سلاام عليكمم
جبت لكم اليوم موضوع جديد اتمنى ينال إعجابكم
جمعت لكم انواع المتحرشين في اليمن
واشتي منكم تجيبو لكل نوع اسم مضحك من ذوقكم
يلا بينا •_*
ـــــــــــــــــــــــــــــــــــــــــــــــــــــــــــــــ
النوع الأول
هذا النوع ينتشر في الأرجاء يوقت الصبح
احترت ايش اسميهم وبعد عنااء طويل قررت اسميهم " المنبه "
لأنه ايي بنت يشوفها بالشارع بالصبح ضروري يقول لها صباح الخير
يعني من صباااح الصبح يقوم يتغزل ويصبح على بنات الناس
دائمًا اوصل المدرسة متصبح عليي خمسين مرة 😂💔😂💔😂💔😂
وهذا النوع فيهم قليل إعااقة
ايش اخترعت لهم من اسم!؟
ـــــــــــــــــــــــــــــــــــــــــــــــــــــــــــــــ
النوع الثاني..
هذا النوع اسمه " قلبك عامر بالإيمان "
الي يكون تحرشهم له دخل بالدين
وينقسمو لقسمين
القسم الأول: هم نفسسسهم نوع المنبه بس بالعصر 😂😂😂
يشوفو بنت مايقدرو يقولو لها صباح الخير يرجعو يقولو لها " ماشاء الله "
وربك اي بنت تمشي " ماشاء الله،،، ماشاء الله "
وأنا أطنن والله
ليش ماتدخل كلمتك هذي حلقك
ادوشتنا فيها الله يدوشك
القسم الثاني: الي يشوف بنت محجبة يقول لها تنقبي
وإذا شاف منقبة يقول لها صغري فتحة النقاب
وإذا شافها ملتزمة قال لها البسي جلباب
المهم المهم يتتتكلممم
مستتحيلل يسكت الكلب
ـــــــــــــــــــــــــــــــــــــــــــــــــــــــــــــــ
النوع الثالث..
أسمه "متعدد القلوب"
ذا النوع ينحصر عند اصحاب المحلات والمكاتب
لما البنت تسأل منه حتى جزمة
يقول لها " تفضلي ياقلبي "
قلبو وجهك ياحيوان ٧_٧
ـــــــــــــــــــــــــــــــــــــــــــــــــــــــــــــــ
وخلااااص
إذا شفت تفاعل بسوي جزء ثاني
