يا انت بتغمز لمين
ها لا ولا حاجه
بصت علي التربيزه اللي جنبها لقت بنت وكمان بتضحكله
لا والله فعلا مفيش حاجه حاولت تكذب نفسها
لا والله طب قوم اديها رقمك احسن من المشاورات دي انت انسان خائن انت ازاي كده ده حتي النهارده كتب كتبنا انت ازاي كده حسبي الله ونعم الوكيل
حور اهدي الناس بتتفرج علينا
لا والله بقا خايف علي الناس يا مصطفى ومش خايف علي الهبله اللي قدامك تيجي بكره تاخد كل حاجتك وزي ما كان النهارده يوم كتب كتابنا هيكون بكره طلاقنا ورمت دبلته في وشه وجريت من قدامه
(نرجع لورا)
السلام عليكم ورحمه الله وبركاته
وعليكم السلام ورحمه الله وبركاته
انا عندي مشكله كبيره جدا واتمني من حضرتك تساعديني
اها طبعا اتفضل
انا بمر بفتره صعبه واضطهاد من كل اللي حواليا انا عندي شغل علي قدي وكل واحد يقعد يقولي انت هتفضل كده مين هيرضي بيك كده وخصوصا ان معايا دبلوم تجاره انا خلاص اتعقدت من حياتي
من فضلك اهدي بلاش تتأثر بكلام الناس محدش عارف انت بتحس بايه أو بتمر بايه أو الازمه اللي الشباب بتمر بيها اليومين دول انت لو عايز تجتهد تجتهد عشان نفسك عشان انت عايز تبقي كده مش علشان الناس تقول ده شغله حلو وده وده اسعي عشان نفسك والنجاح مش بيجي من فراغ لازم تعب واجتهاد وقبل كله ده الاستعانه بالله عزوجل.
ما شاء الله عقل حضرتك كبيره جدا يسلم اللي رباكي حضرتك عندك كام سنه
تسلم يارب عندي ١٩سنه
العمر كله وشكر لحضرتك ولو حضرتك عايزه حاجه قوليلي وانا مش هتأخر
جزاك الله خيرا
وجزاكي إياه سلام
سلام
ازيك يا انسه حور لو سمحتي عايز اكلمك في موضوع مهم
اتفضل
انا عايز اجي اطلب ايدك
بس حضرتك متعرفنيش
انا متابعك من زمان وعجبني اخلاقك واحترامك
حضرتك السوشيال ميديا مش مقياس تعرف الشخص
خلاص مهو لو حصل نصيب باذن الله هعرفك برضو
انا هقول لبابا واللي ربنا يجيبه خير
بابا حبيبي عامل اي النهارده
تعالي يا روح بابا انا كويس الحمدلله
بابا الصراحه انا
قولي يا بابا عايزه تقولي اي
بص يا بابا في واحد عايز يجي يتقدملي
طب هو يعرفك منين
هو كلمني من الفيس وقالي كذا.......
طب يا بنتي اديله رقمي ومتفتحيش معاه اي كلام مهما كان
حاضر يا بابا
الصراحه كان عندي شعور بين الفرح والندم هو كلم بابا فعلا واتفقوا علي معاد وفعلا جه في الوقت المحدد بالظبط
كنت متوتره بطريقه مؤذيه بس قدرت أظهر عكس كل ده طلعت الحمدلله وكان باين عليه الاحترام فعلا وكلامه كان كويس جدا مع أهلي ولما سابونا لوحدنا مكنتش عارفه انطق اي كلمه وصليت استخاره بس معرفتش انام بعدها فامش عارفه تنفع بقا ولا اي قومت حاسه اني عاديه يعني ولا فرحانه ولا زعلانه عاديه جدا بلغ الموافقه لبابا وانا عطيت الموافقه وجه المره دي مع أهله وقرينا الفاتحه بس اتفقت معاه أن هنمشي بظوابط الخطوبه حسيت أنه متردد بس قدام اصراري وافق وبعد كام شهر طلب من بابا
