المزاج (قيد التعديل)

الفصل الخامس

الفصل الخامس

اسراء: يوووووسف..

شاهين و محمد طلعو علي الصوت والكل جري عليه وجاسر شاله وطلع علي العربيه اسراء جريت وراه

محمد شاف ساميه إللي واقفه مصدومه علي السلم

: اي الي حصل يا ساميه

ساميه بخوف: والله.. معرف أنا جيت علي الصوت زيكم لقيته سايح في دمه

شاهين بص عليها ب'غل

: وربنا لو كان ليكي ايد في اللي حصل ما هرحمك يلا يا محمد ... ومشي

ساميه وقعت علي الأرض بصدمه: مش انا والله ما أنا.

اسراء قاعده في الكرسي الخلفي لي العربيه منهاره و يوسف علي رجلها بتحاول تفوق فيه

جاسر بيسوق العربيه وبيتصل بادم وكل شويه يبص وراه علي يوسف وميسره قاعده جنبيه

ميسر: اهدي ان شاءلله مش هيجراله حاجه

اسراء بدموع: مش قادره يا ميسره مش قادره

*******

آدم نايم وي نور في حضنه مغمض عنيها بس ونور عماله تتحرك وهي مش عجبها الوضع.

ادم: اهدي بقا مش عارف انام

نور بتوتر: ه.. هو انا ممكن أسألك حاجه

ادم زي هو مغمض عنيه

: ارغي براحتك سامعك

: هو انا يعني معرفش عنك حاجه.. و. و. ويعني احنا دلوقتي متجوزين

ادم: اولا اسمي ادم شاهين دكتور مخ واعصاب بشتغل في مستشفى بابا وعمي وكمان عندنا كذا شركه شرك احنا وعمي ومصنع وحاجات تانيه كتير

نور: طب هو انت اتجوزتني ليه

ادم: علشان احميكي وعلشان عجبتيني وعلشان زي ما انتي شايفه لوحدي عايز حد يسليني

نور: بس انت قولت إن عندك اهل يعني عمك وباباك.

ادم وهو بيتحرك: كفايه كلام النهارده ونامي

نور فضلت تتامل فيه وحطت ايدها علي دقنه وبتوهان

نور: انت حلو اوي

ادم زي مهو مغمض: عارف

نور اتحرجت وخبت وشها فيه

فون ادم رن بس مردش

نور: فونك بيرن

ادم: سبيه..... رن مره تاني

نور: رد يمكن حد عايز حاجه مهمه

ادم عدل من نفسه وقعد و رد

: ايوه يا جاسر
.......
بصدمه: اي.
.........
: طاب دقيقه واجي

ادم قام بسرعه ولبس هدومه

نور: في اي

ادم وهو بيلبس: خليكي هنا واوعي تطلعي بره ولو حد خبط متفتحيش وانا هحاول مطولش