الغريق

لقاء الموت

و العمر يا ولدي سنين و الهوى يوم وحيد . . .
🌸🤎

************************************

انتبه من تصعد....

شنتبه مدكولي مدتشوف صايره لحم؟!!!
ادري 13 واحد بهذا البلم (القارب الصغير) لخاطر الله

اسكت يمعود ليسمعوك..

خل يسمعون مدكولي قابل منطيهم نوى ( نواة التمر) ترى منطيهم ورق $$ علمود نعبر بأمان.. مجان هيج الاتفاق لخاطر الله...

اسكت عصام كافي فدوة كول يا الله ان شاء الله ربك يسهلها..

وربك ما مرتاح واحسهم ضحكوا علينه وكول عصام مكال...

شوف عصام دتشوف الاضويه البعيده ه.. هناك حلمنه هناك نستحق نعيش مو بالعراق بالضيم وبالقهر والانفجارات.. احنه عشنه الويل عمر.. هسه بقت على هالكم ساعه منتحمل؟!!!!

اوووف الله يصبرني عليك وعلى سوالفك يا علي خلي نعبر وبعدين اطلعهن منك..

يابه بس نعبر وعود رگبتي افصمها عن جسمي بس خلي نعبر وكولشي يهون..

بدوا المهربين يصيحون حتى نصعد سفينة صيد تعبانه بس شويه بيها كبر ومخلين على متنها قارب صغير الي راح يخلونه عليه بعدين ويذبونه بالبحر لحد منقترب من الشواطئ لازم ننزل قبل الشاطئ ونكمل سباحه
صباح الورد😍

يا هله بهالصباح 🌼♥️💐

شلون الحلوة؟؟

اخبل احلى منكم😎😁

هههههههه شنو هالثقة..

انت شعليك ليش تغار مني 😋

اغار من وحده زرگه على شنو 😂

الزرگه احلى منك وحظها كاعد مسامع حظ الزرگات بالعلالي 😌
ايباخ وينه حظج بله بشنو احسن مني انتي؟

هاي شبيكم من الصبح بس تتناكرون هسه يسمعونه الجيران ويبلغون علينه..

اسفه ماما.. صباح الخير ياغاليه (تقدمت وبستها من راسها وكعدت بمكاني حتى اتريك)

يمه مظل وكت على الباص راح يجي استعجلو بسرعه..

صدك ماما اليوم راح نطلع بسفرة اني وكروبي بالكليه تقريبا لليل يله نرجع..

وين السفرة؟؟

للبحر نتونس شويه ونغير جو

خما يسوون شغلات مو زينه؟؟

لا يمه اغلبهم عرب لتخافين

تمام انتبهي لنفسج زين وطمنيني بالتلفون من توصلين..

تمام غاليتي💋

ما عرفتكم على نفسي اني اسمي نور عمري 21 سنة مغتربة اني وعائلتي بتركيا صارلنه 4 سنوات بس اني واخويه وامي هاجرنه والدي مطلق امي من عمري 10 سنوات ومو بحالنه ولا يعرف حتى اخبارنه.. امي من طلعت تقاعد قررت تهاجر بينه ونستقر بتركيا لان الوضع بالعراق لا يطاق.. المهم اشترينه بيت صغير على كد فلوسنه بمدينة ازمير هي مدينه ريفيه وحضاريه بنفس الوقت والحلو بيها مطله على شاطئ بحر ايجه يعني مركز جذب للسياح خيالي 💕🤗 ما احجيلكم مو ضربنه عصفورين بحجارة وانما 10 عصافير..
المهم امي ما اقتنعت ان نبقى على التقاعد كالت لازم نشتغل ففتحنه مطعم للاكلات العراقية نديرة ويه امي ويوميه يجونه هوايه زبائن بين عرب وعراقيين بس الاكثر عراقيين لان المدينه متروسه مهاجرين اصلا متحس نفسك مهاجر واذا سمعت واحد يحجي تركي استغرب من كد العراقيين الي هناك 😂 الله يحفظنه شعب لطيف واله نكهه خاصة حتى بلهجته❤️😋