ماتدري لمن هاجرت
خضر تراب بصفنتي
ماتدري من عني رحت
تابوتي شيع ضحكتي
ماتدري لمن سافرت
ماتت الدنيه بجثتي
ماتدري ! لو تدري شحصل ؟
المهم لا تزعل عليّ
راح آنه اناطر جيتك
بس رغم مابيك انته امل
ترجع تضحك عيني.
حرب : طلعت من باب الشقه بس جسد عقلي وروحي ضلت يمهم عيون بنيت گلبي بقن ابالي اشلون كله دموع وغصه
بصوته شبيدي عليج يبعد بيتي هذا شغلنه ركبنه
السياره وكلمه ما حجيت افكر شراح نسوي
ويا هذا المجرم حته جرايم خطف وتجارة اعضاء عده خطير
نشد حيلنه وعلي امير المؤمنين ويانه ان شاءالله
وصلنه للمطار الساعه ب 9 ونص قبل مندخل
حرب : بالك على نفسك وعليهم وبالك على غزل ترا مكسورة خاطر
محمد : يخوي روح وبالك مطمن وغزل اخيتي الصغيره لا توصي عليه بعيوني لحد ما ترجع
روح ربي يسهل عليكم و يحفظكم
حرب : توكلنه على الله دخلنه ننتظر وقت الطياره
اتصلت على الشباب حضرو سياراتنه وينتضرونه
شويه وصعدنه الطياره فد ساعتين ونص وصلنه
نزلنه لكينه الولد تلكونه
جلال وايهم واسير : الحمدلله على سلامتكم
حرب : الله يسلمكم
جلال : يلا يخوي هاذي السيارات واحنه نوصلكم
ارتاحو بشقه وباجر نبدي انفذ ان شاءالله
اسير : اني وصيت الكم على اشلون عشه
حته بيكم حيل لباجر
كله ضحكت وكالو اهم شي الاكل
كل واحد اخذ سيارته اني وياي جلال
وصگر ويا ايهم
وهشام ويا اسير وعزام
واحنه ويا الشباب شويه قل التوتر الي عدنه مو خوف
من المهمه والي راح يصير لا والله
بس صعبه عفنه اهلنه بغير دوله وندري عليهم خطر
وصلنه لشقه تعبان وحيلي مهدود كبل اتصلت
على محمد طمنته علينه وسئلته خو ماكو شي غريب
لمن رجعت
محمد : لا يخوي ماكو شي وتريد غزل تحجي وياه
حرب : اي والله
محمد.: ثواني اصيحه
حرب : احم من رخصتكم شباب طبعاً بدو بسوالفهم
يمه الحب يمه يصيحون فضحونه
دخلت للغرفه وخليت الفون على اذني
واجاني ذاك الصوت الي ساحل كلبي وبي رجفه
غزل : الوو شيخي
حرب : يبعد شيخج وصلت اني حبيت اطمنج
ادري بيج جنتي كاعده وتهزين برجلج
غزل : هااا شمدريك
حرب : بضحكه 😂😂 عوفي شعرج هم
غزل : حرررب اشلوون تعرف شنو دا اسوي
