ومن انت

بارت ٤

نور بعد متغدينه وجاي وسوالف وجاي وتين ماقبلت تتغده واعتذرت من أسد لين حاجته بطريقه مو حلوه اما على زينه بس تخزر بينه اجت ام علي هم ضحك وسوالف ام علي اتصير كرايبهم بس يعتبروها وحده من البيت ويأخذون رئيهه بكلشي وحبابه بشكل وضحوكيه ضلت اسولف ويانه رواء ساكته ماتحجي اما وتين فهيه متعرف تاكل هل اكل متعلمه على الخفايف لو حلويات لذالك ماكلت زينه محد يتقربلها ويحاجيها وامي صالحت وتين والأمور كلش عاديه مابيها شي

ام ضرغام اكول خاله شعجب انتي سمينه من دون البنات

زينه خاله هاذه جسمي وعجبني والباقي مو مهم

ام ضرغام ميخالف يمه هاذه هسه تسمونه رجيم سوي حته اضعفين

زينه نترت وكامت وأم ضرغام ضلت ادردم شلون تنتر كدامها

بدريه يمه وتين انه تعبانه واحس ايامي قصيره تعاي يمي اكلج

وتين اسم الله عليج ياروحي

بدريه حبيبتي لتشيلن حقد ابكلبجن عليه انه تعبت وردت بكل طريقه اوصلجن بس ماكدرت بكل مره افشل يمه وصيتي من اموت مطلعن مناا ابقن اهنا معززات مكرمات تره تروحن بل رجلين من اطلعن واني كاتبه بيت مساحته ١٠٠ متر بأسمج الدنيه كلشي يصير بيها تره تروحن بالرجلين اذا صار شي اريدج من يصير شي اتلمين اخواتج وأمج وتكعدن بي ولادلن احد بي ولا الاي شخص خلنه سرر الجن هل بيت حته اخواتج هم لتكليلهن كبل اخذيهن

وتين عمرج طويل انشالله بس وين هل بيت

بالكوت منطقه... شارع.... مقابيل السوك صاير وخليت الجن مبلغ حوالي ١٥ مليون لمي عيشن بي وسولجن مهنه

وتين بيبي حبيبتي انتي اتمنه متعرفين عليج من زمان جان عشنه مرتاحين

بدريه هاي عدالت رب العالمين لاتخلين ابالج يالله كومي ولج دوختيني

وتين ههههه وك بيبي

ام ضرغام يا خاله تعاي اكلي وجهج صار اصفر ام علي صبيلها

وتين لا خاله مااشتهي ماريد

ام علي يا يمه اتموتين

وتين لا ماموت

ام ضرغام اليوم تجي ام حسن انه جبت كيك وياي بس جاي انسوي

وتين منيه ام حسن

ام ضرغام انه اكلج ام حسن اتصير اخت جدج الله يرحمه امطلكه اتزوجت وهيه اصغيره وطلكت وهيه عمرها ٢٠ شي امطلكه محد خذاها وهسه عمرها ٩١ سنه بس هيه قويه ومتقبل احد يكلها ام حسن اله بأسمها جاسميه اتضحك راح تبقه هاذه الشهر اهناا بايعه بيتها راح يجيبها ضرغام ويجي

وتين هههه خطيه ١

ام علي وعلي اني اموت عليها

وتين اكلج خاله لعد بت عموو الجبير مشفناها