أم ياقوت: ياقوت اكعدي ولج اتأخرتي على المدرسه راح يطردوج ولج .
ياقوت:كعدت والله كعدت طبعا اليوم اخر يوم امتحان
وزاري .. خلي اعرفكم على نفسي (ياقوت عمري 16 سنه صف ثالث متوسط عندي أخو واحد اسمه عمر يدرس با اربيل و امي وابوي عايشين وعندي اثنين اخوات اسمه حوراء صف سادس بتدائي و الثانيه صف اول اسمه زينب وحنه في محافظة النجف)
كعدت وتريكت ولبست جبه وحجاب اني دامن البس جبه حته من اطلع الزياره البس هيج اندك الباب
أم ياقوت: يله بنيتي اجن صديقاتج شدي حيلج بل امتحان.
ياقوت:انشالله ماما دعيلي .. طلعت لكيت صدقتي ورود
و فاطمه هذني صدقاتي من الطفوله مشينه بالشارع
ورود : الحمدلله اليوم اخر يوم ونخلص واشبع نوم
وأرسل الحب 😍
فاطمه :والله اني هم راح أضل الصبح احجي وياا
ياقوت : واني اضل العصر نايمه وانتن ضلن بسوالفجن
ورود: شبيه سوالفنا تخبل مو فطوم .
فاطمه:اي والله 😂
ياقوت: يله ولجن وصلنه فتنه على المدرسه و متحنه كيمياء والحمدلله جاوبت.
ورود :صلوات خلصنه انشالله ناجحين
فاطمه : امين
ياقوت :بنات يله نمشي اريد ارجع انام نومت أهل الكهف و بليل ارسلجن والله الي ماتردد
ورود :اني مارد مشغوله و غمزت 😉
فاطمه : اسفه ياقوت 😂😂😂
ياقوت : والله الي ماتردد اروح اراسل غير بنات
ماحس غير اجتني كرصه من ورود .
ياقوت :اوي شبيج قابل شكلت اني هسه .
ورود و فاطمه : انموتج بس تحاجين غيرنه خبله 😒
ياقوت : فديت الي يغارن عليه وحضنتهن شعندي غيرجن اني .. طلعنه من المدرسه ومشينه البيت قريب ع المدرسة شفت عمو غسان و بابا صعدو بل سياره وراحو بسرعه وصلت على البيت
ياقوت : امي وين بابه راح هو وعمي غسان ..
أم ياقوت : اكو غيره ابن عمج هم مسوي مصيبه وعمج
اتصل على ابوج وكله الحكلي حته ماعرفت شمسوي ..
ياقوت :حيل يستاهل ابو المشاكل مايتوب والله ياالله
أم ياقوت: عيب بنتي اكبر منج هوو .
ياقوت : يمه لا عيب و لا شي يستأهل اصلن عمي ماعرف يربي صح والله واني اشكر الله لن اخوي مو نفسه.. وصعدت الغرفتي انام . كعدت على أصوات بل بيت كمت اشوف شكو لكيت عمي غسان الصغير وعمي الجبير ابو مرتضى و ابوي كاعدين بصاله وامي بل مطبخ
اسوي جاي كتلهم اسلام عليكم ردو ورجعو يحجون
رحت ال امي كتله شكو يمه اصاير .
أم ياقوت : مرتضى ضارب واحد براسه وهسه هو بل مستشفى ويمكن يموت خطيه وأهله كلهم بل مستشفى ملتمين.
ياقوت: انصدمت و كتله شوفي تعصبين عليه من احجي عليه شوفي اسوه ادعو بلكت يعيش يارب.
أم ياقوت: انشالله
راحت امي تنطيهم جاي و ماي اني وكفت باب المطبخ اسمعهم .
ابو مرتضى: والله اذا مات اروح بيه و مبين همه مايرحمون واحد خاصه اخو كام يرعد وعلي
ابو ياقوت: كول ياالله انشالله يكوم و مابي شي
عمو غسان : انشالله بس إصابته خطره و بين الحيات و الموت ... بقو يحجون شويه وبعدين راحو كل واحد البيته.
ابو ياقوت : هاي بنيتي ياقوته شلونج بويه والله ماشفتج اليوم من وره المشاكل شلونج بل امتحان
ياقوت: الحمدلله بابا انشالله انجح
ابو ياقوت: انشالله
أم ياقوت: يله راح اصب غده صارت ب 2 وانتم ماماكلين شي .. امي صبت غده و اكلنه و غسلت المواعين ..صار اليل و تعشينا و هم غسلت مواعين
صعدت الغرفتي وراسلت صديقتي وحجينه شويه بعدين كل وحده راحت اني هم بعدي ماشبعانه نوم نمت وقبل لا نام دعيت بلكت الولد يعيش ..الصبح كعتت و غسلت وجهي وصبحت على امي .
ياقوت: صباح الخير
أم ياقوت: صباح الخيرات بنيتي
ياقوت:يمه وين ابوي اخواتي
أم ياقوت: خواتج بعدهن نايمات وابوج راح أل مستشفى ..بقيت يم امي و كعدت اكل رن جهاز امي
أم ياقوت: ياااا الله يرحمه وصبر اهله 🥺
ياقوت : خصيت كتله يمه شكو منو مات
أم ياقوت: ولج مات الولد مات وأهله خبصو الدنيه يردون يكتلون مرتضى بس هو شارد ..
ياقوت: الله يرحمه وهسه شراح يسون يمه
أم ياقوت: والله مادري
اني ضجت هواي سوه مشاكل بس ماوصلت واحد يموت ..اجت مرت عمي أم مرتضى هيه و بنته المخطوبه اسمه الاء و مرت عمي غسان هيه وجهاله اصغار مو كبار
مرت عمي بس تبجي ودكول راح يكتلوو وامي اصبر بيه خطيه نتصل على عمي و على ابوي مايريدون الليل يله اجوي كلهم خطيه مبين عليهم التعب كال عمي غسان
غسان : اهله يردون دم بدم يعني يردون يكتلون مرتضى
بس احنه تفقنه وياهم من تخلص الفاتحه اروح الهم ونشوف يشردون منه وهم هم من ميسان يعني عشاير .. مرت عمي كامت تبجي و عمي هم مبين عليه تعبان بقو يمنه وسوينه الهم عشه و بعدين راحو بس الكل خايف على مرتضى ثلاث ايام الجو مكهرب بلبيت
يوم الرابع راحو ابوي و عمامي و عشيرتنه من الصبح
بوقته جت خايفه حيل ماعرف ليش اجاني شعور الخوف الساعه 5 العصر رجعو بس جانو كلش تعبانين رحت جبتلهم ماي ونطيتهم ابوي وجهه تعبان وعمامي هم امي كعدت يمهم
أم ياقوت: بشرو شرادو منكم ..ابوي ماحجه شي بس عمي غسان كال
غسان : رادو 50 مليون و فصليه
أم ياقوت: ياااا ومين انجيب فصليه هيه بس الاء و مخطوبه .. انصدمت بعمي من كال خلي ياقوت تروح فصليه اني انصدمت
ابو ياقوت: مانطي بنتي بعده صغيرة
أم ياقوت: والله مانطي بنتي...طبعا الكل كام يحجي وعمي يكول شلون اذا مانطيهم راح يكتلون مرتضى و اصير دم بين العشاير حته اني واخواني ايكتلوني
اني ركضت الغرفتي بقيت ابجي بعدين كلت اهلي ماينطوني اهلي يحبوني وقنعت نفسي بهاذه الشي بعدين حجيت الصديقاتي ونمت ماطلعت من الغرفه ابد
اتمنه البارت يعجبكم حبايبي 💕
الكاتبه: نور الهدى🍂
