رواية (الأفعي) بقلمي/بدور عاطف

الفصل الثالث

#الأفعي
#بقلمي_بدور_عاطف
الفصل الثالث
في صباح يوم جديد كان قد تجهز للعوده إلي قريته
سليم،،ألو ايو يا عمر اه انا جهزت اهه و هتحرك .... لا مافيش داعي ....تمام ....لا طبعا اجيب سيرتك اي هو انا هلحق اقول كلمتين علي بعض ....يلا ربنا يستر سلام
تحرك سليم بسيارته
عند الافعي،،كانت جالسه تنتظر مجئ اللجنه التي ارسلتها وزاره الأثار
مجاهد،، جوم يا كبيره
الأفعي،،طب جهز العربيه
تحركوا إلي ذالك الموقع و بدأوا في عملهم و كانت هناك نظرات ناريه بين دياب و الافعي
اقترب منها دياب و قال،، عشان تعرفي غلوتك عندي يا بت عمي
الأفعي،، انت بالي عملته ده حسنت صورتك قدام الخلق يعني لنفسك يا ولد عمي ثم تركته و ذهبت
دياب و هو ينظر لأثارها،، بس انتي ما تعرفيش انك نفسي يا افعي و اديني بطوعك يمكن انول الرضا مع ان لو طالت او قصرت فهاخدك و هتكون ليا حتي لو بالغصب
في قصر عامر الهواري دخل بسيارته و نزل منها و اخذ ينظر للمكان من حوله ثم رسم علي وجهه ابتسامه لتلك القادمه نحوه فتحرك إليها
غجريه،،ولدي ولدي
سليم،،اتوحشتك يا اما
غجريه،،جلب امك غيبتك طولت يا سليم
سليم،،ما انتي عارفه الحال يام سليم
غجريه،،ربنا يهدي العاصي
سليم،،هي فين
غجريه،،خرجت من صبحيت ربنا
سليم،، لساها جامده معتلينش ابدا
غجريه،، ربنا يكون بعونها يا ولدي إلي حصلها يهد جبل
سليم،، و هو اي الي حصلها يا اما لي مش راديه تخبريني بحاجه
غجريه،،الي فات مات يا ولدي و ممنوش فايده الحديت فيه بكفيا الي حصل لخيتك و اديك شايف حالها ما بالك لو اتفتح الموضوع تاني ما عوزاش اخسر بتي
سليم،، ماشي يا اما طالت و لا قصرت مسيري هعرف
غجريه،،تعالي عشان ترتاح
دخلوا و جلسوا و اخذوا يتحدثوا
سليم،، اهه فاضلي سنه و نص و اجي اجعد معاكي علي طول
غجريه،،تجعد مع عروستك يا ولدي
سليم،،وه صدجي كانت تايهه عن بالي الفكره دي
غجريه،،اي مفكر نفسك عيل اصغير انت راجل و سيد الرجاله كمان تتجوز و تفتح بيت و تمسك البلد كمان
سليم،، لساتك ريده تقعدي اهنه
غجريه،،دي ارضنا و ناسنا يا ولدي
سليم،،سبيها علي الله يا ام سليم
شيفاك عتتحدت بكلامه لسه امال لي معايزش تقعد في البلد
وقف سليم و امه
سليم،،خيتي اتوحشتك
اوقفته الأفعي و قالت،، اي الي جابك يا سليم
سليم،، امي و خيتي و بلدي هكون جاي لي
الافعي،، بلدك الي معايزش تعيش فيها لا فرحتني و الله
سليم،،يا خيتي ا...
قاطعته قائله،،خيتك ماتت يا سليم إلي جدامك دي الافعي فاهم و وجود اهنه مش لدد عليا فخد واجبك و عاود من مطرح ما جيت و إلا و رحمت الغالين لادفنك مكانك و انت عارف اني جادره و اعملها  ثم نظرت لغجريه و قالت،، خدي ولدك يا غجريه وكليه و ضايفيه عشان بكره يعود من مطرح ما جه ، ثم تركتهم و ذهبت
غجريه،، ما تاخدش علي كلامها يا ولد
سليم،، اخد و لا ما اخدش معدش فارج شي ثم اخذ اشيائه و ذهب
غجريه،،رايح فين يا ولدي سليم سليم
سليم،، فتك بعافيه يا ام سليم ثم ركب سيارته و ذهب
دخلت غجريه و توجهت إليها و قالت بحده،، كيف تجولي كده لخوكي عتخرجيه بره بلده و ارضه ما كنتش كلمه إلي جالها و انتي مسكتي فيها لي بتعملي اجده لي
الافعي،، قلبك رهيف جوي يا غجريه بلغيهم يحضرولنا الوكل
نظرت لها غجريه و قالت،، شيطانك إلي راكبك دا مهيأذيش حد غيرك يا بت بطني ، ثم تركتها و ذهبت
الافعي،، بكره تعرفي إن إلي بعمله دا لمصلحته معاوذاش اخسره بكفايا إلي خسرته
في منزل عائله صالح
كان سالم جالساً و يتحدث إلي احدهم
سالم،،عاوز كل شئ جاهز فاهمين
غريب،،خير يا اخوي في اي
سالم،،عمر خبرني إنه جاي اخر الاسبوع
غريب،،غريبه انه وافق يجي بعد السنين دي كلها
سالم،، اهم شي انه جاي و كمان وافق علي كل الي قولته و جاي ينفذه
غريب،،كمان ولد صالح بصحيح يغيب غيبته و يجي بهبته
سالم،، معايزش اي حديت معاه في حاجه و كل الي يقوله يتنفذ
دخل عمران و قال،،وه عاوزني اخد الاوامر من ولد اخوي و لا اي
سالم،، و ماله يا عمران ولدنا و هيعمل لمصلحتنا
عمران،، بس انا ماهخدش اوامر من حد
سالم،،كنت نفذت انت بقا و مكنتش خبرته و لا جبته اهنه بعد السنين دي كلها
غريب،،جري اي يا عمران منشف دماغك لي
عمران ،، مش علي اخر الزمن يجي و يتشرط عليا ولد اخوي
غريب،،بس دا لمصلحتنا يا اخوي
عمران،، انا ماليش مصلحه من دا كله و مش هاخد اوامر من حد و اعملوا الي يلد عليكوا ثم تركهم و ذهب
سالم،،طول عمرك متفرعن يا ولد ابوي و اخرت الي عتعمله دا هيأذيك
غريب،، هنعمل اي يا اخوي
سالم،، كل حاجه هتم ذي ما خططت و انا بجولهالك اهه لو رايد تعمل شكل اخوك حصله دلوجت عشان لو جيت وجت الجد و مشيت فأنت لا اخوي و لا اعرفك فاهم
غربب،،عتجول اي يا اخوي انا معاك و كل الي تجل عليه هيتنفذ بكفايا الي عملناه زمان لازم نرجع و نرجع هيبتنا وسط الناس
ساليم،،هنرجع و هنقضي علي الافعي و ولد عمها و يبقا احنا الي في الساحه لواحدنا و كل دا هيتم بيده هو عمر ولد صالح
يتبع.