-الدكتوره انتصار: الاستاذتين اللي عمالين يرغوا من اول المحاضره انا كنت بقول ايه؟
-اشرقت:اسفين يا دكتوره
-أمل:كنتي بتكلمي يادكتوره عن السلبيات اللي ممكن يوقع فيها اي مهندس برمجه
-الدكتوره بتعجب:تمام اتفضلوا
-اشرقت بصوت منخفض:مركزه حتي واحنا بنرغي
-أمل:تقصدي انتي اللي بترغي ركزي بقا عشان الدكتوره مش تطردك المرا دي
"باسم ينظر إلى امل ويضحك بخبث علي ماقالته امل لأشرقت فتلاحظ الدكتوره ذلك"
-الدكتوره:البشمهندس اللي عمال يضحك مش ناوي يضحكنا معاه
-باسم :افتكرت حاجه اسف
-الدكتوره:انت جاي هنا عشان تفتكر اللي مش لازمه المحاضره يطلع بره
"باسم يتحدث في عقله هو اي معهد المجانين ده هما تقريبا بيتعصبوا من كلمة اسف "
"وبعد اسبوع"
-صفاء:يابنتي تعالي اقعدي معايا انا ويس اخوكي مش تتعبي قلبي معاكي
-أمل:عشان خاطري ياخالتو انا مرتاحه في بيت بابا
-يس:خلاص ياماما اقعدي معاهه في الشقه
-صفاء:عشان شقتنا تفضالك وتجيب فيها خمره ونسوان يا يس
-أمل:دايما بتجيب الكلام لنفسك الله يكسفك فصلت
-يس:اخص عليكم تظنوا فيا الظن ده
-صفاء:انا هقعد الفتره دي مع امل
-يس:والشقه اللي هجيب فيها خمره ونسوان ياحجه صفاء
-صفاء:ضامنه ياحبيبي ان مفيش واحده تبصلك
-يس:انتي ام انتي فين الأمهات اللي بيفضلوا يقولوا ان اولادهم مش ليهم زي
-صفاء:دول امهات منافقه ياقلب امك يرضيك امك تكون منافقه
"وفي منزل ادهم عم امل "
-غاده زوجة ادهم:مش تنسي ياادهم ان الشقه بتاعت اخوك دي ليك نصها
-أدهم:مش فاهم بتلمحي لأي ياغاده
-غاده:تبعها وتدي لبنت اخوك نص الفلوس نصيب ابوها
-أدهم:وهي هتقعد فين
-غاده:تقعد عند خالتها أو تيجي تقعد عند بس مش هيبقى ليها فلوس من الشقه انا هشيلها نصيبها هجهزها بيه
-أدهم:عوزه تقولي حاجه تانيه
-غاده:لاء
-أدهم:يعني جبتي اخرك في الكلام
-غاده:ايوه
-أدهم:اسمعي بقا ياغاده هانم انا بنت اخويا هتفضل في شقة ابوها وبالنسبه لحقي في الشقه فأنا متنازل عنه ليها وبالنسبه لجهاز امل انا المسؤل اجيبه ليها واظن كفايه تحطيها في دماغك البنت يتيمه ومش حمل أذيه تاني في حياتها
-غاده:أنا أذيه..كل ده عشان خايفه عليك وعلي عيالك
-أدهم:عيالك بقوا رجاله مش محتاجين حاجه مني انا كتر خيري اوي كده علمتهم وكبرتهم
"وتنتهي خناقة ادهم وغاده كالعاده علي مغادرة غاده الغرفه وينام أدهم بسلام"
"وفي اليوم التالي في المعهد"
-أمل: عامله ايه يااشرقت الشمس هههه
-اشرقت:الحمدلله فل الفل ياامل حياتي ياحب غااااااالي ميتنسيييش هههه
-أمل:عظمه على عظمه ياست
"وفي مكان بجوار الكافتريا تقف مجموعه من الشباب وفتاتان"
-محمد :البت امل دي جامده يااخي مش عارف اعمل ليها ايه
عشان تحبني
-مازن:اعملها قرد يمكن تكون بتحب القرود
-طارق:لاء يابني قرد ايه ...اعملها بلياتشو هي البنات بتحب الراجل اللي بيضحكها واسألوا ياسمين صبري
-محمد:بتحفلوا عليا ياشله مهزأه
-ريم بغيره وحقد :نفسي اعرف بتحبها علي ايه ده حتي عامله شبه عود القصب
-سلمي :هما كده الرجاله بيحبوا البنت اللي مش تعبرهم في الجزمه
-مازن:مين الواد الجديد ده اللي بيسلم علي امل هناك ده
-محمد: اسمه باسم جديد في المعهد
"وفي الجهه المقابله تبتسم امل"
-باسم: صباح الخير يااشرقت
-اشرقت:صباح النور ياباسم
ويكمل باسم حديثه صباح الخير ياأمل
-امل : صباح النور
-اشرقت:يلا بينا علي المحاضره ياشباب
"وفي مساء اليوم يتحدث باسم مع اشرقت علي الوتس ويريد ان يعرف كل شئ عن امل فتحكي له اشرقت بعد ان اعترف باسم بأنه معجب بأمل ويريد ان يراها دائما تضحك"
-باسم: يعني امل رافعه قضيه علي اللي كان السبب في موت ابوها
-اشرقت:ايوه وحاولوا يعرضوا عليها فلوس ورفضت بس اخر مره عرفت انهم هددوها تتنازل أو
-باسم: أو اي كملي
-اشرقت:يقتلوها ياباسم بيقولوا ليها هنخليكي تروحي عند ابوكي
-باسم بغضب : وهي ليه لسه قاعده لوحدها في الشقه مش راحت عند خالتها أو عمها ليه
-اشرقت:عشان محدش يتأذي بسببها ياباسم انت متعرفش امل بتفكر في الكل
-يتصل باسم باللواء:ويحكي له عن اخر التطورات في القضيه ويضيف له عن أمل والذي يحدث معها ويطلب ان يمسك قضيتها بنفسه حتي يستطيع حمايتها حتي وقت النطق بالحكم
-اللواء : ركز علي مهمتك ياحضرة الرائد والظابط اللي مسؤل عن القضيه شايف شغله كويس
-باسم:تمام سيادتك
-اشرقت:الو ياباسم انا اسفه اني كلمتك في الوقت ده امل برن عليها ومش بترد وانا متعوده اطمن عليها كل يوم قبل ماتنام ومش عارفه رقم حد من قرايبها عشان اتصل عليه والوقت متأخر ومش هعرف اخرج اشوفها
-باسم:عنوانها اي بسرعه يااشرقت
"يذهب باسم الي منزل امل يضع يده ليرن الجرس فيجد ان الباب مفتوح فينادي امل لايجد رد ينظر فيجد الارض ملطخه بالدماء"
