قوارير
البارت الاول
الكاتبة
زينب البصري 🤍
__________________
عاتبني ابعتابك خل ترد روحي
اوهسني . . ابدلالك . . ياشتل شمام
حتى ازهك . . وشوفك وينها اجروحي
بيه اشبع غرورك . .
يا أعز جتال
يتمايل غنج لو بيه . . ثكل نوحي
تعاتبني اعله حالك . .
صار بيك الصار
جاشدل اجروحك هاي وشتوحي
كبل حبك . . جبل مالاح طرفي السيل
هسه اول زخاخ
ايغطن سفوحي !
...عريان السيد خلف...
____________________________________
مريم : ماما سمعت ابوي يخابر ويكله اجي شلون مااجي لعمي وابنه منو هذا
مروة: بيت عم ابوج الي بالعمارة عرس ابنهم
مريم : يعني ابن عم بابا لو ابنه الي يتزوج
مروة : لا ماما شبيج ابن عم ابوج الي يتزوج
مريم : بكد بابا
مروة : ولج ماما شبيج دوختيني تره لا بعد صغير وتخرج ويدرس ماستر
مريم : شكد حلوو ونروح للعرس غير
مروة: شياخذنه للعمارة ابوج وحده يروح يسوي الواجب ويرجع
مريم: اهوو ماما والرب ضايجين وعدنه عطلة خلي نروح عفية
مروة: كعدي وسكتي عود من يرجع اقنع ابوج ياخذجن للزيارة
مريم: ماما ليش ماتحبين تروحين لقرايبنه
مروة: لان ماشفت منهم شي حلو وعمرهم كله يلومون ابوج لان اخذ مسيحية وهو سيد
مريم: اروح فدوة للمسيح انيي
مروة: دنجبي وبدون لغوة يلا كومي نضفي البيت اختج كملت المطبخ
مريم: ماما فدوة حاجي بابا خلي نروح نشوف العمارة عفية وعرس نتونس
مروة : نشوف بعدين
مريم : عفيةةةةة ماما عفيةةةةةة
مروة: امشي لج لوكية
مريم ..رايحة رايحة اعصابج
مروة:الرب يساعدك ياكلبي
ابو مريم: يساعد حيلج ياعيني
مروة : اليوم جاي من وكت
ابو مريم: اي والله خابرني عمي جبار واصر اخذكم واروح للعرس كلت اجي اطيكم فلوس تروحون تتسوكون انتي والبنات لان باجر نطلع
مروة: لازم نروح
ابو مريم: ياعيني انتِ احنه كبرنه وابنج وبناتج بطولج راحت هذيج السالفة وانست
مروة: مادري بس مايحبوني يارجال
ابو مريم: لايحبونج المهم انا احبج
مروة:هههههه ماتكبر ولاتجوز
ابو مروة: حاطلي مرمرة كاشان بيتي وترديني اعقل ديلا يامرة هاج كملي احتياجاتكم
مريم: هلو بابا
نور: الله يساعدك بابا
ابو مريم : هلا بنياتي يلا بابا كملو شغلكم وروحو ويه امكم باجر نطلع للعمارة
مريم: صدك باباااااا
ابو مريم: ههههه ها مريومه شو مامصدكة
مريم : اي والعذراء بابا كلش ضايجة واريد اشوف العمارة
ابو مريم : ان شاء الله تشوفيها وتتونسين. اخوج وسام وينه
مريم : نايم بابا
ابو مريم: روحي كعدي لا اجي اكسر راسه
مريم:وساااااااااااام بابًا يكول اكعد لا اجي اكسر راسك
وسام: وسم على هل صوت كعدتي حتى الجيران مو بس كعدتيني
نور : مريمممم ماما تكول شوفن شنو عدجن ملابس وشوفن النواقص
مريم: لا اشوف ولا اتعب نفسي اريد كلشي جديد معلية
نور: خو انتي ماتقنعين ولاتشبعين
مريم: مادخلجج انتي
مروة: ماما شبيكم صوتكم عالي
نور: ماما انتي شايفة شكد عدنا ملابس وهيه اريد كلشي جديد شكد تحب تشتري ملابس وتبذر
مروة: اي يا ماما شوفي شنو ناقصج غير لبس العرس علمود نجيبه
مريم: ماما اني احب اشتري ملابس واهتم بنفسي هاي شبيكم
نور : اي هو شكتلنه غير حبج لنفسج حتى صديقة ماعندج
مريم: ( حزت بداخلي كلش ) هذا هو ماريد اشتري ولا اروح صاعده انام
مروة: تعالي مريوم حبيبتي لاتضوجين اختج ماتقصد اصلا البنات يتمنون يصادقونج بس بعد كل وحده حلوة مغرورة
مريم: ماما اني ما احب احجي ويه احد بس انتو اهلي حتى لو احجي وياهم واحاول اصير صديقتهم كل وحده عدها صديقة مقربة واني اضل وحدي ف مااحب اصادق او احجي ويه واحد
مروة: ماماتي بنيتي الصداقة حلوة صيري اجتماعية الوحده موحلوة هاي كبالج اني لاصديقة لا شي بس انتن صديقاتي واهلي وكلشي
يلا تعالي نور بوسي اختج
مريم: لا ماما مازعلانه
نور: يلا يابه حتى فلوسي الج اشتري بيهم ملابس شعدنه غير مريومه
أنت تقرأ
قوارير
Художественная прозаفيه تشبيه للنساء بالزجاج لضعفِهِنَّ ورقَّتهِنَّ، والتعبير أوّل من قاله الرسول صلى الله عليه وسلم؛ إذ كان رجل يقال له "أَنْجَشَة" يحدو بنساء وكان حسن الصوت فقال له الرسول صلى الله عليه وسلم: "يا أَنْجَشَة، رِفْقا بالقوارير"، أي لا تُحَسِّن صوتك فإنَّ...
