مرحبا متابعيني الغوالي
واهلن بيكم بقصتي الجديدة
قبل كلشي اريد اتكلم معاكم
اولا: القصة تتكلم عن الفقر وعن حال اكثر الناس بمجتمعنه هذا
ثانيا : ماريد انتقاد لاي شخصية رجاءاً
______________________________
مشاهد
مشهد الاول ~
كُمِيل : راجع من مدرسة وماخذ سماء وياي جبته من روضة
طبيت بفرعنه اشوف الناس ملتمه تقريب يم بيتنه والنار ملتهمه الاول والاخير
ركضت اريد اشوف واحد من اهلي ماكو لاامي ولا عمتي ولا ابوية ولا عمي بلبيت ملتهمتهم النار
لا يالله ربي لا تختبرني صعب
كعدت بلكاع مهدود حيلي اجتي سماء مخروعه تبجي
وين ماما اريدِ
مشهد الثاني ~
سماء وينج جوعانه
اي جوعانه
كمُيِل : رحت للمطبخ ماعندي شي اسويله شفت بيضه واكو طماطه وعندي باقية صمونه من صبح
سويتهن مخلمه اله
سماء تعالي اكلي
اجتي تركض حطيت صينية وكعد بحظني
كمت اسويلة لفات صغار واوكله
صعدت راسه وكالت
كمُيِل بابا شو متاكل
غمضت عيون وبسته بخشمه
اكلت اني مو جوعان
جاوبتني وكامو عرفت
شنو اكلت تباوعلي باستفهام
ماعليج اكلي هاي قربت اللفه اله
دنكت دفعت صينيه وكامت
صحت بيه سماء تعالي
دارت وجه وعيونه كله دموع
انت مماكل تجذب عليه
حتى غيوك مااكلت وهاي هم
تعالي اكلي ماعليج بيه
دارت وجهة وراحت تركض
ربي امتحانك صعب
____________________
مشهد ثالث ~
سماء وينج
بابا اني اجيت وينج تعالي رحت دورته بلمطبخ بلحمام للصالة الي هيا اول متفوت الباب تصير كبالك ماكو
رحت للغرفة شفته ضامه روحه بين كنتور وبين البطانيات الي عدنه
دنكت لمستواه
سمائي
مو احجي وياج
متجاوبني رفعت راسه عيونه حمر من دموع
سمائي هاي ليش باجية
وخغ عني
سماء لتنترين بيه احجي وياج
دنكت تجهش بلبجي
سماء اني جنت بلمستشفى
رفعت راسه هستوة شافت راسي مضبر
اجت راسن كمشت راسي وتباوعلي
كُمِيل ها ليش غاسك هجي
وكعت عليه خشبة من طابق الثاني بلعمارة
____________________
هذا المشاهد من قصتي الجديدة وابطال جديدين
تركو القصة بلمكتبة وتفاعلو لحتى انزل بارت بسرعة
تحياتي
❤❤
