الدم البارد

Part (1)

عزيزي القارئ
احذر من المجهول فدائماً القدر يتلذذ بالتلاعب بنا و لا احد يعلم علي من سيقع اختياره ليشاركه لعبته الجديده.......

.....: و اخيراً و صلنا البيت الجديد
......: اه فعلا بس للاسف هو عايز شويه تنضيف  لانو قديم و انا ملحقتش اجيب حد ينضفو عشان كده هتلقيه مش نضيف
......: مش مهم يا عادل كل حاجه واحده واحده
عادل: ماشي يا سمر انا هدخل الشنط وانتي نادي علي نور
سمر: تمام
سمر وهي تطرق علي زجاج السياره
: نور نور نورجان يا بنتي
و في هذه اللحظة نظرت نورجان الي والدتها
وانزلت الزجاج
سمر: في ايه يا نورجان ليه قفله العربه من جوه
نورجان: عادي
سمر: طب يلا احنا هندخل الشنط اهو
سارت سمر للداخل و بجانبها نورجان و فور دخولهم وجدت سمر الكثير من الاقمشه المتربه الموضوعه علي الاثاث نورجان: البيت شكلو لطيف
عادل و سمر: لطيف اذاي
وفجاه سمعو صوت جرس الباب فتح عادل الباب
عادل: اهلا مين حضرتك
...: انت استاذ عادل صح اوما له عادل ليسترسل كلامه انا ابقي مراد الي ساكن في الفله الي جنبك
و حبيت ارحب بيكو و اشوف اذا كنت محتاج اي مساعده
عادل بابتسامه وهو يصافحه: اهلا استاذ مراد والله فيك الخير اتفضل
دخل مراد وتفاجا من منظر المنزل الغير نظيف
عادل: معلش بقا يا استاذ مراد كان نفسنا انك تزرنا في وقت افضل من ده
مراد: استاذ ايه بقا يا راجل دا احنا جران
و بعدين هو انتو مجبتوش حد ليه ينضف البيت قبل ما توصلو
فصدح صوت في الارجاء صدم به مراد
نورجان: ميخصكش
عادل بغضب: نورجان شوفي ممتك فين و روحي ساعديها
بعد ذهاب نورجان
عادل: معلش بس هي مش بتتعامل مع ناس كتير
مراد: لا انا الي المفروض اعتذر هو فعلا ميخصنيش
عادل: ايه الي بتقوله ده دا حتي عيب انت لسه قايل اننا جران الموضوع كلو اننا جينا فجاه فملحقتش اعمل حاجه
مراد:اه تمام عموما ان احتجت حاجه انا في الفله الي لازقه فيكم
عادل: متشكرين يا استاذ مراد

و كل هذا الحوار تحت اعين شخص ما

اتصل عادل باشخاص لتنظيف المنزل و ايضا الخدم الذين كانو يعملون عندهم
في المساء كانو يجلسون علي طاوله الطعام  فلقد انتهي المنزل بسرعه بسبب كثره الخدم
سمر: نور
نورجان: نعم
سمر: جامعتك هتبدا بكرا هتروحي ولا لا
نورجان: لا
سمر كانت سترفض لكنها قالت: الي يريحك يا قلبي
عادل: ايه الي يريحها دي البنت مش بتخرح اصلا من البيت و لازم تخرج و تتعلم الاختلاط بالناس
نورجان: بس انا مش بحب اختلط بالناس انا اخترت التشريح اساسا عشان ما اختلطش بالناس
عادل: بس انتي هتروحي و غصب عنك
نورجان: ماشي
ثم صعدت الي الاعلي
سمر: براحه شويه عليها يا عادل ما انت عارف انها مش بتحب الناس الكتير
عادل: بس لحد امتي
سمر: اصبر بس بكره تعقل

بعد ساعات كان الجميع نائم احست نورجان بالعطش فنزلت الي الاسفل لتحضر الماءاثناء سيرها سمعت صرير باب اجل انه باب الغرفه التي جعلها والدها مكتب له