لو حطيتو لايك مش رح تخسرو شي
رح تفرحوني
Start ⭐️
الساعه 2نص الليل
وتين:هدا كله صار معاك وانت متحمل
ايمن:لما نقولك قلب مكسور صدقيني مع هدا اقسم بربي يوم شفتك اول مره حسيت انك حتكوني العوض ليا ودعيت ربي بالشي هدا
وتين: انت تعرف اني فاليوم يلي شفت فيه دموعي كنت كيف فاسخه خطوبتي مع شخص كنت واهباته ايامي
ايمن :نعرف ونعرف حت انه خطب افضل صديقه عندك والشهر الجاي عرسهم ونعرف انك بتي الليل كله تبكي ونعرف انك سحرتيني ونعرف ان حنكونو عوض لبعض ورح نسندو بعض ونعوضو بعض ع كل حزن شفناها
وتين:بس يا ايمن انت تستحق الافضل
ايمن :اني نبي الحن والطيبه وانتي ما شاءالله حن وطيبه اخلاق وجمال وعلم شن نبي افضل من هكي
وتين:مانوعدكش بشي بس رح نفكر🥺☹️
ايمن :شد يدي وقفني معاه وقالي توا خشي ارقدي وارتاحي عطلتي
وتين🥺:تمام تصبح ع واقع حلو
ايمن :نبي نتصبح فيك
خشت وتين ولقت الحوش كلهم راقدين خشت فراشها وقلبها عند ايمن وبالها عند رهام
................
سعاد فات علاها الليل كله دموع وامها تخططلها في شي اكبر للعيله هدي
ومحمد كان خاطره يقول هلبا كلام بس مش لاقي لمن يحكيه لما خش ايمن وبمجرد ما سأله خيرك حكاله وقعدو يدورو في حل لشكوك محمد
.........
هيتم ومراد رقدو من التعب كل واحد في حوشه
وفي شخص واحد ساهر بروحه ومش قادر يرقد رغم انه تاعب
عبدو يفكر وباله فاها بدت تأتر عليه في ابسط حركه تديرها عبدو يلي مافيش بنت ترفضه رهام رفضاته هوا كلامه اوامر رهام كلامها عصيان وماتحترمش فيه حط في باله ان لازم ياخدها بأي شكل من الاشكال
...احمد واصيل بعد لا خدو الدواء كل واحد غارق في نومه رحموني مسكين راقد ع كرسي من التعب
.......
الساعه 10 الصبح
فتحت عيوني وكنت فرحانه لقيت جنبي علي وجايبلي فطور فطرت ولما كان يغيرلي في الضماد غضيته من رقبته وهوا ما بردهاش شدني ودارلي علامه في رقبتب من لوطه باش ما تنشافش 🙈🙈
حطني في كروسه ورفعني لحجرة خوتي وكنت واجعني حالهم كيف كل واحد مكسر من جيهه ورحموني قالي اسف رحتي من بالي وقعدت مع خوتي لين جو بابا وتين وهيتم روحت اني ورحموني ورهام وقعدو بابا وهيتم مع خوتي روحت وكان الحوش زحمه الاقارب كلهم فالحوش وبابا دابح عشان سلامت خوتي وداير غدي وجاينا ناس من كل مكان وفي يلي من مسافات بعيده والجيران
............
امي وعماتي وخلاتي فالمطبخ يطيبو في لغدي
بنات عماتي وبنات خلاتي واني نديرو في سلايط ونسلفرو في الفواكه بحكم ندير واني مقعمزه
خواتي لكبار يديرو في العصبان🤤
والكناين كانو يظيفو فالناس ومهتمين بيهم الصغار راده بالها منهم بنت جيرانه اميمه بنيه زي لعسل عمرها 25سنه ماتزوجتش لانها مالقتش الشخص يلي يشتاهلها دكتوره اطفال تحب الصغار بشكل جنوني 🤗😍
—————-_________————
فات وقت لغدي وكان عباره عن كسكسي وبازين وعصبان وسلايط وفواكه ومشروب يعني بالمختصر عزومه فرح وبعدين شاهي وحلويات وشكلاطه عشان ربي تلطف بينا وخوتي طلعو سالمين واني خليت غدي محمد بس كيف بنبعتهوله خطرت ع بالي كلمت مراد وقلتله لازم يرفعو غدي لاحمد واصيل وللدكاتره والممرضين يلي مهتمين بيهم باش ما ينقصو عليهم شي وهوا فرح بالفكره وبعتلهم غدي وقلت لمحمد لازم يتغدى لانه حاطه فيه يديا 😂😂
——————————
الساعه 4 العصر
الناس بدو يروحو وكل واحد ع حوشه وخواتي روحو لحياشهم بصغارهم وقعدنا العيله بس وعيلة عمي صالح ماباش بابا يخليهم يروحو حلفلهم يباتو عندنا 🤦♀️🤦♀️🤦♀️
اني لاني مشيت هلبا ع رجلي وضريتها رجلي وجعتني هلبا وفات من جنبي بابا قالي يا رهام
اني:نعم بابا
بابا:اني ماشين بنطلعو خوتك من المستشفى في وليد الله يفتح عليه قال نساعدكم في اجراءات الخروج ونظملكم الامور وتي انتي واختك حوش احمد باش الزوز يقعدو فوق واللي جوهم من صحابهم وسهرياتهم فوق
قلتله تمام مشيت بنكلم وتين لقيتها راقده من التعب 🥺💔وجعتني غطيتها وخديت شن نبي من حوشنا ورقيت لحوش احمد خطرت ع بالي اميمه كلمتها وجتني رقينا جميع اقسمنا الحوش بالنص هيا المربوعه والصاله والمطبخ واني دار النوم ودار اللي جنبها والحمام وبدينا كل وحده في شغلها عاد ماخافي عليكم حوش وقاعدين فيه ولاد كيف وضعه ضميت الحمام وسيقته والدار يلي جنبها وخشيت لدار النوم ضميت وين جيت جنب السرير لقيت واحد مفرش عالارض وراقد جنب السرير وين قربت لقيته عبدو🤦♀️😂
خديت بطانيه وغطيته وكملت ضمان وسكرت الضي والباب وطلعت
———————-
قلت لاميمه اني كملت ولد عمي راقد في الدار اني نبي الحمام اكرمكم الله وانتي كملي فيسع باش نطلعو جميع
فالاوقات هدي خش محمد للحوش
اللي بيتكلم محمد توا😂🤗
محمد:خشيت لحوش احمد بوي قالي رهام فوق اضم ادكرت عبدو راقد قلت خلي نرقى معاها ندير معاها شي بحكم هيا مجروحه نسمع في صوت لميه متع المطبخ مفتوحه خشيت لقيت بنت قصيره مربربه عاطيتني بظهرها منحيه وشاحها قايمه بيه قفطانها رابطاته ع خصرها القفطان اسود والرجلين بيض شمعه والشعر طويل الله يبارك تجمدت مكاني بسم الله ماشاءالله وين لفت غزالت الريم حرفيا العيون عسليات واسعات والشفايف منفوخات وصغيرات الخدود حمر الله يبارك حرفيا البنت تجنن 😳😳😳
اميمه: نخلعت ونزلت قفطاني وغطيت راسي بوشاحي وقلتله اااسسفه مانعرفش انك هنايا ونزلت راسي
محمد:كيف بنتكلم قاطعني صوت رهام حميدا شن دير هنايا
محمد :بوي قالي انك اضمي ف قلت نجي نعاونك لانك مجروحه مانحسابش في معاك ضيوف😊
رهام:😂😂ضيوف شني خيرك حموده هدي اميمه بنت عمي جمعه جارتنا معاش عرفتها
اميمه🥺😔ان انني كملت بننزل تبي اي شي اتصلي بيا
محمد: يعطيك الصحه نردوهولك فالافراح ياربي😍
اني شكرا ميمي وحضنتها وكان وجها مقابل لمحمد والبنت حمرا من الحشم نزلت اميمه لحوشهم وشدني محمد قصقصه عالبنت واني حسيت ان خوي نعجب باها والولد نسي حت انه متزوج 😂😂
فات باقي اليوم عادي وروحو خوتي من المستشفى وصاحبهم معاهم وبدو جو شيلات 😂😂
ااني كلمت محمد ورقدت لعند الساعه10 نوضتني امي قالتلي يبيك بوك في المربوعه نضت مخلوعه كنت لابسه تيشرت اصيل الابيض واسع ومعاه سروال اسود لبست الكبوس متع اليشرت ع راسي وطلعت لبوي نمشي رجل برجل والجرح زي السم خشيت للمربوعه لقيته مقعمز مع عبدو ومحمد وعمي صالح وعلي 😳😳
منظري زباله واللبسه زباله وبوي ناداني جنب هلبا ناس وووووك لعنت روحي
سلمت ع عمي صالح وقلت خير للبقيه وقلت لبوي نعم😔💔🤦♀️
بابا:هههه اصيل غر يصح لما يريشك حوايجه كلهم عندك😂
ع صالح:اشري انتي وخوك نفس اللبس اقلها يستفيد منك وانتم لبنات تحبو لبس لولاد 😂😂
عبدو :ميت بالضحك ع منظري واني قريب نبكي
محمد: كان سرحان في عالم تاني
علي:🤭بيضحك ومش قادر
بابا:قعمزي علي بيغيرلك الجرح جي بيشوف خوتك قلتله خلي نديرلك تعبه خير مانمشي للمصحه غدوه
اني😊:بارك الله فيه لكن عادي مانبيش نتعب حد🤦♀️
علي: عادي ولا يهمك تعبكم راحه والله عمي جواد من خيرت الناس ومعرفته كنز اي شي يبيه شرف ليا اني نديرهوله😎
بابا عجبه لكلام هلباوقاله ربي يحفظك ياولدي والله انك رجال وقفتك مع ولادي ماننساها ليك
قعمزت عالصالون جنب علي وجنبي محمد
حي علي قدامي وحطلي رجلي عالطاوله وقالي بتتحملي شويه واول ما نحى الشاش بدي يعيط عليا قدامهم انتي مهمله وهدا غلط ورجلك لو قعدتي بالاهمال هدا رحر تلتهب ويصيرشي احني بغنا عنه
بابا: بابا خيرك ياولدي تعيط شن في
علي: ياعمي واحد من البونتوات مفتوح والرجل ملتهبه تعالى شوف الماده يلي عالجرح
ع صالح😳لاحولا ولا قوة الا بالله
عبدو جي واقف وطلع مره وحده
علي:الليله حنلفهالك ونعطيك مسكن وغدوه الصبح تجيني في المصحه####
محمد :خلاص كون هاني الصبح نجيبهالك لفهالي ويفنص فيا وراقيله 😤😤
——————
خشيت لقيت وتين واميمه ونهاد ورؤى ونور بنات جيرانا يهدرزو قعدت نبكي وقلتلهم شن صار قعدو يضحكو عليا وقالولي ماتخافيش 🤗
الساعه 12 مليت من التقعميز قلت خلي نطلع للجنان اني وتين طلعنا وكالعاده وتين ديما تطلع بمفاجئات قالت جعانه خليك نديرو شي ناكلوه ونجي واني مثعمزه في حب الله يجي عبدو ويقعمز جنبي.........
———-
الكاتبه #roro#
شن رايكم نكمل او نوقف
أنت تقرأ
لحظات غيرت حياتي+18🔞
General Fictionهناك لحظات نحيا بها الى الابد💙واخرى تفقدنا الحياه الى الابد🖤
