بدايه القصه جانت اول مدخلت لمدرسه الاعدادي صف رابع علمي
جانت بدايه ثورة تشرين 2019 جان الدوام مو منتظم وجنه نداوم بس هيجي هاي قبل كورونا بدايه الثوره جنه نسوي كروبات تجمع للطالبات
علمود نتفق على فد مكان نتجمع بي ونروح للساحه (للمظاهرات)
فَـ فد مره داحجي بالكروب تبع البنات ودزيت فويس (رساله صوتيه)
وحده من لبنات بقت تحجي ع رتله الراء وتحجي ويايه اتفقنا ثاني يوم اشوفها اهخ من هذا الاتفاق حرفيا جنت كلش متحمسه انو حشوف هلبنيه
اجه ثاني يوم كعدت ب 6:00 غسلت وشربت حليبي وبدلت ورحت واني كلي طاقه حتى اشوفها اء نسيت اكلكم انو هي تعرفني وشايفتني بس اني ماعرفها فَـ الصبح يم المدرسه اجتني بنيه كالتلي هلاو كتلها هلاو!
كالت اني نفسي للبارحه احجي وياج واني هنا ركزت بيها يمههه عيونهااا عيونهاااا حرفيا الواحد يضيع بيهممم هيجي كبار وشبه مسحوبات ولونهن مادري عسلي ع حوزي حرفيا يضيعن الواحد وطبيعي توترت وصرت طماطه من الخجل وماعرف شحجي بقينا ساكتين بقيت اشوفها كل شويه وي لبنات وهيجي بس ماحجي وياها ولا هي تحجي ويايه من رجعنا
عرفت هي متابعتني على الانستا ضفتها بالكلوز 👈🏻👉🏻
وعاد شلون كلوز نودز مو كلوز😂ضحكك المهم بقت ترد على ستورياتي
واني كلبي يكوم يركص من يشوف رساله منها (ضخ دم وانت ساكت حيوان) المهم جنت ناشره صورتي وبقت تحجي ويايه واني اتغزل وهي تتغزل ولا اكلكم ولا تكلولي حلكي نشكك من الضحكه 😭 اء وراها كمت اداوم علمود اشوفها لان ماكو دروس بسبب الوضع جنت اشوفها كراشي الي بالمدرسه طبعا هوا جذب لبنيه مو كراشي بس هيجي احب اغورها 😭 جنت اريد امشي وياها هوايه بس استحي اكلها تعالي امشي ويايه ف كوه طلعت مني ورحت حاجيتها ومشينا سوه بالمدرسه وحرفيا وضعنا جان ويرد لان منعرف شنو نحجي ولا عدنا موضوع نحجي بي المهم حرفيا بديت اتعلق بيها بشكل فضيع يعني احس مدري شلون يكمل يومي واحنه محاجين والمشكله اذا محاجتني ماروح احاجيها لان استحي ف وي حرفيا كلبي فراشات من تدز رساله مرت فترة واحنه نحجي صرنا نحجي اكثر من قبل وتحجيلي عن يومها وجنت حرفيا اطير من الفرح جنت اخذ رأيها بكلشي حرفيا بأبسط شي علمود نحجي وهماتين لان صرت احب اكلها ع كل شي بس ماعرف شنو نوع علاقتنا يعني جان كلبي يريدها حنت اموت غيره من اشوفها تحجي وي غيري لو تمشي وي غيري اجت فتره اموت غيره بس ماكدر احجي لان ماعرف شنو طبيعه علاقتنا جنت احبها ومتأكده من هل شي بس اخاف اخاف اكلها خاف ترفضني خاف هي متفكر نفسي خاف عدها شخص بحياتها حرفيا الف فكره وفكره براسي تجي وماعرف شسوي وبنفس الوقت اريدها اريدها اليه بحدي اريد اكلها ع كميه المشاعر الي احملها الها وشلون كلبي يركص من دزلي فد مسج جنت دايم احجي مشاعري بأغنيه واخليها ستوري وامنشنها شويه بديت احس انو هي ممكن عدها مشاعر تجاهي بس هماتين جنت كلش متردده وخايفه مادري شلون احجي ولا ادري شلون افتحرالموضوع واكلها احبج اوكي جنت اكلها احبج بس هيجي يمكن علبالها كلمه عابره او عاديه بينما اني جنت حرفيا احبها واريدها طبعا بهاي الفتره جانت ماكو مدرسه وجان القرار نمتحن نص فَ امتحانات نص السنه جنت اشوفها وهماتين ماحجي وياها وجهاً لوجه يعني بس كلام عادي ومادري شلون نحجي •••••
