بارت 1
.عيون مليئهَ بلدموع ، وانف احمر ، وملامح مليئهَ بل يأس ، هكذا يكتمل يومي كل يوم ، لا اعرف كم سأقضي من حياتي في هذه الدوامه
سالي..اسمي غريب مو بس ماما اتاثرت ب افلام كرتون سالي وسمتني هذا الاسم عمري 15 سنة عيوني سود وكبار ورموشي كثيفة شفتي ممتلئة بشرتي بيضة وعندي غمازة والشعر اسفل الخصر
ورشيقة ثلاثة شغلات احبهن بحياتي امي وابوية
والاكل 😁 🍲🍛والدراسة
كذالك ثلاثة شغلات اكرهن هن اخوي من يجرني من شعري ويمسح بيه الصالة
وابن مرت الشيخ رافد وجيرانة الهتلي ع طول يشمر كلام
والثالثة رافد اخو صديقتي تمارة يكرصني من خدودي ويكولي اتمنة الله يرزقني بنيه وتشبهج خطية عندة اثنين ولد... من اروح لتمارة هناك اشوفة هو فد انسان حباب ووردة مال الله بس اااخ لو مو هاي الشغلة البي محلوة وخديداتي يجرجرهن كرهت الروحة لبيت صديقتي بسببه
بابا عندة كيه يشتغل بيها حالتنة ع كدنة والحمد الله مستورين عندي اخوات اثنين مزوجات واخوان اثنين كذالك اصغر مني واحد عمرة اربع سنوات حبيبي وروحي من الدنيا
والثاني بصف الاول متوسط عابت اشكد مكروه ع طول يتعارك وياي ويريد يفرض رجولية ع اساس هو كبر ولازم اسمع كلامة
اني بصف ثالث متوسط والامتحانات بعد الها شهر ومشكلتي وي الرياضيات ما احبة دراجاتي بكل المراد ماتنزل ال 80 بس الرياضيات والعشرينات والثلاثينات تتراكع هههههه اي مو بس اني ما احب الرياضيات حتى اعز واغلى واحن صديقة مو بس صديقة اخت واقرب من اختي الي تمارة بنت الشيخ حامد
سالي..لج داد تمارة اليوم اخر يوم نداوم احنة ضامنين الدخول بعد ليش نداوم
ليش نضيع وقت نقرة سوة بلرياضيات منج ومني عاد نطلع بل 45 وهمة يصعدونة للخمسين
تمارة .. لا حبي ماما راحت البارحة للمدرس والتفقت وياة وادخل عدها دورة
سالي..اي عيني انتم طاكين وتدخلين عند عشر مدرسين مو مدرس واحد مثل حظي الفكر اكيد راح ارسب هل السنة بسبب الرياضيات حتى واهسي قتلتلي مالي خلك ادرس بعد
تمارة .. انجي لج اني ادخل وانتي لا يو ندخل سوة يو لا
مافهمت داد تعرفين انتي بلحال وبابا يادوب يطلع الگمة
تمارة...حبي حاجيت ماما وكتلها وراح ندخل سوة وماما تدفع
اني شون افكر بنفسي واعيف صديقتي لج انتي روحي من الدنيا
سالي .... ياروحي ياعمري صدك ما اعرف شون اجازيج والله غركتيني بفضالج ع طول تفكرين بيه حتى من تمشين لسوك مثل ماتشترين لنفسج تشتريلي
تمارة... لج اسكتي والصمي حلكج مايعرف يحجي كلمه بيها خير شتو فضل وهل السوالف كم مرة اعيد واحجي لاتكولين هيج
هو حلكج انطي بس اكل افة انتي تاكلين والمشكلة ابد متسمنين لج اني اكل زيتونة وزني يزيد كيلو
سالي.. هو شعندي غير بطني اهم شي بطني لمتة المدرس ياخذنه
تمارة من باجر ساعة 6 ويخلص المادة كال قبل الامتحانات ب اسبوع باجر امر عليج اني ورافد
او انتي تمريلي للبيت وياخذنة رافد
سالي ..لا ما اروح لبيكم خية رافد يشلع خدودي وهاي مرتة البومة مكروهة تشمر حجي وتضوج اذا رافد يشاقيني
&
&
&
#رواية_فصليه_الشيخ_رافد😻🦋
