فهد الانبار

بارت1

بقلم الكاتبه:آن علي

سحر:لچ گومي اليوم آخر امتحان وتخلصين

آن:يمه نعسانه مالي خلگ

-يله امتحني ورجعي شلون دولمه راح اسويلچ

طفرت من مكاني وحطيت گدلتي ورة اذني...

-هاي الام لو متنراد والله امتحن طيارة وارجع

-لا تستعجلين كم مرة اگول على كيفچ اول تالي راح تتأخرون غير وياكم بنات يمتحنن

-تدللين يمه
عدلت چربايتي رحت فرشت اسناني ولبست الزي وگعدت اراجع عندي فيزياء وهاي المدرسه اسئلتها مدري منين تجيبها....
ورة عشر دقائق دگ هورن محمد هذا سايقنه فد واحد لوگي بس اهلي مصرين انو هو خوش ولد...

-ماما ادعيلي وبوسيلي نفسج عود مالحگ

-شوف اللسان انوب ماما روحي يمه الله يحرسچ

آن:صعدت وهم صليت اراجع والله ليش الچذب صافنه؏ الشارع والجو اليخبل...

-دخلنه للقاعات وزعوا الدفاتر علما كتبنه اسمائنه اجت المديرة تشوف منو مخالفه لان آخر يوم
انطونه الاوراق الاسئله تنجرع زين حليت وراجعت
سلمت الدفتر وطلعت انتظر صديقتي تخلص

نور:ها آنو بشري شلون الاسئله

آن:زين عندي كم شغله بس مالي خلگ افكر وطلعت

-تعالي احچلچ وين رحت قبل الامتحانات مالحگت اسولف واليوم فاضين بعد ويانه بنات سادس وثالث خطيه يطولن

-ي صدگ ماگلتي وين رحتي شسويتي صرنه كخهه

-ولچ مو حچيتلچ..

- لااا حبي اريد التفاصيل التفاصيييلل هههه

-ههه ي هسه جايتج التفاصيل وحچت..:
باعي قبل الامتحانات رحنه للانبار اول مرة اروحلها شنو الجمال شنو الجو انوب احنه گرايبنه بالبر وباليل الجو دماار برد رحنه لبيت خالتي هناك تخيلي شنو طلعو ههه...
-شنوو!؟

-دلييم وابوهم ضابط انوب شنو البيت عزة قصرر والاحلى من هيچ خالتي عدها ولدين وبنات خير من الله شنو الونسه لچ حجزتلي واحد والچ واحد

-ياخي هاي الصديقه تفكر بينه قبلها

-انجبي اول اني شفت منو يناسبني وانطيتچ الثاني

-يوو لعد انتي ماخذة الزين وعايفه المسطور الثاني علي موو ماحچي وياچ..

-حتخليني ما اكمل واسكت مو زين لگيتلچ دليمي ههه
-ي زين كمليي

-ي واحد بالسادس احيائي هذا الي معليچ بي والثاني يدرس هندسه معماري مرحله ثالثه بس شنو يخبلون ذكريني من ارجع ادزلچ صورهم...

قاطعتنه المعاونة اللزگة:يلااا عينييي كلمنن لبيتهه فضونهه يلاا ماريدد وححده بالساحههه