____________________________________
هتعدي مثل معدت الي قبله
بعد ذيج الدمعات فرح
بعد ذاك الضيق فرج
بعد المرض شفاء
بعد ذاك الوجع راحه
بعد ذيج الاذية
بعد ذيج الذكرى نسيان
هتعدي يروحي
___________________________________
بسم الله الرحمن الرحيم.
البارت الاول
الكاتبة/AZO
الانستا/@azo_wat
كل مرة تعودنه البطلة تروي قصته حياته لكن بهذا القصة اختلاف بكل شي حدث عن باقي القصص
بطل القصة يروي احداثه
**كل شي يذكر بالقصة حقيقي مع التلاعب بأشياء بسيطة لاتاثر بأحدث قصتنه
* اليوم كقصة من واقعنا المرير وهو الفقر
كثير من شعبنا في وقتنا الحالي يعاني الفقر ومشاكله ..
ولكل بيت حكاية
وحكياتنا لليوم تتكلم عن هذا الطبقة
// تفاعلوا بلنجمة والتعليق بين فقرات🤖
قراءة ممتعة✨️
أخذت نفس هوا حلو اليوم جوا هادى وصوت الضوضاء قليله كل مرة اجي لهنا ترجع ذكريات كل الايام وبيج السنين دقيقة وكل ثانية مرت صفنت وتذكرت
جنت كاعد بالصالة بيتنه القديم امي تطبخ الغدا وابوي بلحمام يغسل جاي من شغل
كاعد ادرس سمعت ابوي يصيح امي تجيب ملابسة شفت امي ركضت جابت الملابس وانطتهم لأبويه
وراحت للمطبخ تكمل
التفتت شفته طلع وينشف براسة ب خاولي شافني صافن عليه ابتسم بوجهي واجي كعد يمي ب تنهيده
طبطب بايدة على ظهري وكال
: شلونك بوية شخبار دراستك
: حمدلله يابة زين
: رايدك ترفع راسي يبعد ابوك وكبرته
ابتسمت وحسيت بتعب ابوية بكلامه ورديت :
راسك دوم مرفوع اطمئن ابنك سبع على ابو
هز راسه و نظرات عيونه كله فخر باس راسي وكام للمغسلة ب الصالة يتوضأ
دنكت اكمل دراستي الشي الوحيد راح اساعد ابوي بي دراستي وتفوقي بيه
حلمي بسيط اكمل واعين ابوية واشيل التعب من ظهرة
فزيت من صفنتي على ذكريات ايام جنت مدلل بجال امي وابوي هسة
أخذت نفس وزفرته سنين مرت تغير كلشي بيه ماعدت ذاك الاولي
استغفرت ربي وكمت نكثت بنطروني من تراب وتمشيت للسيارة جنت راكنه بعد مسافة عني
واني وجاي امشي
رجعت تعصف ذكريات الماضي
رفعت راسي على صوته وهو داخل ويسلم للصالة
: سلام عليكم
رديت ورد ابوية وياي
وعليكم السلام
: وين جنت
رد وهو ميطالع بابوي
طالع افتر
شفت ابوي هز راسه بحيرة وفرش سجاده الصلاة وكف يصلي
هو اجه كعد قريب علية التفتت شفته طالعني وابتسم وجر مخدة ونام بلكاع
رجعت ادرس لحد مافزيت على صوت ابوية وهو يكول
