الصقر المنتقب والقناص

البارت الرابع عشر

البارت الرابع عشر
الصقر المنتقب والقناص 🌚💚
رودينا بهزار : اي ياجدع هو انا كنت مهاجره
غيث بعتاب :كدا يا رودينا هونت عليكي تسيبي غيث حبيبك دا كله
ريان بصدمه ووجع:اي اللي بيحصل دا
أريج بصت لأخوها بوجع:أهدي ياريان ربنا يعوضك ياحبيبي
رودينا:ما انت عارف ياغيث مقدرش ابعد عنك بس كان لازم اخد الخطوه دي
غيث بفرحه وابتسامه بقالها سنه مظهرتش:بجد ياصقري انتي بقيتي منقبه
رودينا:اسمها مُنتقبه مش مُنقبه ،منقبه يعني مثقوبه (مخرومه) ها اظن وضحت .
غيث بضحك بصوت عالي :لا دا احنا اتعلمنا كتير بقا
رودينا بغرور مصطنع:عيب عليك اومال انا قعدت سنه اعمل اي
غيث بإبتسامه:ربنا يثبتك ياصقري انا فخور بيكي
رودينا:انت لسه شوفت حاجه وسع كدا

رودينا راحت ناحية ريان وأريج بصت لريان نظره سريعه واتعاملت معاهم معامله غير اللي كانت تتعامل بيها من شويه لما راحت عندهم بصت في الأرض بس لما بصت ناحية ريان لمحت نظرة مش عرفت تفسرها عتاب أو غضب أو لوم
رودينا بهدوء :أزيك ياقناص
ريان بجمود: أهلا ياصقر
وراحت لأريج وحضنتها بس لاقتها بتبادلها الحضن ببرود استغربت بس عملت نفسها مش واخده بكلامها
وبعدين رجعت لغيث وقالتله :اي آخر الأخبار يا ثعلب
غيث بضحك:كل حاجه تمام ناقص وجودك عشان نتمم الفرح
رودينا بحماس ومرح:خلصانه وانا رجعت

كل دا كان قدام ريان اللي حس بالألم من كل الكلام اللي سمعه وأريج اللي قلبها واجعها علي أخوها اللي عارفه إنه بقاله سنه بيدور عليها وفي الآخر طلع بيدور على سراب

وريان حس بالغضب من غيث صاحبه لانه عارف إنه بيحب رودينا وبيدور عليها بقاله سنه ومحاولش يقوله علي علاقتهم كل اللي كان بيقولك إنهم إيد واحد في الفريق ومش بيعرف يشتغل من غيرها طب ليه عمل كدا معاه وهو كان صاحبه المقرب بعد أواب ليه طعنه كدا

غيث بص علي ريان لاقاه بيبصله بغضب وعتاب فراح عنده وكلمه بخبث:مالك ياصاحبي زعلان ليه
ريان:ليه عملت كدا ليه مش قولتلي من الأول خلتني عايش في وهم
غيث بخبث:وانا اقولك بصفتك اي
‏ريان بسخريه:اه صح انا هستني اي من واحد زيك
‏بي انا مش زيك واول ما نرجع هنقل مكاني
‏غيث ببرود:وتنقل ليه
‏ريان بصله بغضب وكان ماشي راح غيث مسكه من إيده
‏راح ريان مقدرش يتحكم في غضبه راح ضربه بالبوكس
وهنا اتدخلوا أريج ورودينا اللي كل واحده كانت واقفه علي جمب
رودينا بغضب وهي بتبص ناحية ريان :اي اللي انت عملته دا  وبصت لغيث انت كويس ياحبيبي

غيث بهمس:اخربيت كدا اتشاهد علي روحك ياغيث يابن ام غيث
غيث:انا كويسه مفيش حاجه
لسه هيتكلموا  لاقوا خالد الكيلاني جاي عليهم
خالد الكيلاني:انا مش عارف اشكركم ازاي ياشباب من غيركم مستقبل البلد كان هيضيع
ريان: مفيش شكر ولا حاجه يافندم احنا معملناش غير واجبنا
خالد الكيلاني:ربنا معاكم ياشباب الطياره خلاص قربت توصل سلام