" လမ်းခွဲရအောင် ။ ငါဒီထက်ပိုပြီး
အတွေးတွေနဲ့ မမွန်းကြပ်ချင်တော့ဘူး။
မင်းအတွက် အရာအားလုံးပြီးမှ ငါဆိုတဲ့
သတ်မှတ်ချက်ကြီးကိုလည်း မုန်းလာပြီ
ငါကပဲ အရာရာ တစ်ဖက်သတ်ဖြစ်နေရတာကြီးကို
လည်းမုန်းလာပြီ"
ဆယ်ဟွန်း ရင်ထဲက ဆို့တစ်မှုကို ပင်ပန်းတကြီး
မြိုချကာ ပြောနေပေမဲ့ ဂျုံအင်က
ခါတိုင်းလိုပင် ခံစားချက်ကင်းမဲ့နေသော
မျက်ဝန်းတွေနှင့် သူ့ကို ကြည့်နေသည်။
ဆယ်ဟွန်း စိတ်ပျက်စွာပင် ထိုနေရာက
လှည့်ထွက် ခဲ့လိုက်သည်။
" ဒီလိုဖြစ်လာနိုင်တယ်လို့ ငါအရင်ကတည်းက
ပြောခဲ့တယ်မလား"
ခပ်အေးအေးပြောလိုက်သော အသံကြောင့်
ဆယ်ဟွန်းခြေလှမ်းတွေကို ရပ်လိုက်မိသည်။
" ဘာကိုမှဂရုမစိုက်ဘူးလို့ ပြောပြီး ငါ့ဘဝထဲကို
ဇွတ်တိုးခဲ့တာ မင်းလေ။ငါစိတ်မဆိုးဘူး။
ဒါပေမဲ့ တစ်ခုပဲ ။တစ်ခါ ထွက်သွားပြီးတာနဲ့
မင်းနဲ့ငါ ဘယ်တော့မှ အတူထပ်မရှိနိုင်တော့ဘူး။
ငါ့ဘဝထဲကို မင်းကို ဘယ်တော့မှ ထပ်ခေါ်တော့မှာ
မဟုတ်ဘူး ဆယ်ဟွန်း"
ဆယ်ဟွန်း လှည့်ကြည့်လိုက်မိသည်။
ဂျုံအင်က သူ့ကို စိုက်ကြည့်နေပြီးမှ
မျက်နှာလွှဲကာ ကျောခိုင်းသွားခဲ့သည်။
နောက်ဆုံးအချိန်ထိတောင်မှ Kim Jongin က
သူ့မာနတွေကို လုံးဝချမသွားခဲ့ဘူး ။
_____________
" ကိုကြီး ဆရာ ရောက်နေပြီ ဟိဟိ"
အခန်းဝမှာ မျက်နှာပေါ်ရုံလေးဟကာ ပြုံးစိစိနဲ့
သတင်းလာပေးသည့် ညီမလေးက ပြောင်းလဲ
သွားသည့် အခြေအနေတွေကို မသိသေး။
" သူလာတာ ဘာလုပ်ရမှာလဲ"
ဆယ်ဟွန်း ဂီတာကြိုးညှိမပျက်ဘဲ ပြောလိုက်သည့်
အခါ ညီမဖြစ်သူ အိုမင်ဂျီက အနည်းငယ်
အံ့ဩသည့်ပုံပေါက်သွားသည်။
ခါတိုင်းဆို Guide ဆရာKim Jongin လာရင်
တကယ်သင်ရမည့် သူမထက် ပိုပြီး တက်ကြွနေတာ
ဘယ်သူမို့လို့လဲ။
