-مستنية المعجزة اللِ هتخطفني من أول لحظه، تخيلِ معايا كدا يا سهر، معجزة كبيرة أوي أوي، تيجي بقي على هيئة شخص أو فرح أو تحقيق حلم حلمته في يوم من الأيام، الله هتبقي حاجه حلوه أوي
تخبطها علي دماغها_فوقي يا فيروز، جو الحصان وفارس الاحلام دا في الروايات، والفرح و الاحلام دي بأيد ربنا محدش يقدر يتدخل فيها، الدنيا مش بتدينا اختيارات وأحنا نختار بينها، الدنيا بتحطنا في الموقف واحنا نتصرف، حتي لو كان اصعب مننا ف هو مهما كان صعب عمرة ما يصعب على اللِ خلقنا، قولي يارب ويلا قدامي ورانا هم ما يتلم
_يارب يختي يارب، يلا بينا يا سهورتي
(أنا عارفة أنها صح، وعارفة أنه كل شئ بأيد ربنا، يارب أنا بدعيلك وأنت عالم باللِ في قلبي، أنا أحلامي بسيطة مش زاي ما بقول خالص، كل الحكايه إني عايزا أرتاح شوايا، فيها أية يعني لما أتمني الفارس بالحصان الأبيض أو معجزة تخرجني من الحُزن دا، أحلام بسيطة خالص، صح؟ )
••كُنت قاعدة في مكاني المُعتاد، كافية على البحر، المُفضل ليا،
كُنت زعلانة و حاسة أن الحمل تقل أوي على قلبي، وأنا أضعف من كدا، والأصعب إني مقدرش أنهار، لازم أفضل قوية لاخر لحظه، بس قناع القوة مبيدومش كتير .••
_طنط طنط
_نعم يا قمورة
_ أتفضلي الوردة دي من عمو اللِ هناك بيقولك اضحكي مفيش حاجه تستاهل زعل القمر
بصيت لها ب استغرب_ عمو مين يا حبيبتي
_اللِ هناك دا.
(شاورت لي على مكان ومشت، لفيت أبُص ملقيتش حد)
_ أية دا مفيش حد
••تمسك الوردة و تبتسم، تاخدها و تقوم تمشي••
(مش عارفه مين اللِ بعتهالي، بس منكرش إني فرحت)
فتحت باب الشقه _مساء الخير يا أهل الخير.
_مساء النور يا قمر
حضنتها_ وحشتيني يا ست الكُل، الله عملالنا محشي دا أية الجمال دا أمي دعيالي صح
_يا قلب أمك وأنا عندي مين اغلي منك ادعيلة
••تدخل بنوتة_ وأنا مليش نصيب في الحُب دا يا ست ماما والا اية، والا من لقي احبابة بقي؟
_ وأنا أقدر برضو أزعل مريومتي الحلوة، انتوا كنزي في الدُنيا دي، فرحتكوا عندي بالدُنيا وما فيها
_ملناش غيرك يا ست الكُل، يحفظك لينا ربنا، قولي أمين يابت
ترفع ايديها_ أمين، ممكن نأكل بقي علشان ماما مجوعاني من الصبح بسبب حضرتك وكُل شويا هنستني فيروز
_متضايقيش أختك يا مريم، هنحضر الأكل خلاص و تأكلي و على مذاكرتك، اتفقنا يا ثانوية عامة؟
_اية دا يا ماما هي وباء بتعيريني بية يعني
تضحك فيروز_يا ثانوية عامة، لا حلوة يا ماما
تبص لها بـ غضب_ أنتِ عشان في أخر سنة هتدوسي علينا صح، ربنا على الظالم
_طب يلا منك ليها صدعتوني، قدامي.
_حاضر يا ماما
__________________________
