اسكريبت
«رغٌم مَأسَاتِي اختَاركِ قَلبِي»
***********************
يونس:انا اسف جد يا انسه،والله ما كانش قصدي
ليله بهدوء:محصلش حاجه،بعد اذنك
يونس باستغراب من هدوئها،اي بنت كانت عملتله حوار دلوقتي،قال:اتفضلي
*************
ماما ليله(سلوي):ليله!جيتي امتا
ليله بأبتسامه:بقالي حبه كده،المهم عامله اكل ايه انا ميته من الجوع
سلوي بضحك:مكرونه بشاميل يا ليلو
ليله صقفت بفرحه:اللّٰه عليكي يا سوسو يا قمر
سلوي:كلي بعقلي حلاوة عشان اعملك الاكل بتحبيه ماشي يست ليله
ليله بضحك:انا داخله اغير يا مامتي عشان دقيقه كمان وهنتخانق
سلوي:ايوه اهو انتي كل يوم كده ترجعي من الشغل ،متحبيش تتكلمي مع امك كلمتين ع بعض،واناا الل قاعده طول النهار لوحدي بعملكم الاكل الل بتحبوه انتي واخوكي
يوسف:مين بيجيب في سيرتي؟
ليله بضحك:تعالي ياعم خد نصيبك من التهزيق زيي
يوسف بضحك:هو كل يوم من داا
سلومني:اتريقو عليا يا ولاد مصطفي ما انا بقيت ملطشه فالبيت داا
ابو ليله ويوسف(مصطفي):انا الظاهر كده والله واعلم سمعت اسمي
يوسف:لاء اتأكد ماما بتقول اسطوانة كل يوم
مصطفي:في ايه بس يا سلوتي عملولك ايه العيال دول
سلوي:انا محدش بيحبني فالبيت دا ولا بيسمع كلامي،مش عاوزين يقعدو معايا دقيقتين حتي كل يوم يرجعو من الشغل ياكلو ويدخلو كل واحد اوضه ويقفل ع نفسه لتاني يوم
مصطفي:معلش يحبيبتي انهارده قرار إداري هنتجمع كلنا نقعد سوا بعد الغدا عشان امكم متزعلش
يوسف بضحك:هو كل يوم من داا
ليله بضحك:مسيطرهه همشي بمسطره
مصطفي بضحك:عجبك كده يست ولادك بيتريقو عليا بسببك
سلوي بضحك:بس يواد منك ليها، كل واحد يروح يستحما ويغير عشان هنتغدا
يوسف وليله بضحك:عُلم وينَفذ يا فندم
*************************
يونس:الو
كمال:يا نعم
يونس:كلمني بطريقه احسن من كده بعد اذنك يعني
كمال:هو دا الموجود يا بارد
يونس:كل دا عشان الكامب؟
كمال:يبني هنروح ننبسط كلنا وهنبقا تيم مش انا وانت بس وكمان هنستفيد من تجارب الناس،وكمان نفيد ناس امال احنا موجودين ليه عشان نفيد الل حوالينا، مش فاهم وجهة؟
يونس:انا مبحبش جو اللمه وكدهه
كمال:ربنا يرحمهم يا يونس،خلاص بقا كمل حياتك،مش هتفضل باقي حياتك حزين عليهم
يونس:انا عمري ما هنساهم يا كمال،دول ابويا وامي،الل كانو ليا فالدنياا
كمال:انا تعبت منك
يونس:انا مكمل حياتي، ونجاحي وتقدمي فالشغل يدل علي ان انا مش واقف مكاني،يمكن اتكسرت بس قويت
كمال:هتيجي ولا لاء؟
يونس:هاجي يعم
كمال:اخيراا
يونس:متتأهرش بقاا نروح سوا
كمال:حاضر
يونس:يلاا سلام اشوفك بكره
كمال:سلام يعم
***********************
بعد الغدا
مصطفي:عامل ايه يا يوسف فالشغل
يوسف:تمام الحمدلله
مصطفي:مالك يا ليلو سرحانه في ايه؟
ليله:مش سرحانه انا معاكو
مصطفي:علي بابا؟
ليله:شويه ضغط فالشغل بس
يوسف:لو ناسيين يعني انا خطوبتي بعد اسبوعين
ليله:خلااص بقا انت هتصدعنا ما عرفنا،كل يوم نفس الكلامم
سلوي:سيبي الواد يفرح،دا ما صدق حب سنتين ديي
ليله:اهو جمبك افرحي بيه
مصطفي:محدش يزعل ليلو
سلوي:مبتعملش حاجه غير انك تدلعها اما نشوف اخرة الدلع
يوسف:والله العظيم يبت يا ليله هشوفك كده لما تقعي علي بوزك تحبيه هتبقي عامله ازاي وهتريق عليكي زي نا بتعملي
ليله:احب،معتقدش انا معنديش حاجه اسمها حب فحياتي،اسمها الشخص المناسب
سلوي:طول ما انتي مجربتيش هتفكري كده ولا هتقتنعي بالكلام الل بتسمعيه
مصطفي:الحب احساس مش كلام،يوم ما تحبي هتفهمي الكلام،طول ما انتي مش حاسه يبقا مش فاهمه
ليله:خلاص كلكو بقيتو فاهمين الحب إلا انا،ماشي يسيدي شكرا،قاطعها تليفونها بيرن
ليله:امهلوني دقيقه وراجعه
بيري:ايه يا بت وحشتيني اوي
ليله:انتي اكتر والله،عامله ايه فشغلك
بيري:تعبت والله يا ليله وكمان مع ضغط تجهيز شقتي حاسه اني خلاص همووت
ليله:بعد الشر عليكي،خير ان شاء الله
بيري:المهم في بكره كامب تبع الكورس الل كنا بنروحه دا
ليله:كورس ايه
بيري:بتاع الدعم دا يبنتي
ليله:اه،والمفروض ايه هيحصل يعني وفين المكان وكده
بيري:مكان فالصحرا بقا وحاجه اخر هدوء زي الكامب كده،حاجه كده فوق الخيال هتضيعلك كل التعب وتحسسك براحه نفسيه،وكمان في ناس هتشارك تجاربها والل اتعلموه،وناس هتكلم بعض ونتناقش في مواضيع وهزار وضحك يومين كده فصلاان يعني هبعتلك التفاصيل واللوكشين عالواتس
ليله:طب،تمام،هشوف كده واقولك ينفع اجي ولاا ايه
بيري:تعالي ونبي يا ليله هتبقا فسحه حلوه وهنستفاد فنفس الوقت وهيدونا طاقه وبتاع
ليله:حاضر، هقول لماما وبابا
بيري:ماشي،باي
ليله رجعت تاني
يوسف:كنتي بتكلمي مين؟!
ليله:دي بيري،بتقولي في كامب طالع بكره تبع كورس الدعم الل كنت بروحه مع ناس كتير ودكتور نفسي وكده
مصطفي:طب حلو اوي دا يا ليلو روحي
سلوي:لو حابه تغيري جو روحي يا ليلو،متضغطيش علي نفسك فالشغل
ليله:اه،هروح،محتاجه حد يديني طاقه فعلاا
يوسف:هتروحي لوحدك!
ليله:مع بيري ومحمود خطيبها
يوسف:ماشي
ليله:تصبحو ع خير
الكل:وانتي من اهل الخير
************************★
اليوم التالي
يونس قام فطر ولبس بنطلون اسود وتيشرت اسود وشميز كاروهات وحط برفان بتاعه ولبس الساعه وسرح شعره ولبس الكوتش ونزل ركب العربيه،وراح خد كمال وراحو مكان الكامب
×××××××××××××××××××××
ليله لبست بنطلون چينز وسويتشرت اسود و طرحه مشجره وحطيت ميكاب بسيط لأن اصلاا ملامحها جميلة،ورشت برفان وظبطت الطرحه خدت شنطه ولبست الكوتش ونزلت قابلت محمود وبيري وراحو مكان الكامب
_______________________________
"في الكامب"
راحو ونصبو الخيم وفرشو الحاجات الل هيقدو عليها وسط ضحك وهزار وقعدو يتعرفو ويتكلمو
يونس:تمام انا هبدأ،انا يونس محمد،عندي30سنه، ومن الناس الل نظمت للكامب دا وحابب اتعرف عليكو ونتكلم وكده
_الكل قال اسمه وبيتعرفو وجه الدور علي بيري_
بيري:انا بيري عبدالله،عندي25سنه و دا خطيبي
يونس:اهلاا بيكي
محمود:انا محمود عبد السلام،27سنه وخاطب الانسه الجامده ديي
كمال بضحك:اتشرفنا بيكم
ليله:احم،انا ليلة مصطفي،عندي27سنه،امم وبس
يونس بصلها افتكر انه خبط فيها قبل كده
يونس:هو انتي؟
ليله افتكرته،ضحكت وقالت:شوفت خلي بالك المره الجايه بقا وانتي بتجري عشان انا مش مسؤله انك متأخر
يونس ضحك:انا اسف جدا بجد بس والله كنت متأخر فعلاا وخبط فيكي بالغلط
ليله بأبتسامه:ولا يهمك يا دوك احنا طلعنا اصحاب اهو
بيري بضحك:والله تنفع مشهد فمسلسل
محمود بضحك:وتضربيه بالقلم بقا يا ليله ويبقا بنكو عداوة وتحبو بعض عارف انا المسلسلات دي
ليله ويونس بصلهم بصدمه وضحكو
ليله:بتعرفي تسكتي وتسكتي خطيبك يت بيري ولا اجي اسكتكم اناا
بيري:اسكت يمحمود هتقوم تاكلنا
يونس:لاء والله شكلها طيبه
بيري:ليله؟
ليله بصتلها وخدودها احمرت:اتلمي يا بيري
يونس ضحك عليها،قال:متتكسفيش اوي كده خلاص عرفت انك سوسه
ليله بضحك:والله ظلم يا دوك
كمال:ملناش مالحب جانب ولاا ايه قاعدين لوحدكو وبتتضحكو علي ايه
يونس: ولا حاجه بندردش، كل حاجه تمام؟
كمال:اه متقلقش،كل حبه قاعد معاهم حد متخصص وبيتكلمو
يونس:تمام
ليله:دقيقه نفهم بس،هو انتوا مش بتجوعو،انتوا جايبنا تعذبونا هنا ولا ايه،فين الفطار يخلق،مصحينا من الفجر وكمان مش هتأكلونا؟
بيري بضحك:مش قولتلك
يونس بضحك:لاء طبعا في اكل انتي هتبلعينا ولا ايه
ليله بضحك:لاء والله بس جعانه انا دلوقتِ
كمال:الفطار الساعه8،كل حاجه بنظام يا آنسه
بيري:هو الساعه كامم؟
محمود:7
ليله:انا كان مالي ومال الكامبات يارب انا ما كان زماني نايمه دلوقتي،واصحا براحتشي واكل،ليه يا دوك كمال بتعذبونا قولي
كمال ضحك:والله مش ذنبي،عشان الفطار لسه بيجهز بينزلو بقا وكدهه
ليله:عارفه يا بيري لو شوفت اسمك ع تليفوني بتقوليلي نروح كامب تاني هعمل فيكي اي
بيري بضحك:أني اسف
ليله:انا قايمه بعد اذنكم
يونس بتسرع:رايحه فين؟
ليله باستغراب:هتمشي شويه كده عقبال ما الاكل يجي،عشان زهقت
يونس بتردد:ممكن اجي معاكي لو مش هتدايقي؟
كمال استغرب لأن يونس مبيحبش الاختلاط اوي بالناس
ليله:اكيد طبعا مش هتدايق،اتفضل،وقامو يتمشو
قطع الصمت، يونس:انا مقتنع دايما ان ورا السكوت والهدوء تفكير عميق،وحرب جوه البني ادم
ليله:صح،بتبقا محتار فحياتك وبتفكر،هعمل ايه بكره
يونس:في ناس بتفكر هي اصلاا هتعيش بكره ولا لاء
ليله:دول معندهمش طموحات واحلام،معندهمش حاجه غاليه عليهم يفكرو فيها،كل حاجه ملهاش قيمه عندهم
يونس:تفتكري ايه الل ممكن يوصل الانسان للمرحلة دي من التوحد
ليله:حاجات كتير اوي
يونس:زي ايه مثلاا!
ليله:الخذلان او الفقدان او امم الخداع
يونس:اشمعنا اختارتي دول؟
ليله:الل جم فدماغي
يونس:يعني بتفكري فيهم
ليله:حاجه زي كده
يونس:اتخذلتي؟
ليله:امم
يونس:انا متطفل اوي صح؟
ليله:لاء عادي
يونس:لو مفهاش رخامه،ممكن اسأل ازاي؟
ليله:من صاحبة عمري
يونس:اعتقد كده انك حساسه بزياده يا ليله
ليله:اها،وعصبيه،و دا خسرني كتير اوي
يونس:امم
ليله:كانت اجدع حد في نظري،بس خذلتني،انا الل غلطانه الكل كان بيقولي متقربيش منها مش بتحبك بتغير منك بتفسدك،بس لاء كنت غبيه اووي وقطعت علاقتي بيهم وحبيتها بغباء كانت اقرب حد لياا،كنت وحيده ودخلت هي حياتي فجأة فطبيعي كنت بحبها،سوئت سمعتي فالجامعه كانت بتقول كلام مقرف عليا،وكانت هتدخلني فسكة مش كويسه،مخدرات ،ضحكت بوجع،متخيل صاحب عمرك يعمل فيك كل دا،لمجرد انه شايفك احسن منه فنظر الكل،وهو عاوز يثبت العكس،عاوز يثبت لنفسه وليك وللناس انه احسن منك وانك اسوء شخص فالدنيا،مش قادره اقولك علي كمية الخذلان الل مريت بيها وقتها،مكنتش عارفه اكمل حياتي،مش عشانها لاء والله دي اكتر واحده مزعلش عشانها يوم،عشاني انا عشان بالغت فحبها،كانت كل حياتي بعد ما كنت لوحدي ومليش صحاب،اول صاحب ليك دا بيتديه كل حبك،فساعتها كسرتني جامدد،بس الحمدلله لحقت نفسي،ربنا ناجدني منها،ومن شرها ومن كل الل مريت بيه،الغريب اني لحد دلوقتي معرفتش اكرها،انا مش بكرها ومش بحبها،انا...ربنا عوضني،كنت عارفه انه اختبتر من ربنا عشان يعرف انا بؤمن بيه وبحبه ولا لاء،وحقيقي قربت من ربنا بعدها كتير الحمدلله،وقولت خير،اكيد متعافتش بعدها بسرعه ولا رجعت اثق فالناس بسهوله،لاء طبعا خدت وقت وكتير ،3سنين مش قليل،لحد ما زهي فحياتي عوضي
يونس:مين؟
ليله:خطيبي
يونس:انتي مخطوبه
ليله:كان بيحبني وكنت بعشقه،كنت عايشه اسعد لحظات حياتي،كنت معتبراه هو حياتي،كان احسن واحد فالدنيا و
كمال بمقاطعه:الفطار وصل يجماعه يلاا
ليله:يلاا عشان ناكل
اكلو وراحت قعدت مع بيري،ويونس انشغل مع باقي الناس فالكامب،وهو جوه عمال يفكر هل هي فعلاا مخطوبه كب هو فين،طب ازاي في بني ادمه ببشاعة صاحبتها،ودماغه فيها الف سؤال وسؤال،خلص كلام مع ناس كتير وتنظيم لكل حاجه وراح يدور عليها،وقت الغروب،صاحبتها كانت مع خطيبها بيتكلمو لوحدهم،وكل تلاته اربعه من التيم قاعدين سوا الل بيتكلم والل بيضحك،بس هي فين يبدور عليهم بعينه لحد ما شافها،قاعده لوحدها علي جنب وبتابع الغروب بصمت وسرحانه،راح قعد جنبها بهدوء
يونس:احم،اتغديتي؟
ليله بصتله بهدوء:اه الحمدلله
يونس:الاكل حلو
ليله:اه
يونس:بتحبي الغروب؟
ليله:بحب الطبيعه عموماً
سكتو شويه
قطعت ليَله الصمت:عارف! انا مقتنعه دايما ان كل حاجه ليها سبب
يونس:فعلاً
ليله:يعني مثلاا انا لو مكنتش اتخانت من مروة مكنتش هعرف كريم،وكمان لو مكنتش عرفت كريم مكنتش هشوفك هنا انهارده،مكنتش هتعرف عليك ولا هتكلم معاك ولا هتعلم الل اتعلمته، فعلاً انا بحمد ربنا اني مريت بكل الل مريت بيه واتعلمت منه
يونس:من الاخر كده،الواحد بيتمنىٰ حاجات كتير؛
لكن مَا بياخدش غير نصيبهُ
ليله:بالظبط
يونس:هو انتي جيتي ليه وانتي عارفه انك هتقعدي لوحدك
ليله:اجابة السؤال دا عندك،لأنك زيي
يونس:انا متعود ابقا لوحدي،فمش هتفرق هنا من البيت
ليله:ازاي بقا،امال فين عيلتك؟
كمال:يونس يلاا التيم كله هيقعد سوا،عشان نحكي
يونس:يلاا
ليله:يلاا
يونس:ها مين هيطوع ويحكي اول واحد
مريم بتردد:انا
كمال:اتفضلي
مريم:انا بنت عاديه مفيش اي حاجه مختلفه،عيلتي وضعها المادي كويس جدا،عايشه مرتاحه لكن مفيش مسؤليه عمر ما حد حسسني اني كبيرع دايما معقدني وشايفني عيله حتي لما بحاول اتكلم او اقول رائي مش بيسموعني مش مهتمين اصلاا يسمعوني يمكن دي مش مشكله اوي بالنسبه للبعض ولكنها عملتلي مشاكل نفسيه كيرة اوي بقيت كل يوم بعيط محدش حاسس بيا مش شايفني اصلاا انا شفافه حتي وسط صحابي كانو بيتريقو عليا وشايفين ان شخصيتي ضعيفه ،مره فمره كنت بتخانق معاهم قطعت علاقتي بيهم كمان مبقاش عندي اي حد خالص،لا صحاب ولا عيلة ولا حبيب،واجهت مشاكل نفسيه كتير واتشخصت اكتئاب عند كل الدكاترة النفسيه بس عيلتي كانو شايفين اني بتدلع دلع بنات بقت حتي في دي كانو بيتريقو عليا،لدرجه اني كنت بهرب من المحاضرات عشان اروح جلسة العلاج ،كنت مدمره لولا العلاج كنت مت حرفياا كان بيجيلي نوبات انهيار لكن محدش كان حاسسس بيا ولا حد بياخد باله طالما باخد فلوس وبروح محاضرات وباكل يبقا انا تمام،كنت بنهار لوحدي في اوضتي ،ومحدش حاسس بيا،بس حاولت اتأقلم علي حياتي واتخرجت من الجامعه واشتغلت وبقيت ناجحه وبنمي نفسي وبقيت عندي اصحاب ولسه بتعالج من الاكتئاب بس اقدر لقولكم اني عديت مراحل كتير اوي فيه واتغلبت عليه تقريبا رغم ان ساعة بتعب تاني وبفتكر كل الل حصلي ونفسيتي بتسوء لكن بغير النشاط لتاعي ساعتها بنزل چيم او اتمرن اي حاجه في النادي بخرج مع صحابي مهو الشغل كفيل يخليكي تعرفي ناس كتير اوي،وكمان بقيت نسياهم لأن اول خطوات نجاحي كانت اتي انقل من بيتي كان صعب جداا خصوصا مع بابا لكن قدرت اخليه يوافق ماما غير مهتمه فوافقت بسهوله وروحت عيشت في بيت لوحدي ع قدي واعتمدت علي نفسي وكمان اثبت لنفسي ولعيلتي اني فعلاً كبيره وقويه وناجحة ومش بس كده لاء كمان ربنا عوضني واتجوزت حبيته جدا وبقيت مخلصة ليه ودلوقت هو كل حياتي اوعو تفتكرو انكم هتفضلو عند نقطه معينه فحياتكم مش هتعدوها لاء طبعا اكيد انتوا هتعدوها وهتنجحو فحياتكم بالايمان والصبر والاجتهاد،لازم تجتهدي وتشتغلي علي نفسك عشان تبقي شخصيه قوية وناجحه،ولازم تصبري وتبقي واثقه قبل كل حاجه تن ربنا هيعوضك عوض كبير اوي،وانه لو عدبتي بفتره مش كويسه ف دا اختبار من ربنا بيختبر صبرك ومدي حبك وايمانك وبس كده
يونس:بجد انتي شخصية جميلة اوي رغم الل حصلك لازم دايما تؤمني انه خير ليكي وشكرا انك شاركتينا واستفدنا منك بحاجه كويسه
كمال:مين هيحكي تاني؟
ليله بترد:اا..انا
يونس بصلها بأهتمام:اتفضلي
ليله:انا صاحبة عمري خانتني خذلتني ودمرتني،انا كنت غلطانه لما دخلتها حياتي بس بأختصار كانت عاوزه تبيني وحشه فكل حاجه حاولت تخليني فاشله وكنت هسقك بسببها وكمان كانت بتسوء سمعتي فالجامعه وبتقول اني مش كويسه وبتاعت شباب والكلام دا كله،ولما حد كان بيقولي علي الل بتعمله مكنتش بصدقه لأني ببساطه شديده كنت بحبها كانت اول صديقه ليا،بعد ما كنت وحيده فمكنتش بصدق عليها حاجه خالص،لحد ما فيوم
ودتني مكان وكانت عاوزه تشربني مخدر*ات وانا طبعا موافقتش وحاولت بعدها كذا مره وقالت لماما اني بشرب الحاجات دي وبحاول اخليها تشرب معايا وهي بترفض،وكلام كتير كده المهم اني قطعت علاقتي بيها ودخلت فحاله وحشه اوي ربنا ما يكتبها علي حد،مكنتش زعلانه عليها كنت زعلانه علي نفسي ومكنتش عارفه استوعب ازاي دي صاحبة عمري،فالوقت دا انا كنت فاقده الثقه فكل الناس،ظهر فحياتي كريم كنت بشوفه صدف وكان زميلي وبدأنا نقرب من بعض وحبيته اوي ولما روحت اقوله اعترفلي انه بيحبني واتخطبنا سنه بالظبط كنت فرحانه اوي وكان حبي بيزيد ليه كل يوم لحد ما فيوم اختفي،واهله فسخو الخطوبه مع بابا وقالو انه محصلش نصيب،انهارت وكنت فاكره انه عمل زي صحبتي وكان بيضحك عليا،قعدت احاول اوصله كتير بكل الطرق بس مفيش فايده،فيوم جالي البيت وحكالي علي سبب بعده،لسه فاكره كلامه بالنص،ليله انا بحبك وعاوزك تتأكدي من دا ميه فالميه لكن انا مقدرش اكمل معاكي لأن ببساطه انا انسان ميت الدكاتره قالولي اسبوعين بالكتير وابقا تحت التراب،انا فكرت كتير قبل ما اجيلك،بس انا كنت عاوز اقولك ادعيلي متدعيش عليا انا مش زي صاحبتك انا حبيتك بجد يا ليله وانتي تستاهلي كل خير،اتمنا تلاقي حد كويس تكملي معاه حياتك،استودعك الله،انا مكنتش فاهمه حاجه،اتصدمت حرفياً من كلامه،مش عارفه ازاي دا حص هو يقصد ايه يعني بجد هو هيموت مش هيبقا معايا هو مباعنيش ةمخذلنيش ولا باعني،دا لسه بيحبني،بس هو مي*ت ومقدرش يظلمني معاه،اتضح بعدها انه كان عنده كانسر مرض خبيث سرق حبيبي مني،جالي خبر موته بعدها بحوالي اسبوع،صاحبتي وخطيبي كانو ورا بعض كنت مصدومه من الل بيحصلي،طب ليه انا بس الل كل شويه مصيبه تجيلي،لكن بعدها قولت الحمدلله،قعدت 3سنين اتعافي،من الصدمتين دول والحمدلله بقيت زي ما انتوا شايفين كده عاقله ناضجه فاهمه الدنيا ماشية ازاي،نش بثق فأي حد بسرعه،وكمان عايشه حياتي وسعيده،منكرش انهم لسه سايبين ذكري او تقدر تقول آثر جوايا،لكن كل ما بسمع الجمله دي«قُل لَن يُصِيبٓنا إلاِ مَا كتب الّٰله لنَا»
بحمد ربنا علي كل حاجه حصلتلي وبقول الحمدلله انا اتعلمت من محنتي اني اكمل رغم كل الل حصلي وبيحصلي وهيحصلي،وبس كده،اتمنا اكون فيدتكم
يونس انصدم من كلامها،كل دا حصلها،يعني الشخصيه الهاديه الل قدامه دي حصلها كل دا ومكملة وبتضحك وقادره تعيش،حقيقي اتمنا انها تعيش ايام كويسه تعوضها عن الل فات
يونس:اتمنا حياتك الجايه تبقا اسعد وتقابلي ناس احسن وربنا يعوضك
ليله:اللّٰهم آمين.
والكل حكي قصته وازاي اتعافي من الل حصله
يونس:فرحان اني شايفكم ناجحين رغم كل الل مرتو بيه،ربنا يوفقكم و معاكم يشبابا
ساره:طب وحضرتك ملكش قصه زي كده يا دكتور
يونس:اناا..عندي....انا والدي و والدتي اتوفو يوم نتيجه ثانويه عامه بتاعتي،ويومها اتفجعت كنت راجع البيت بجري وفرحان هموت واقولهم اني نجحت وحققت حلمي وحلمهم اني ادخلي كلية الطب،كل دا تلاشي تلقائيا وانا طالع بيتنا ولقيت عمي الل فتحلي وقالي امك وابوك ماتو بمنتهي السهولة مترددش لحظه انه يقولهالي فوشي كده علطول،ادمرت ومكنتش عارف هعمل ايه انا مليش غيرهم،نزلت اشتغلت واتمرمط عشان احقق حلمهم وادخل كلية الطب وفعلاا مكنتش بنام يعتبر اروح الجامعه وبعدين الشغل اروح اذاكر مفيش وقت لحد ما اخيراً بقيت دكتور نفسي،اختارت التخصص دا عشان حسيت ان اكتر تعب بيسبب أذي للأنسان بتبقت من نفسيته والحمدلله حققت الحلم وبقيت دكتور يونس محمد وبشتغل وحققت نجاح فشغلي واتشهرت وبحمد ربنا علي كل حاجه وبدعيلهم ربنا يرحمهم ويغفرلها ويسكنهم الفردوس الأعلي
الكل:ربنا يرحمهم ويغفرلهم
الكل اتفرق وعدو اليومين وخلص الكامب ويونس وليله متقابلوش تاني
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
بعد مرور خمس شهور
ليله:السلام عليكم،ماما،يا بابا انتوا فينن يخلق؟
مصطفي:تعالي يا حبيبتي احنا فالصالون.
ليله:قتعدبن هنا لي....يونس؟
يونس:الناس تقول اهلاا،شرفتنا،وحشتني،عامل ايه،كوباية مايه،اي حاجه كده مش يونس
ليله ضحكت:سوري،بس استغربت انت جيت هنا ازاي
يونس:يعني بيقولو جاي اطلب ايدك
ليله بصدمه:ايهههههه!
يونس:ايه يبنتي هو انا بقولي اني هقتلك؟
ليله:لاء،بس....اصل،يعني ازاي انا وانت وايدي انا مش فاهمه حاجه
يونس بهدوء:اهدي بس كده،كل الحكايه يستي اني من يوم ما شوفتك وانا مش عارف ابطل تفكير فيكي حاولت كتير لكن معرفتش،وقولت بس،هي دي الل هكمل حياتي معاها،انا بحبك يا ليلة
ليله:بجد،انت بتحبني؟
يونس:انا بعشقك مش بس بحبك،كنت بمشي وراكي وانتي مروحه من الشغل وكنت متابعك عالسوشيال ميديا فكل حته كنت معاكي،وكنت بفكر فيكي ومش عارف ابطل اراقبك او افكر فيكي،وقررت اني ادخل البيت من بابه يعني
ليله:انا كمان دايما بفكر فيك،وبشوف صورك دايما وبحس انك بتوحشني كده،انا معجبه بيك يا يونس وتقريبا كده والله واعلم حبيتك يولاا
يونس:في دوكتور محترم يتقاله يولاا
ليله:عندك مانع؟
يونس:لاء طبعا يباشا
سلوي بضحك:مسيطرهه،همشي بمسطره
ليله بضحك:بتردهالي يماما؟
سلوي بضحك:ايوهه يبتت
مصطفي:علي بركة الله،العريس والعروسة موافقين
يوسف:انا بقول بالكتير اوي الفرح الخميس الجاي
يونس:متخلوه دلوقتِ ونبي،انا بقالي خمس شهور مستني
ليله بصدمه:بكره ايه وخميس ايهه،اقل حاجه سنه
مصطفي:طب وعشان خاطري
ليله بتردد:6شهور
يوسف:عشاني انا
ليله بتردد:3شهور
سلوي:واناا؟
ليله:شهرين
يونس:طي وعشاني اناا بقاا؟
ليله بضحك:الخميس الجاي
يونس:ايوه بقا يا ليلو
ليله بضحك:يونسس.
يونس بغمزة:قلبه من جوه
﴿يُؤتِكُم خَيراً مِما أُخِذَ مِنكُم﴾.
________________________________
