*الحق يا دكتور مريضة رقم 17 هربت
=ازاي تهرب انتوا كنتوا فين
"جريت بسرعة وانا بدور عليها في كل مكان لغاية ما لاقيتها واقفة فوق سطح المبني"
_كُنت عارفة انك هتيجي هنا
=محاولتيش ليه تهربي؟؟
_عشان مطمنة هنا... مطمنة وانا في مستشفى المجانين اكتر ما ببقا مطمنة وانا حرة متقيدة هنا وبتكهرب يومياً بس مش خايفة وانا هنا
"كلامها غريب و. و.. و غامض المريضة دي بقالها 6 شهور في المستشفى جات في جريمة قتل مرات باباها ومن ساعتها وهي اتجننت بس جوايا شئ بيقول انها عاقلة"
=عاملة اي النهارده
_بطل تحوم حوليا عشان مش هتاخد مني معلومة تفيدك
=ومين قال اني عايز آخد معلومة
بسخريه_اومال جاي ليه تطمن عليا
=انتِ مش مجنونة وعارف انك عاقلة وبتعملي كدة عشان متتسجنيش بسبب قضية قتل مرات باباكي
_ومين قال اني قتلتها
"صدقتها... حاسس انها بتتكلم بصدق ومفيش اي نبرة كدب في كلامها"
=مصدقك
بشك_بجد؟؟
=مش عارف هتصدقيني ولا لأ بس انا حاسس انك بريئة وعاقلة ومش انتِ فعلاً اللي قتلتي مامتك ممكن تحكي لي اي اللي حصل وسبب دخولك المستشفى
"حسيتها مش مصدقاني من نظراتها.. مترددة في كلامها عايزة تقول حاجة بس خايفة ومش واثقة فيا"
=مش مستني منك اجابة خدي وقتك بس صدقيني لو حكيتيلي اي حاجة هساعدك وعمرك ما هتندمي ابداً
"سيبتها ومشيت روحت علي مكتبي علي طول وانا بدور علي الملف بتاعها لغاية ما لاقيته.... قتلت مرات باباها 18 طعنة ولما الجيران دخلوا عشان يشوفوا صوت الصريخ ده جاي منين لقوها قاعدة جنبها علي الارض وبتعيط.... حسيت إن فيه حاجه غريبة بتحصل واستنيت لتاني يوم وروحتلها"
=انا متأكد انك مقتلتيش مرات باباكي لو قتلتيها بجد كُنتي هربتي ومفضلتيش جنبها
_انت ليه مصمم تساعدني
=فيكي حاجة انا حاببها... فيكي شئ بيجذبني ليكي وصدقيني مش عارف ايه هو؟!
ابتسمت_اخويا اسمه كان عبدالرحمن زيك
=وهو فين؟!
_مات
=احم انا مكنتش اقصد
_عارفة.... انت بجد عايز تساعدني
=اكيد
_يبقا تقعد وتسمعني
=طيب
_بابا اتجوز من 12 سنة كان عمري 10 سنين وكان عندي اخ من ماما الله يرحمها اسمه عبدالرحمن....اكبر مني بـــــــــ 5 سنين مرات بابا كانت معاها بنت من جوزها اسمها نادين مكانتش بتحبني بس مامتها كانت بتخليها تعاملني كويس لغاية ما بابا مات
أنت تقرأ
شخابيط آخر الليل (اسكريبتات)
Short Storyالحياة رواية جميلة، عليك قراءتها حتى النهاية! .. لا تتوقف أبداً عند سطر حزين! فقد تكون النهاية جميلة..! قصص واقعية، اسكريبتات قصيرة باللغة العامية
