جمعتنا قرية واحدة

بارت 7

رشاد: طال عمرك تقريباً موقع رهف المخطوفه في الجبال جهة الغرب جنب ارض حاتم ولد تكان بس محتاجين احد يفك الألغام عشان نبحث..
نواف: رشاد وش قصتك القضية انا ماسكها انت مخبر تدورلي المعلومات الي اطلبها منك انا ماطلبت منك معلومات عن رهف او وين مكانها انا طلبت منك معلومه جبتها لي؟
رشاد لف راسه بمعنى لا
نواف: انت عرضت خدماتك كمخبر ولا استفدت منك اي شي ولا جبت لي اي معلومه
رشاد: بس طال عمرك..
نواف: لا تقول طال عمرك كنك زهقان مني ... انا يوم تخرجت من الكلية الأمنيه ومسكت اول قضيه وين كنت انت ؟؟ اقصد كنت بأي بوفية تنتضر ساندويتش بيض مدري فلافل؟؟؟ رشاد يارشاد انت الحين قاعد تعلمني انك احسن مني بشغلي
رشاد: بس
نواف: لا بس ولا شي انا مو ملزوم اتحمل واحد زيك يتدخل بشغل غيره ولا ينفذ شغله وصح هذا اخر تعامل لي ولك بمعنى راتبك المقدم واخر شهر بيوصلك وبعدها ضف وجهك
وكان بيروح لاكن نواف مسكه
نواف: نسيت احقق معك لاني شاك فيك من البداية امش على المكتب نعم وش فيه تناضرون كملو تفتيش وانت اشتغل بذمة وضمير حلل راتب الي يجيك
وبدء يحقق معاه وكان شاك فيه مره ورشاد حس انه الوضع مره خطر ولزق تهمه في واحد من المخبرين سابقين ونواف كان يفكر وانه المخبر ذا كان عليه سوابق وانه ممكن يكون هو
نواف: خلاص تفضل يلا ، تفضل ليه تناضر
وناده عسكري اسمه موسى
نواف: اكتب خطاب توبيخ لكل الي كانو بلمناوبه امس ولا لا حرام ضلم كل الي في المناوبه الى كل الي بلمبنى وبما منهم انت
موسى: ليه طال عمرك وش دخلني انا
نواف: لاني قلتلك طلعلي كل المخبرين الي موجودين هنا وحتى سابقين الحين بنرجع نحقق ونعيد بلقضية من اول وجديد!
موسى: وش لون ليه وهذول سابقين مالهم دخل!
نواف: ياغبي يوم جيت استجوب رشاد وسحبت منه الكلام لين طلعت روحي قال انه المخبر صفاة هو الي خطف البنت
موسى: من صفاة؟ اوه هاذا مخبر سابق حتى اتلف ملفه
نواف: جيب لي ملفه من المخبر ناصر حالاً ، اف ياربي راسي بينفجر من القضيه ذي
وكان يشتغل بكل ذمه وضمير وماوده يخيب ضن تمارا لاكنه كان يكتشف اشياء ويحاول يشبكها ببعض عشان يلاقي الحل ولقى شي وانصدم صدمة حياته وماكان وده يفاتح تمارا بلموضوع عشان مايضيق خاطرها ماصدق على الله تفك شوي وكان مخطط يفاتحها بلموضوع بعد مايلاقون رهف
نواف: الو
تمارا: هلا ها طلعت من دوامك ولا وش
نواف: لا بس تعالي محتاجك بكذا حاجة
تمارا: خلاص مسافة طريق وانا جاية
ونواف قفل وكان يفرك راسه وكان يفكر ويبغى يلاقي حل للمصيبه هاذي ومرت كم دقيقه وجات تمارا ودقت الباب
تمارا: تأخرت عليك؟
نواف: لا تفضلي
تمارا: امر وش بغيت؟
نواف: لا بس بسألك كم حاجه عن تثمين ابوك وجدك كم يسون؟
تمارا: تثمين ابوي 6 مليون وتثمين جدي 8 مليون بدون تفويض وضريبة نقل الملكية والا وغير انها وصية ولازم انفذها
نواف: ااوكيه
تمارا: ورهف وش صار عليها
نواف: رهف باقيلنا القليل ونلاقيها انا ناديتك عشان الاجرائات التاليه عسكري ياعسكري
موسى: سم طال عمرك
عسكري: وين ملفات المخبر السابق
موسى: طال عمرك ملفات المخبر الي تتكلم عنه أٌسقطت من سنين
نواف: نعم!!! احضرو لي رشاد زفت من تحت الارض عطيني معلومات الملف بسرعه!!
موسى: ابشر
وحط الملف وكان مفتوح على صورته ونواف كان ياخذ رقم الملف وبياناته وتمارا ركزت في صورة شخص واخذتها وبدت تناضر
نواف: نعم وش فيك اخذتي صوره؟
تمارا: هذا خالي! هاذا ابو رهف مات قبل سنه شلون تشكون فيه وهو ميت قبل الحادثه!!