منتدى كويتيات النسائي
Q8AT.NET
تجميع الروايه/أحلى عيون
----------------
يـالـيت كـل الـرجـال مثل مـطلـق..|| قصه غير طبيعيه
والله العظيم اول مره اقرأ قصه مؤثره زي كذا يا اني صحت صياااااح والله شي
مو صاحي هي الغبيه ضيعته من بين ايديها..تكفون لا تدعون علي وانتو تقرونهاا
بس والله تحزن لدرجة دقيت على الي ارسلت القصه لي الي هي(ايمي)ودعيت على
بليسها وصحت عليها من شدة الصدمه
ما اقول الا ليت كل الرجال مثل مطلق..
سويرهـ << <<<والله لين الحين اصيح
يالله أنك ترزقني واحد مثله
<<~ يـ قلبي يـ مطلق بس
من جد شئ يحزن !!
انصحكم بقرائتها
-----------
منتدى كويتيات النسائي
q8yat.net
-----------
أنا "أمل"أبيكم تسمعون قصتي ومعاناتي من البدايه للنهايه بشرط تقرونها كلها عشان تعيشون قصتي__وأبي البنات يستفيدون من قصتي كثير..قاعده أكتب لكم قصتي ومعي ولدي ياسر عمره سنتين وقاعده اطالع عيونه وابكي لانه يذكرني بعيون أبوه إللي ماراح انساه طول عمري..
عيشو القصه أول باول_
أنا"أمل"عمري 24سنه عندي أخو واحد وأختين وحده أكبرمني متزوجه"هدى"وثانيه بالمتوسطه أصغر مني
بداية حياتي كان عندي مشكله لاوالله كان بالنسبه لي كابوس خطير يطاردني اسمه"مطلق"
هذا المخلوق الذي ناشب لي في حياتي
مشكلتي ماظن لها حل مشكلتي مع ولد عمي"مطلق"
حاجزيني له من يوم حنا صغار أبوي الله يسامحه عطى عمي كلمه من يوم عمري خمس سنوات وقال:أمل ل"مطلق"__ اللهم لا أسألك رد القضاء ولكن اسألك الطف فيه
وطبعن"الحجز" وعاده عند بعض القبايل أن البنت يحجزونها لولد عمها لين تكبر وتتزوجه وطبعن أنا الضحيه
حيروني لها الغول"مطلق" لاياربي كل شي إلا"مطلق"
ياليتكم بس تعرفونه والله حفله..وجهه كنه افلام كرتون..سبحان من كون هالأنسان على بعضه والله من يشوفه الواحد يموت ضحك مدري كن مكتوب على وجهه نكته!أول ماتشوفه تطري عليك البوكيمونات!!كله على بعضه مسرحيه كومديه تبي تدور فيه شي حلوفيه ماتلقى مستحيل قلبتها يمين ويسار بس مافيه فايده مسكره بوجهي بكل الطرق ..يمكن القلم إللي يحطه بجيبه الأمامي حلو..صحيح يقولون(الرجال مخابر مو مناظر)بس أنا أقول(الرجال مخابر مو من اصحاب المقابر)اللهم لاشماته!
