.____________.ذلك القاء.____________.
- كنّا نَعتقِد بِأنهُ لابدَّ من وجود ضَوءً نهاية كُلِ نَفق كما قيل لنا في شارة عَهد الأصدقاء، كما كانت تخبرنا رشا منذُ الطفولةِ أنهُ " تُهدينا الحياة أضواءً في آخِر النفق " بينما هذا الإعتقاد لايمُت للواقع بأي صِلة ..
.___________________.
منتظرين موعد الطيارة ايدي على خدي صافنه على المسافرين بيهم الطفل الفرحان الي ممصدگ حيشوف الطيارة بيهم الرجال الجبير الرايح علمود علاج بيهم المتحمس يلتقي ويه شخص يحبه اما أني دموعي متوكف التفكير دمرني حايرة وقلقة شلون راح ابدي بحياتي الجديدة بعيدة عن ناسي واهلي بوسط الغربة منظر اهلي وصديقاتي وهمه ديبجون علية ويودعوني مراح من بالي شلون بعد مااشوفهم راح اگدر اتحمل ڪُل هذا البعد لو راح يكون للقدر رأي ثاني بهلسالفة ؟ ..
احس ايد مسحت دموعي وسمعت صوته : لتخافين اني وياج لتحرگين گلبي بدموعج سوة راح نبدي حياتنا ونحقق ڪُل الي وعدتج بي ..
.___________________.
أباوع على الغرفة ايدي ترجف ممتأثرة بدفو المكان ابد الي بيه خوف قلق رعب من المجهول والي منتظرني ، شلون راح اخلص نفسي من هلمصيبة منو الي منو راح يصدكني واني مالي اي شخص هنا ، الي جنت معتبرتهم سندي وصلوني بهذا المكان ..
انفتحت الباب بقوة ودخل يمشي بهيبة يباوعلي بنظرات مليانه تحدي ورعب عيونة تطلع شرار
حجة بصوت هادئ بعيد كل البعد عن مظهرة الي ميوحي للهدوء ابد : اي يابه ياهلا بالزارنه نبدي بالضيافة لو شنو نسوي بالضبط حيل متحمس اعرف سالفتج واعرف شلون طعنتي بالناس الي احتووج واعتبروج منهم وبيهم .
حجيت بصوت مليان رجفه : سيديي سيدي اني بريئ..
قاطعني بضحكة هههههههههههههههههههه عالية بريئة موو شبعنااا...
.___________________.
امشي بـ هدوء داخل الحرم الجامعي والمكان فارغ ڪُل الطلاب بالقاعات واسب بالسجاجات الي حالفات ميطلعن اله يختمن المحاضرة كتلهن اضربنها خلي نطلع بس لا شلون والشطاره هففف هففف امشي ودردم وي روحي عليهن ماحسيت غير شخص ورايه جرني حيل ردت اصرخ حط ايده ع حلگي ادفع بي اريد اخلص نفسي منه ماكو مااگدر هدأت من سمعته ديهمس هذا اني لاتخافين سحبني القاعة فارغة ودفعني على الحايط وخر ايده وعطت بي شبيك تخبلت انت ردت تسوي بيه سكته قلبيه خبيث شلون هيج بوسط الجامعة متگول واحد يشوفنا !
ابتسم بخبث حبيبتي وحبيت اخطفها جرمت ؟
ردتيت علي حبيبتك مو نومتها زعلانه منك البارح..مكملت كلمتي وماحسيت غير باايدة يخليها على شفايفي يستكني ويحضني حيل مخلي راسه بوسط شعري ويهمس بصوته الرجولي : احبج حيل...
.___________________.
وحدي بوسط الكافتريا صافنه بالفراغ وبيدي كوب گهوه ادفه بي الجو بارد بزيادة افكر بالي ماخذ گلبي وعقلي شنو الي جابه لبالي بعد كل هلسنين ليش مدااكدر انساه ليش مااتخطى ابد ، دخل واحد من باب الكافتيريا وحسيت شكله مألوف علي بس جانت خطواته سريعه ماگدرت اتذكر منو هذا طردت الفكرة من بالي ومهتميت كملت الكهوة بسرعه عندي محاضرة لأكثر استاذ غثه بالكوكب ، اخذت كتبي ومشيت بخطوات سريعة احاول اوصل راح الوگت عليه حيجي الغثة واني بعدني ماوصله ،
سرعت خطواتي اكثر داصعد الدرج محسيت غير ضربة قوية اذتني عطت حيل و رفعت راسي ارزله وانصدمت بي حسيت هالشخص ابد مو غريب علية صحت بصوت مذهول منو انتَ..
.____________________.
امشي واحس خطوات وراي التفتت اتأكد مشفت احد سرعت خطواتي ودخلت بأول شارع صار كدامي التفتت ورا مرة ثانية لكيت رجال ضخم وراي يتفحصني ومركز بنظراته عليه الخوف اكل بگلبي سرعت خطواتي اكثر و بلحضة خوف وضعف مني دخلت بدربونة مهجورة اريد اي شخص استنجد بي بس جانت مابيها احد بخطوات سريعة ومليانه خوف صفيت جسمي وي لحايط والرجفه احتلتني رجليه مشايلاتني من الخوف سمعت صوت خطوات سريعة بااتجاهي دقيقة محسيت اله واحد بصفي وو...
شنو مصير هالبنات ؟
شنو راح يصير وياهن ؟
راح يگدرون يحققون الي يردوا ؟
وللحكاية بقاية..
الكاتبة روسلين
♡ Roslyn
