البارت 4
بيوم جان جمعة جان قبل اسبوع هو مزوج جانت ريم مسوية بيض والكل كاعدين اجيت داكعد بس شميت ريحتة ركضت للحمام ذبيت من راسي حسبتها متاخرة علية كلت هاهية انتهيت هسة تكولولي شوكت حملتي وهو ممقربلج لا اتقربلي من ضربني اتقربلي بكل وحشية كعدت ع جربايتي ابجي ولزمت بطني وكتلة للطفل ابني انت شنو ذنبك بس مع هيج راح اربيك احسن تربية حت لو ميريدك اني اريدك حبيبي غسلت ونزلت
ام سيف... ها يمة شبيج بلكي حامل
ملاك... لا اني مصخنة من البارحة فلاونزا
ام سيف... اذا هيج سهلة ملاك.. اي سهلة سهلة تريكت جبن وجاي وسعاد خازرتني جان تندارلة كالتلة حبيبي شوكت تنقلع هاي الفصلية جاوبها خليها خدامة ابتسمت بسمة حقد من سمعت هيج حسيت راح ابجي واني ماكدر ابجي كدام احد وكعت الخاشوكة من ايدي حسيت بالم قوي بطني كلت بالعافية وكمت ججان تكلي سعاد وين تعاي غسلي مواعين الريوك ملاك ... مابية حيل الخدامة تغسلهم
سعاد .... ههههه الخدامة ترتاح انتي الخدامة مهتميتلها صعدت فوك الالم موتني عبالك ديدفر بية ذكرت اكو اختبار مال حمل شايفتة بالمجر مال مطبخ نزلت بدون محد ينتبه اخذتة وصعدت تبعت التعليمات وطلع ايجابي كمت ابجي حييييل ركضوا علية كلهم شافوني كاعدة وابجي
ريم... شبيج حبيبتي ملاك .انتبهت اكو شي بايدها .. فتحي ايدج
ملاك... ماكدر
ريم ... ملاك فتحي ايدج
فتحت ايدي ع كيف من شافتة ريم ايجابي عاطت عيطة اجوي كلهم
سيف ... شكو شكو
ريم ... راح اصير
ملاك ... قاطعتها وجريت التحليل من ايدها ضميتة وكلت ماكو شي وكعت وهية عاطت
وطلعو
ريم ... ليش مكتيلة
ملاك... ريم تعبت تعبت من كلشي حاولية تدرين هو ممتقربلي غير مرة وحدة من ضربني وتقربلي بكل وحشية ومن هاي المرة حبلت منة الطفل شنو ذنبة
ريم ... حقج بس هو هم حقة يعرف لان ابوه
ملاك ... خليني اني اكلة ع راحتي
ريم .. اوك بكيفج
طلعت ريم رحت سبحت ولبست بجامة حصصرررر وكيمونة وردية وحمرة وردية وكحل لبست كلادة ذهب هدية من ماما ونزلت لكيتة وية سعاد يشرب كهوة رحت كعدت هو مهتم وريم وراية تشجعني
ملاك ... سيف اريد احجي وياك
سيف ... احجي
ملاك ... بحدنا
سيف ... ماضم شي ع مرتي احجي
ملاك ... كتلك بحدنا
سيف ... لعد لتحجين كومي
ملاك ... باوعت شكد غيرتة لانسان ثاني كمت رحت ابجي بالغرفة
ريم ... سييف متتنازل وتسمعها
سيف ... هية مرادت تحجي كدام مرتي واني ماضم عليها شي
ريم ... اوك هية بس مرادت تقهر مرتك مثل مقهرتها وهسة اني اكلك ملاك حاممل
سيف ... جنت احبها حيل واعرف مظلومة بس كبريائي مسمحلي احجي وياها من كالت ريم حامل راسا كمت شنوووو شوكت تقربتلها اني
ريم ... من ضربتها انت تقربتلها
سيف ... بين الفرحان راح اصير اب بين المفرحان لان جرحتها رحت ركض الغرفتها فتت لكيتها كامشة بطنها وتبجي حتى مشافتني من دخلت رحت كعدت كدام جربايتها عالكع وبست بطنها وكتلها
سيف... اعرف انتي مظلومة والله اعرف بس كبريائي مسمحلي اعتذر منج اني اسفف حبيبتي يا ملاكي وحضنتها وكامت تبجي بحضني
ملاك.... من حجة هالحجي ردت امنع روحي بس مكدرت احبة حضنتة وكمت ابجي بحضنة وراها مسح دموعي وباس راسي وكال انتي هسة مو فصلية انتي مرت الشيخ وام ابنة وباجر تجهزين روحج نروح نعقد بالمحكمة اوك
ملاك ... هزيت راسي بمعنى اي وبتسمت باسني من راسي وراح سبحت لبست كلابية وردي ونزلت ....يتبع
