بارت 1
رن المنبه على الساعه سبعه
فتحت عيوني واني اشوف نور الشمس وهيه تتسلل من النافذه ويدخل نورها للغرفه ابتسمت وانا اتذكر ان اليوم ممكن ان يكون من اجمل ايام حياتي اليوم هوي يوم زفافي تذكرت امس كل ساع يتصل ويكلي باجر اسعد يووم بحياتي 😂 كمت من الجربايه توجهت لنافذه الشباك بعدت البرادي فتحت الشباك اجه ضو الشمس بعيوني رجعت ذاكرتي لمن اتعاركت مع حسين وزعلت منه بيومها جنت نايمه ع الجربايه وابجي لان تعركت ويا صرت اسمع صوت احجاره تنضرب بشباك مره مرتين بوقتها خفت اكووم افتحه ليكون حرامي بس تشجعت فتحته ع كيفي جان اشوف حسين وهوه ياشرلي ان اروح للموبايل رحت جبته بسرعه وفتحت خط
حسين كالولي الحلو زعلان جيت ارااضي
عبير بجيت غير بسببك
حسين ليش بسببي انت الحب والعشق لتزعلين فدوه اروحلج
عبير روح منا اخاف احد يجي
حسين ما اروح لا اذا كتيلي انج مو زعلانه منيي
عبير بلي زعلانه
حسيين اذا مفكيتي راح اصوت باعلى صووت واكوول عبييير احبج
عبير لا لا خلص مو زعلانه
يله رررروووح
حسين ما اروح الا اذا كتيلي احبك
عبير حسين خلص
حسين ما ارووح
عبيرر اووف خلص احبك احبك احبك يله روح عاد
حسين يمه فدووه تروحلج يبعد كلبي ودكاته
عبير باي ❤
وسديته؟؟
صحيت من ذاكرتي ع صوت الموباايل
رحت للموبايل ابتسمت واني اشوف اسمه مكتوب
عبير الوو
حسين ياصباح الخير على عروست بغداد
عبير ياصباح النور على عريس بغداد
حسين اليوم محضرلج مفاجئه ما راح تنسييها بحياتح يبعد كلبي ودكاته
عبير شنو هيه
حسين يا شبيج اكلج مفاجئه بصالون توصلج
عبير ماشي حبيبي
حسين اريدج تطلعين اجمل وحده واصلان انتي من كاعج حلوه يااعشقييي❤
عبير احممم يله روح ارد اجهز نفسيي بايي حب
توجهت للكنتور طلعت بطلون جينز
وبدي اسود علي كتابه بلون احمر وطلعت حذاء وجنطه حمرا
فتت للحمام سبحت وكملت جهزت نفسي ومشطت شعري دكت على اختي جنت متفقه ويااها تجي علي حتى انروح للصالون اخذت اغراضي ونزلت لكيت ماما بلمطبخ دتسوي فطور بس شافتني اجتني حضنتني وعيونها جانن حمر مبينه باجيه عيونها مكدر اوصف شنو بيها جانت نضراتها فرح على حزن على امل على تفائل كلتلي الله يسعدج ويبعد الشر والعين عنكم وحضنتني وبجت اكثررر واني حضنتها قويي عبالك بعد ما اشووفها ......
طلع بابا من الغرفه
وهوه يكول شبيج تبجين الحمدلله راح نخلص منها وللابد شمر الخولي بوجهي وراح الله ياخذه نغص علي فرحتي ماما كلتلي لا تهتمين خلي ايولي كتلها عادي اتعودت علي ماما اني حروح عيون تستنناني بره
كلتلي ليش اتريكي وروحي
كتلها اتاخرت بوستها وطلعت جانت عيون تنتضرني بسياره سلمت عليها وكعدت هم جانت عيونها حمر حضنتني وبجت هاي اختي الحب مالتي يمكن لو مموجوده بحياتي جان زززمان متت او انتحرت
........
اسمي عبير مواصفاتي عاديه لست فائقه الجمال ولكن جمالي طبيعي جدآ طويله شعري طويل عيوني كباارر لونهن عسلي جسمي هم زين لاضعيفه ولا سمينه مناسب مع طولي حنطيه
ماما ارمله يعني ابويه اني وعيون متوفي وره وفات بابا غصبوها لماما وزوجوها لعمي اخو ابويه لان اهل ابويه خيروها لامي بينا يعني يا اما تتركنا او تتزوج عمي وفعلا اختارت انها تبقى ويانا وتزوجت عمي بلغصب واهل ابويا جانو ناس ماكو بكلوبهم رحمه ابد ابد ومعقدين لدرجه متنوصف لبنيه عندهم شي حرام ويعتبروها عار عليهم بكل شي ولما ماما جابتنا بنتين الكل كرهاا
عمي جان ابد مو حنين علينا يصبحنا بكتله ويمسينا بكتله احيانن يجي شارب ويكعد بضرب بينا ويكللنا بسببكم خسرت حياتي الله ياخذكم لو مموجودين جان اتزوجت الي احبها ما عدا الكتل الي يكتله لامي عانينا اهواي بطفولتنا بس مع ذالك امي جانت اهواي تحبنا وتخاف علينا ولمن يجي يضربنا تحاول تحمينا تحت جناحها علمتنا اهواي امي واكثر شي جانت تكللنا علينا انكون انا واختي سند لبعض اي شي ايصير ما نشكي الا لبعض انخاف علىى بعض وفعلا ضلينا على هل شي
وتعرضنا انا واختي للتحرش من قبل عمنا وجانت باخر لحضه امي تلحك علينا ويكوم يضربنا لمن يكون بحاله سكر وجانت امي ابد متشكي لاحد عن عمايل عمي ابد تكول اخاف يطلكوني وياخذوكم مني امي بقت محافضه علينا وكبرتنا وخلتنا انكمل دراستنا وصلتنا مراحل ممتازه
اما اختي عيون كانت اجمل شي بحياتي لمن كانت بلكليه تعرفت ع شخص وحبها حب صادق واجه خطبها واتزوجوا بسلام وعانيت اهواي من تزوجت لان بقيت وحيده بلاها
ماما واختي عيون جانن ايكللي انتي صح ام لسان بس فطيييره وصدقت هل مقوله علييه💔
انا واختي مو محجبات اعمامي حاولو يغصبونا بس جنا نرفض لان الحجاب اقتناع واحنا ما جنا مقتنعين
.....
وصلنا للصالون وبديت بتسريحه وبلمكياج اطلع ع روحي بلمرايه واتصفن يا شبساع كبرت وراح اتزوج ذاك اليوم دخلت للكليه 😂😂 وره مخلصت رحت لبست بدله العرس واختي كل ساع تبجي وتبجيني معها وترجع ترزلني عشان المكياج لا يخرب 😂
اتصلت على حسين حتى يجينا اتصل بي مره مرتين اتلاث ماكوو اتصلت على داليا اخته ايرن ومترد توتر وخفت ليكون صار بي شيي
معالم وجهي تغيرت من الفرح للخوف والفزع
ياربي ويانهم ليش اتاخروو
عيون اتصلي بيهم بعد اخاف صاير شي
ها اي اي هم صح
رجعت اتصل مره مرتين اهم ماكو زاد توتري وخفت ياربي لا تفجعني بيهم ربي اليوم فرحتي عانيت هواي بحياتي
اختي كعدت يمي وصارت تحاول تنسيني وطمني
عيون لا تخافي حبيبتي ماكو شي يمكن ازدحام او كاعدين يركصووو بشارع او شي لا تخافينن
بهل لحضه وصلني مسج من تلفون اخته مكتوب
(كتلج اليوم محضرلج احلى مفاجأ)
هون ابتسمت عبالي الفاجأه الي اخرته بسسس...
يتبع.....
