#ليتك_قدري
#بقلمي_ترانيم_هادي
مليءٌ هاتفي
بتفاصيلهِ
بكلماتهِ، بصوتهِ
بملامح وجهه
لكنني ما زلتُ أطمع
بـ أنّ يكون هُنا
بينَ يديّ
مساء الخير حبيبيني طبعا اسفه كلش لان جاي اتأخر بالتنزيل وحقكم عليه وادري طولت بالقصه بس امتحانات كومه ومجاي يصيرلي مجال حتى اكتب حرف
ولاتنسون تصوتون عالبارت
....................
البنات يباركلي وياخذن صور بس بالكاميرا ويهوسن فوك راسي حتى حسيتهن فرحانات اكثر مني
وريماس واكفه وحدى بصفها ويخوزرن بيه بس ماهتميتلهن وصرت اسوي حركات حتى اضغطهن ،اوي شلون شكول
...مررت مده طويله والعالم بدت تمل ورائد ماكو ،يتصلون عليه ميجاوب وريماس والواكفه بصفها يذبن حجي ،عود شرد
اخذت مبايلي واتصل عليه مكو ميجاوبني ،الرجفه سيطرت عليه من التوتر
مرت مده وسمعت صوت ام رائد عاطت
ام رائد:يمههه ابني ....
... سمعت صوتها وكمت على حيلي حتى نسيت نفسي شلابسه وطلعت
برا جانو كلهم ملتمين والبنات يصيحن عليه يردن يدخلني
طلعت وشفت عمتي حاضنه رائد ،راسه ملفوف وجها اصفر
جمدت بمكاني من منضره ... رفع راسه وباوعلي
خزرني حتى ادخل
جرتني نرجس من ايدي ودخلتني واني دموعي تجري حتى المكياج خرب ... هذا حظي لازم هسه اكون فرحانه وماكو اسعد مني
وشصار كلشي نكلب كلاب ...
سحبني البنات وكعدني ،رتبن مكياجي واني دموعي ماتوقفت
شوي وصاحوني حتى نعقد اجت امي لبستني البركع وكعدني ورى الباب والسيد يقرا ايات
بس شي بداخلي جاي يصرخ ويكلي لاتوافقين وكفي كلشي
رجفه ايدي مجاي اسيطر عليها غمضت عيني بقوه اريد اسيطر على نفسي احس روحي حتطلع وبلكوا امسيطره
غمضت واقرا ايات بكلبي ... صحيت على نفسي وامي تنده بيه
_ترفه جاوبي الشيخ جاي يحجي وياج
رجع الشيخ سألني وجاوبته،نعم وانت وكيلي
ورجع سأل رائد وجاوبه ،غمضت عيني وصوت الهلاهل ابتدى
شوي وكالو راح يدخل ... البنات عدلن مكياجي ورتبنه وشغلن الاغاني
واني كلبي مقبوض ماعرف ليش
...دخل وهنه تلكنه بالهوسات والكولات
واني بس شفته ودموعي صارت تنزل بغزاره
اجى كعد يمي وحضني
رائد:وجج بويه ليش هالبجي
ترفـه:....
رائد:بنيتي باعي عليه كلشي مابيه
أنت تقرأ
ليتك قدري
ChickLitكثيرون تاهوا في هذه الحياة، وكان في حياتهم الكثير من التحديات جعلتهم أحياناً يفقدون قيمة الاستمرار أو المضي قدماً، لما يجدونه من هالة سوداء كبيرة في مخيلتهم عن محدودية كل شيء، وكل شيء حولهم لا يبدو فيه أي شيء، الصمت والخواء والفراغ واللاهدف... عن طـ...
