أحبّ صوتك ، كيفَ لصوتٍ كهذا
أنْ يتسللَ من وتر كَمَانٍ
وقصبةِ نايٍ ، ومفاتيح بيانو ..
ويستقر في حُنجرة ؟
مرحبا اني بطلة القصه اعرفكم عليه اسمي غزل
عمري 17 طالبة خامس عدادي اسرتي تتكون من ماما
اسمه هند وبابا اسمه عباس عمر ماما 34 وعمر بابا 40
اما اخواني عندي اخ واحد هوه يزن عمره 13 واصل
بدراسه ثاني متوسط وعندي اخت وحده اسمه تقى
عمره 10 ومن الي قريتو عرفتو اني اكبر اخواني وهسه احجيلكم عن حياتنه شويه جانت صعبه بابا بسنة
2014 صار ويا انفجار وحيل تئذه ضلينه بيت جدو بس
همه ناس ظالمين ما يحبون ماما ودائما يسون مشاكل بحياتنه... وهسه راح اعرفكم على بيت جدو اول شي بيبي ام عباس ما تعرف الله وتفرق بين بابا وعمامي وعماتي البقيه
ماتحبه ولا تحبنه احنه ولد ابنه وجدو هوه صاحب املاك وعنده خير من الله واي صدك نسيت اكلكم احنه من
النجف وهسه عمامي الوسطاني هوه امير وهاذا
يكون حقير وخبيث يدور مشاكل وزوجته هيه أمل انسانه
ام وجهين نفس زوجه بل وجه زينه ومن دورين وجهج تطعن
بيج واطفالهم غدير عمره 11 وصادق عمره 8
وسيف عمره 4.. اما عماتي سحر مزوجه سيد وهاي شويه
احسن من اخوانه وعده بس بنات وبنته الجبيره حيل احبه
وتحبني وهيه شهد عمره 16 اصغر مني بسنه بس وحده تفهم الثانيه وتخليني ااصبر على حياتي وهسه نرجع لخوات شهد ريتاج عمره 13 و رقيه عمره 8 وهسه عمتي الصغيره
اسمه نغم كلش حقيره وتخبث وعده بنيه اسمه اسراء
عمره 10 واخوه محمد عمره 7 وهسه عمي الصغير اسمه علي عمره 25 هوه حنين علينه بس ما يعوفو يحشون براسه
علينه ويمنعو يحجي ويانه وهوه ما مزوج وهسه عرفتو
عائلتي...........
وهسه اكلكم على موصفاتي ادر ادر صاكه 😂
اني قزومه حنطاويه شعري طويل لونه تمري عيوني عسلي
كبار شفايفي وردي ملامحي ناعمه كلش جسمي وشيق
رسم طبعاً اني الابس عبايه ...
الى مكان اخر الناصريه... وعرفكم على بطل القصه
الشيخ حرب .. اني نقيب وابويه سلمني من بعده المشيخه
طبعاً ابويه متوفي وعليه مسؤليه كبيره موصفاتي حنطاوي
ملامحي حاده جسمي معضل وطولي 185 لبسي كله زي
عربي طبعي عصبي ماحب احد يعاندني او يكسر كلامي
واني الاخ الاكبر وعمري 37 وعندي اخوان اثنين اثنين
الي اصغر مني اسمه عزام عمره 30 وهوه ملازم
والصغير محمد ضابط عمره 25 ما مزوجين يحبون المزح
وعندي اخت وحده هيه فرح عمره 17 وهسه نرجع اصدقائي
واخواني بنفس الوقت صكر عمره 37 نفس عمري
وهشام عمره 36 وهذولي اعز من روحي وهسه نروح لعمامي عندي اثنين عمي ابو وسام وعمي ابو سجاد وازيد خلفتهم شباب وبعدين راح تتعرفون عليهم
وهنا انته البارت التعريفي واتمنه تعجبكم القصه😍😍💞
