شريان قلبي

البارت التاسع

#شريان قلبي
#للكاتبه هاجر جمعه

نفس، تقرب مني مروان عبالي حيضربني خليت ايدي
على وجهي هوة كال شبيج تبجين صوته كان بي

شويه حنيه كتله ليش هيجي سويت بيه شنو السبب وابني ابني وينه بي شي

مروان. السبب الي ضربتج علموده بلبيت
واابني
قضاء وقدر مامكتوبلنه هذا الطفل

شلون نطاك كلبك
ماادري عوفينه هسه يلا امشي نرجع للبيت اروح
اشوف الدكتوره وااجي
ماشي
رحت اشوف الدكتوره حتى تكتبلنه خروجيه لاكن

رفضت كالت انو بعده صحته مامستقره كلتله انو اطلعه على مسؤليتي

نفس راح مروان يسوي خروجي وبقيت وحدي الافكار

نخرت راسي نخر  ليش هيجي صار بيه اهلي ليش

عافوني شنو ذنبي تعبت كلش بعد مااقاوم احس الدنيا ضاكت عليه وحدي محد وياي دخل

مروان كال يلا كومي دنرجع للبيت حاولت اكوم

ماكدرت اجه ساعدني وكمت لبست عبايتي وطلعنه بس كوة امشي احس الوجع ينهش بيه نهش متحملت

لزمته عاد الحمدلله حس واجه يمشيني وصعدت رجعنه للبيت ياربي هاي شيطلعني درج عاد طلعت على

كيف الما وصلت لكيت الغرفه مثل مااهيه غراض مكسره والفراش كله دم ياربي لازم انضف كلشي مابيه

حيل يعني شكو بيه لو منضفينه محد رحم بحالي يارب انت ارحمني عبادك ضلام حاولت اغير الفراش

ماكدرت بعده الوجع بيه دخل مروان وشاف الهوسه كال شنو

ليش محد مسوي الغرفه اني مانطيت اي رده فعل وخرت الشرشف تحت انضاره اجه كال عوفي هسه

اغيره ساعدني ونمت بس الوجع موتني كمت ابجي كال شبيج كتله موجوعه اريد مسكن نطاني حبايه ونمت

ماادري بروحي كعدت قريب المغرب الوجع بعده بيه وجوعانه  محد يمي بلجذب محد اجه شافني او سئل

عليه ماتت عاشت ياربي ارحم بحالي اريد اهلي وين جنت وين صرت كمت وااني اتكئ على الحايط رحت

للحمام غسلت وبدلت رجعت لملمت الغراض ومسحت الدم شلت الشرشف من الكاع وخليته بكيس لان ميفيد

وذبيته بلسله رجعت تمددت ياربي جوعانه وحتى موبايل ماعدي صارلي اشهر هنا لاسامعه صوت اهلي

ولا شايفتهم ياربي حيطك كلبي من القهر حتى مااعرف أخبارهم هسه شنو صار وياهم

_________________________________________

ريم . اجه مروان بصوت رج البيت يصيح وين نفس

كناله فوك صعد ومانسمع بس الصياح والتكسير ردت

اصعد بس امي ماقبل تحلفي بيه اباوعلهم جانو كلش

متشمتين بيه وخطيه صوته يكسر الكلب شوي صار هدوء كلش شوي ونزل مروان شايل نفس ملفوفه

بلعبايه مثل الميته لا ايد ولا نفس كلت خلص ماتت البنت رحت وراه كتله عفيه مروان شبيه نفس كال

مابيه شي هسه اوديه لطبيب بس فتحي باب السياره
كتله اجي وياكم كال لا مايحتاج صعده وشخط
السياره وراح رجعت دخلت للبيت كالت سميره شبيه المحروسه شمسويه من مكسوره كتله والله مادري ماقبل يحجي جان مستعجل
اي حيل بيه تستاهل تستاهل بلكي تموت
حرام عليج تتشمتين بلبنيه الله أعلم شحاله سميره ميصير خلي نفسج بمكانه
عشتو وشكو اخلي نفسي بمكانه الحمدلله اخوتي مو مجرمين يكتلون ولد العالم شلون ناس ماتخاف الله
سميره ترة الولد مجان  متقصد وبعدين اخوج الله يرحمه هوة العايل نسيتي هوة جان سكران وعده مكسرات الله يرحمه
ولج ريم اشو تحجين على اخوج المرحوم وودافعين على المجرمين لازم بنت المجرمين لعبت بعقلج اي الله اعلم شنو محشيه بدماغج
سميره اني ممدافعه بس دااحجي حق الله لبنيه شنو ذنبه
عفته وردت اصعد فوك
وين عيني
اروح اشوف الغرف اعزله هسه اكيد تجي المسكينه منتهيه وتريد ترتاح مو تكعد تنضف وتعزل

ام مروان بلحرام ياريم اذا صعدتي الااتبره منج
شلون شكول تريد تنضف للفصليه
ماما خطيه شلون هيجي حرام علينه

حرمت عليج عيشتج كعدي وسكتي هاي لبنيه راح تموتني ناقصه عُمر يارب ريحني منهم
كعدت وسكتت شسويله يعني الله يكومه بسلامه عزااا لبنيه حامل بسلا مات الطفل يبووو اصلا عيه مابقه بيه

روح نوب بلطفل طلعت بره بلحديقه مقهوره على حال نفس شوي ومااحس الا نحطت اي على حلكي ونسحبت

ووووو ونكمل بالبارتات التاليه  واحبكم

#شريان قلبي
#للكاتبه هاجر جمعه