سكريبت كامل👀 رأيكوا يهمني🙏❤️
((ياقوت))💙
_ صباح الخير يا بابا
_ صباح النور يا عيون بابا.. صاحية بدري يعني انهاردة
_ منا قلت اخد اليوم من أوله بقى عشان انزل ادور ع الشغل براحتي.. ادعيلي
_ ربنا يرزقك يا بنتي.. بس هتفطري معايا قبل ماتنزلي مش كل يوم تنزلي منغير اكل كدة
_ ماليش نفس والله يا بابا.. انا هحضرلك الفطار ولما ارجع نتغدي سوا
_ مافيش الكلام دا.. انتي مش اول ولا اخر واحدة تبقى قاعدة منغير شغل كفاية ضغط على أعصابك بقى وصحتك بقت ف النازل حرام عليكي نفسك وبعدين انا من الاول مش موافق على حكاية الشغل دي اهو يعني انا مقصرتش ومعاشي اهو عايشين بيه على قدنا
_ مصاريف جامعتي زادت يا بابا المعاش يادوب مكفينا مش هيستحمل مصاريف الجامعة ومتطلباتها
_ خلاص يا بنتي هنزل اشوف انا شغل ف ورشة عمك حسين وهو كان قايلي اصلا عليها من اسبوع واديني بسلي وقتي بدل قاعدة البيت والجرنال اللي هيضيع نظري دا.. وانتي ركزي ف دراستك احنا عايزين امتياز زي السنتين اللي فاتو
_ لأ يا بابا ايه اللي بتقوله دا!! شغل ايه اللي هخليك تنزله مش هنزل تتبهدل ف شغل تاني بعد العمر دا كله وانا روحت فين يعني وبعدين متقلقش عليا انا هعرف اظبط بين دراستي وشغلي ومش هقل عن الامتياز بإذن الله.. بس انت ادعيلي بس
_ بدعيلك والله يا بنتي بس مش هيهون عليا ازود على الضغط والحمل تشيليه لوحدك
_ ماتخافش عليا يا بابا بنتك مش ضعيفة وتقدر تشيل حمل جبال دا انا تربيتك... هروح احضر الفطار وهفطر معاك يا سيدي عشان متزعلش
_ ربنا يسعدك يا بنتي ويسترها معاكي دنيا واخرة
*بعد ربع ساعة*
_ يلا يا بابا الفطار جاهز
_توتا.. تعالي بسرعة!
_ ايه يا بابا فيه ايه؟!
_ بصي كدة الخبر دا.. طالبين سكرتيرة ف شركة المعمار المشهورة اللي بتيجي ف التليفزيون دي
_ يا بابا اديك قلت المشهورة.. وشركة زي دي مش هتشغل اي حد كدة وخلاص دا لازم مؤهلات وكورسات ومهارات وليلة كبيرة أوي سعادتك وشروطهم مش هتبقى سهلة ويا عالم بعد كل دا اتقبل ولا لا كمان بعد مقابلة ال اتش آر
_ لأ خالص دول كاتبين لا يشترط المؤهلات!!
_ نعم! دا ازاي دا شركة زي دي مش هتبقى طالبة مؤهل دراسي حتى!!
_ اهو والله خدي اقري الشرط الوحيد اللي حاطينه انها تكون غير متزوجة ولم يسبق لها زواج
أنت تقرأ
ياقوت 💙
Horrorلكل منا نصيب من اسمه يلقاه، ولكن حينما يكون النصيب هو قربان ثمنه حياته فحينها يجب أن يتوقف المنطق ولتبدأ بإشعال النيران حول نجمة سداسية وتكسر تلك القلادة التي تعوق رؤيتك حتى تصل إلى النهاية المحتمة😈
