Unicode
"ဘာလမ်းခွဲမယ်....ဟုတ်လားမောင်"
ဒုတိယအကြိမ်အထိ ချရား ရေရွတ်မိလိုက်သည် ။ အံ့သြလွန်းလို့လည်း ဖြစ်ကောင်းဖြစ်နိုင်ပါလိမ့်မည်။အချင်းချင်း စိတ်ဆိုးလို့ မခေါ်တော့ဘူး လို့ပြောမိရင်တောင် ချက်ချင်းထသတ်တော့မည်မောင်က အခုတော့ လမ်းခွဲမတဲ့..... မောင်ဟုတ်မှဟုတ်လေသလားရယ်.... မောင်နှင့်ချရားတို့မှာ အခုတွေ့အခုကြိုက်သည့် စုံတွဲမျိုးမဟုတ်လေတာကြောင့် နှစ်ကိုယ်ကြား ပတ်သတ်မှုက နက်ရှိုင်းသည်ထက်ပင် ကိုးဆယ်ဆသာလှပေ၏။
"မောင်....ချရားမေးနေတယ်လေ မောင်ပြောတာတွေ အဟုတ်လားလို့"
"ဟင်း..."
မောင်က သက်ပြင်းရှည်ကြီးကိုသာ အမောတကြီးချသည်။ သို့သော် ချရားဘက်ဆီကိုတော့ တစ်စက်ကလေးမှတောင် လှည့်ကြည့်မလာခဲ့ပါ။ သဘောကတော့ ဆိတ်ဆိတ်နေခြင်းသည် ဝန်ခံခြင်းဖြစ်၏။ ချရား မောင့်အား အံ့အားသင့်စွာကြည့်မိလိုက်သည်။ အနှစ်နှစ်အလလ ကြာမြင့်ခဲ့ပြီဖြစ်သည့်ဒီသံယောဇဥ်မှမထောက် မောင်.....လုပ်ရပ်လိုက်လေခြင်းပင်...ချရားကို မသနားရင်နေပါစေ ....ဒီသံယောဇဥ်တွေ ကိုတော့ မောင်ထောက်ထားဖို့ကောင်းလှပါ၏။ ဒီလိုပုံစံမျိုး နှင့်....ဖြစ်ကတတ်ဆန်း ဖြတ်တောက်ဖို့အထိတော့ မောင်မလုပ်သင့်လှပါ။ချရားတို့ချစ်ခဲ့ကြတာ....အခုလို လမ်းခွဲဖို့မှမဟုတ်တာ....
"မောင်တို့လမ်းခွဲကြရအောင်....ချရား"
မောင့်ရင်ထဲမှီလက်စ ချရားခေါင်းကလေး ဆတ်ကနဲဖြစ်သွားလေသည်။
သို့တိုင်အောင် မောင့်လက်တွေကိုတော့ ချရား စုပ်ကိုင်ထားဆဲ....
မောင်တစ်ယောက်ဟာဖြင့်လေ နာပါတယ်ဆိုလေမှ အဲ့ဒီစကားကိုသာ ခဏခဏထပ်ပြောလေတော့သည်။
"မောင်....မောင်နောက်နေတာမလားဟင်....ချရားကိုမောင်နောက်နေတာမလား လို့"
အရူးတစ်ယောက်လိုသာ မောင့်အား ချရားမေးနေမိလေသည်။ တကယ်လည်း မောင့်ကြောင့်နဲ့ ချရားရူးနေမိပါပြီ...
"မောင်တကယ်ပြောနေတာ...ချရား"
ကြားနေရသည့်နားတွေပင် အမှားမှားအယွင်းယွင်း ဖြစ်ကုန်ပါ၏ ၊ သိပ်ချစ်တတ်တယ်ဆိုတဲ့ မောင်က ခုများကျမှ လမ်းခွဲမတဲ့....
YOU ARE READING
လွမ်းရဲမှ လမ်းခွဲပါ....မောင်
General Fictionဒီတစ်ခါကတော့ dramaဆန်ဆန်လေးပဲရေးမှာပါ seကြိုက်တဲ့ အသဲတစ်ခြမ်းတို့အတွက် သီးသန့်ဖန်တီးပေးထားပါ seဆိုလို့ လန့်မသွားကြပါနဲ့အုံး ထုံးစံအတိုင်း အခွီအနောက်တွေက တောက်လျောက်ပါမှာပါဗျ
