جويريتي

يا إلهي من نظرتك لي...
وانت تنظر لي بهاتين العينين اذوب ياهذا اشعر بي، الأمان داخل تلك العينين اللتي تتفحصني اجل لا اعطيك اهتمام فأنا ثقيله يا هذا ولكن يكفيني نظره لك دون انتباهك ويالها من نظره تدوم لساعات يا حبيب القلب...
.......................................
البارت الاول
في صباح يوم الجمعة استيقظت بطلتنا جوري على صوت شجار بين صديقاتها في السكن كاالعاده فتحت جويريه عيونها وقالت: اقسم بربي لو سمعت نفس كمان ثانيه لكون قايمه وانتو عارفيني بجرح وداوي كويس
(شهد سليمان زميلة جويريه من الابتدائيه ولكن تفرقو في الكليه فشهد دخلت هندسة وكنزي هاني صديقتهم كنزي دكتوره أسنان وهما و جويريه كانو اصدقاء في الميتم)
شهد بهمس : يلا يا كنزي خدي بنطلونك اهو روحي المستشفى وانا هنزل على الموقع بكل هدوء اخر مره اتجبست وانا مش قادره والله
كنزي بنفس الهمس : طيب طيب خدي بلوزتك يلا سلام اجري
فتحت جويريه عيونها وقالت بزعل مصطنع : سمعاكو على فكره وبعدين يا انسه شهد مش بجد ما جبست ايدك جبتلك علبة نوتيلا ولا اي
نظرت لها كنزي وشهد لهفه وقالت كنزي : اكيد مش قصدنا يعني دا انتي حبيبتنا واختنا الكبيره ومامتنا وهزت شهد رأسها موافقه على كلام كنزي
جويريه بتأثر مصطنع : ايوا كيد وتحولت فجأه وقالت يلا يابت انتي وهي على شغلوكوا مش ناقصه انا فقع مراره وبعدين يعني اختكو الكبيره وامكو اي دا احنا كلنا قد بعض
دق الجرس وقالت جويريه افتحو الباب التالته الهابله بتاعتكم جت فتحت كنزي الباب وقالت اوبااا لولو حببتشي
دلفت الاء وقالت بسرعه: مش هتصدقو اللي انا شافته وانا جايه بقى ليكو جران اي مزز تلات شباب جمامير
شهد : احلفي الله زوجي المستقبلي قاعد في الشقه اللي قدامي
كنزي ب استغراب : زوجك اي يشهد انتي حتى شوفتيهم
شهد بهيام : لا بس انا حاسه اني بحب واحد فيهم
جويريه بعصبيه : ااااه يلا يبت انتي وهي كل واحده على شغلها بسرعه بدل ما انتو عارفين وانتي يا الاء خشي جوا وانتوا برا يلا واخرجتهم واقفلت الباب
.........................
في مكان آخر تحديدا في قصر العسيري
استيقظ مهند باكرا اخذ حمامه و نزل لاسف للذهاب لعمله وجد في حديقة قصره يجلس جده وبيدة الجريده يقرأها
مهند: ابو حميد حبيبي عامل ايه واحشني يا راجل مش شوفتك من امبارح
محمد بضحك : ايوا يا خويا اقعد كل بعقلي حلاوه يخويا انا شويه و هنزل اقعد على النيل افطر معايا بقى
مهند : طبعا وهو انا اقدر مش افطر معاك يا قلبي انت ثم قال بصوت مرتفع يا دادا سعاد معلش جيبي الفطار و دوا جدو
سعاد :حاضر يا بيه ثواني وجايه
محمد : قول يا ابني مش ناوي تتجوز وتوريني أحفادي وتفرحني بقى
وقبل ان يجيب مهند سمعو شخص يقول : قوله يا ابو حميد يمكن يتجوز ويسيبني في حالي شويه
محمد : اه والله يا واد يا مارو نفسي استركوا انتو الاتنين واجوزكم بنات الحلال اللي تستاهلكم
مهند بحنق : اي يا محمد انت عكست الدنيا تقريبا ونسيت ان احنا ولاد
مروان : انا قولت ان الراجل دا عندو زهايمر محدش صدقني
محمد بغيظ : زهايمر مين يا ابن الكلب غور من وشي وخد الحيوان دا معاك جتكم القرف انا اروح النيل اشوف البنات بتاعتي
مهند ومروان بنفس واحد : نعم يخويا بنات مين دي
نظر لهم محمد و اخذ يركض ذاهبا لسيارته وقال : اطلع يا اسطا راضي بسرعه ع النيل
مروان ل مهند بصدمه : الحق جدك ماشي على حل شعره وتقولو عليا قليل الادب
نظر له مهند وقام بضربه بالشلوط وهو يقول : امشي يحيوان على شركتك وخليني اشوف شغلي
..........................
كانت الاء و جويريه يجلوسن على النيل ويأكلون الدره المشوي وهم يتحدثون سمعو صوت يقول : اهه قلبي لا يتحمل هذه الخيانه الواد علاء مع ورده الجوري بتاعتي
قالت جويريه بصدمه مصطنه : والله غصب عني يا ميدو هي اللي غرغرت بيا
قالت الاء بردح : نعم يعنيا علاء بردو
محمد وهو يحتضن جويريه : ايوا ابعدي يا حببتي وانتي تبقى الاء عادي.
الاء وهي تسحب جويريه وتحتضنها : ابدا بعمري لو سبتها اجري بقى ولا تجري ازاي وانت عجوز كدا مش هتعرف تجري
محمد بغضب مضحك : نعم يختيي مين دا اللي عجوز مفيش غيرك عجوز يا علاء الكلب انتي
جويريه بصراخ : بسسسسس في اي قاعده في حضانه في اي انا ماشيه
الاء و محمد بستغراب : مالها دي
..........................
في مكان اخر او لاكون ادق في حطام مكان آخر كان هناك بعض الملثمين يقومون بتسليم شحنه من المخدرات وتبديلها بالمال وكان هناك من يراقبهم
مهند بصوت منخفض :استعدو لما اعد من واحد ل تلاته نبدا الهجوم حول
احد الجنود : تمام يا فندم حول
مهند : 1...2....3 هجوووووووم
وبعد ذلك لم يسمعو سوى صوت اطلاق النار وبعد مده من إطلاق النار صوت صرخه صدرت من مهند
احد الجنود : بسرعه اطلب الاسعاف الرائد مهند اتصاب
مهند بصوت متألم : لا كملو العمليه الاول لازم مش نطلع خسرانين اكملو الهجوم حاول احد الملثمين الاقتراب من مهند ولكن مهند قام بأطلاق النار عليه واخذ يملي على الجنود ما يفعلوه وبعد فتره تم قتل كل المهربين وتم طلب الاسعاف لمهند وتم نقل مهند لمستشفى الجيش المعده على اكمل وجه لنجده المصابين
احد الجنود : بسرعه حد يلحقنا الرائد مهند مصاب
قامت الممرضه بمنادات جويريه لانها طبيبه الاسعاف
الممرضه :دكتور جويريه دكتور جويريه في مصاب في الغرفه ٢١٠ ياريت تروحي بسرعه
جويريه : تمام راحه اهو
دلفت جويريه الغرفه بينما كان مهند يتألم ولكنه نظر لمن دلفت الغرفه وتاه في عيونها
جويريه بحنق : بص قدامك لاخزق عينك.
مهند بصدمه وغضب والم ايضا : انتي بتقولي اي ازاي تكلميني كدا
جويريه بعدم مبالاه : اكلمك زي ما انا عاوزه وانت باين عليك الالم ياريت تسكت عشان مافيش اي دكتور غيري حاليا ومحدش هيعالجك
مهند بغضب : تولعي انتي والمستشفى انا ماشي ولكنه بمجرد ان وقف فقد توازنه سندته جويريه وهي تقول : معلش يا كابتن اقعد عشان انت تعبان ودا مش ينفع ولكن لا حياه لمن تنادي فقد مهند وعيه
جويريه بصراخ للممرضه : تعالي بسرعه يا نجاه ساعديني اخده وجهزي غرفه العمليات وكلمي حد من اهله
نجاه : حاضر يا دكتور
ذهبت جويريه. لتلبس ملابس العمليه بسرعه ولكنها صادفت في طريقها صديقتها أيه (أيه مصطفى تحب ان يناديها الجميع توكيو وصديقه الفتيات من الابتدائي وهي طبيبه تعمل مع جويريه في المشفى)
أيه : اي يا جوري مالك بتجري كدا ليه
جويريه وهي تتابع الركض : مصاب عندي عمليه
أيه بصوت مرتفع ولم تنتبه امامها : ربنا معاكي يا جوري ولكنها اصطدمت بشخص قابلتها
ايه بصدمه : انت
يتبع....
بقلمي / مريم سالم 🍂🖤