"ကိုကို အလုပ်ပီးရင်ပြောနော် ကျွန်တော်စောင့်နေတယ်"
ဒီလို messageပို့ရတာ ဆောနူအတွက်တော့မထူးဆန်းတော့။ ကိုကိုက အလုပ်နဲ့ ယှဥ်လာရင် ဘယ်အရာကိုမှ ဦးစားပေးရှေ့တန်းတင်လေ့မရှိ။ အင်း သူ့ကိုတောင်မှပေါ့ တစ်ခါတစ်လေလည်းစဥ်းစားမိပါသေးသည်။ ရှင်းမ်ဂျယ်ယွန်းဆိုသည့် သူ့ချစ်သူက သူ့ကို တကယ်ရောချစ်ရဲ့လားဆိုပီးလေ။
ခဏကြာတော့ replyရောက်လာသည်။
"ကိုယ် meetingထိုင်နေတုန်းမလို့ ဆောနူ ခဏလေးစောင့်နော် ပြီးရင်ဖုန်းဆက်လိုက်မယ်"
ဒီလိုမျိုး အသေးစိတ် ရှင်းပြလာတော့လည်း ဆောနူစိတ်တွေပျော့ရပြန်သည်။ မဟုတ်ဘူး ဘယ်တုန်းကမှ ထိုလူသားနဲ့ပတ်သတ်ရင် စိတ်မမာနိုင်ခဲ့တာဆိုပိုမှန်မည်။ အင်း ရှင်းမ်ဂျယ်ယွန်းကပြုစားနိုင်လိုက်တာ။
♡♡♡♡♡♡
ကိုကိုနဲ့သူနဲ့စတွေ့ခဲ့တာ တက္ကသိုလ် အနုပညာအသင်းမှာဖြစ်သည်။ ဆောနူက ပထမနှစ် ဂျယ်ယွန်းက နောက်ဆုံးနှစ်ကျောင်းသား။ ပုံမှန်ဆို တွေ့စရာအကြောင်းမရှိနိုင်တဲ့ ၂ယောက်ဆိုပေမယ့် အနုပညာအသင်းတူတူဝင်ဖြစ်တော့တွေ့ဖြစ်ကြသည်။ သူတို့ ၂ယောက်က တွေ့ကတည်းက တိုက်ဆိုင်မှုများသည်။ အသင်းဝင်တဲ့ရက်လည်းတစ်ရက်တည်း။ ထိုနေ့ကမှတ်မိပါသေးသည်။ ဆောနူတစ်ယောက်တည်း စာရင်းသွင်းနေတုန်း သူရောက်လာတော့ အသင်းကအကိုတွေ အမတွေအကုန် မျက်လုံးပြူးကုန်ကြသည်လေ။
"ဂျယ်ယွန်း ဒီကိုဘာလာလုပ်တာတုန်းဟ"
"ဘာလာလုပ်ရမှာလဲ အသင်းဝင်မလို့လေ"
အေးတိအေးစက်နဲ့ပြန်ဖြေတဲ့လေသံပေမယ့်လည်း ဆောနူအတွက် တော်တော်လေးနားဝင်ချိုလှသည်။ အသံပိုင်ရှင်ကို မသိမသာခိုးကြည့်တော့ လူကို မြင်လိုက်ရတဲ့အခိုက်အတန့် အချိန်ရပ်တန့်သွားသလိုပင်။ blonde hairပိုင်ရှင် ထိုလူက အရမ်းကိုကြည့်ကောင်းနေခဲ့သည်လေ။ သူတောင် ခဏတာမနာလိုဖြစ်သွားမိတဲ့အထိ။ ငေးကောင်းကောင်းနဲ့ငေးနေမိတာ စီနီယာအကို လက်လာပုတ်ပီးခေါ်မှသတိဝင်တော့သည်။ ကျောင်းစရောက်ရောက်ချင်း အနုပညာအသင်းဝင်ဖို့ရွေးချယ်မိတာမှန်သွားပီထင်သည်။ ဒီခပ်ချောချောအကိုကြီးနဲ့ နေ့တိုင်းနီးပါးတွေ့ရဖို့လည်း မျှော်လင့်နေမိသည်။
