قعدت تبكي على زهرها وتدعي في ربي ينسيها في حبيبها وفي وش عاشتو معاه حست روحها غلطت كي تورطت في علاقة كيما هاك ودات روحها وقلبها للهاوية حست روحها راح تخون راجلها في المستقبل كل ما خمت في حبيبها لول وجعها قلبها صلاة ودعاة ربها بغفرلها ذنبها وعرفت بلي عصاتو ومدام عصات ربي مراحش يوفقها في حياتها ضلت تبكي وتدعي وهي تصلي حتاان رقدت والدمعة في عينها...
طول ليامات لي قبل الخطبة وهي مهمومة وتخمم ومحستش كاامل بالفرحة...
كانت تخمم باه طير عريس الغفلة وميقبلش بيها..
بصح في قرارة نفسها كانت علابالها بلي هادي الطريقة الوحيدة باه تنسا حبيبها كانت دايرة امل انها تحب هاد الانسان الجديد لي دخل حياتها
لذا ستخارت ربي وتوكلت عليه
