد معايا
زين وهو يصطنع الحزن=لا اسيبك براحتك
ريحانه بضحك=لا بلاش جو التمثيل ده
زين بضحك=طول عمري فاشل في التمثيل
ريحانه=بتحب روايات
زين=جدا
ريحانه=استني بس هو انت قومت ليه اصلا
زين=عشان اصلي الفجر
ريحانه=صليت طب
زين=اه الحمدلله
ريحانه=تقبل الله
زين=منا ومنكم أن شاء الله
ريحانه=استني اعملك شاي واجبلك روايه من اللي عندي اتفقنا
زين=اتفقنا جدا
بعد خمس دقائق
ريحانه=اتفضل يا سيدي
زين=متشكر
ريحانه=لا شكر على واجب بس انت المفروض تصحى بدري عشان الشغل
زين =انا متعود على كده من ساعه ماكنت في الكليه كنت مش بنام بالايام
ريحانه=ياعيني يابني قطعت قلبي
زين بضحك=حاسس بتريقه
ريحانه=لا والله ربنا يوفقك
